AP Holidays 2024: వచ్చే ఏడాది 20 సాధారణ సెలవులు.. ప్రభుత్వ ఉద్యోగులకు కలిసొచ్చిన పండగ దినాలు

ప్రభుత్వ ఉద్యోగులకు వచ్చే ఏడాది సెలవు దినాలు కలిసొచ్చాయి. సాధారణ, ఐచ్ఛిక సెలవుల క్యాలెండర్‌-2024ను ప్రభుత్వం గురువారం (నవంబర్‌ 30) విడుదల చేసింది. ప్రభుత్వ కార్యాలయాలకు 2024 సంవత్సరానికి గానూ 20 సాధారణ సెలవులు ప్రకటించింది. ఈ మేరకు గురువారం ప్రభుత్వ ప్రధాన కార్యదర్శి జవహర్‌రెడ్డి ఉత్తర్వులు జారీ చేశారు. ఇక ఐచ్ఛిక (ఆఫ్షనల్‌ హాలిడేస్‌) సెలవులు 17 రోజులు, 11 సెలవులు వారాంతం లేదా వారం ప్రారంభంలోనే వచ్చాయి. ప్రభుత్వ ఉద్యోగులు ఏడాదిలో గరిష్టంగా..

Andhra Pradesh

Srilakshmi C |

Updated on: Dec 01, 2023 | 7:03 AM

అమరావతి, డిసెంబర్‌ 1: ప్రభుత్వ ఉద్యోగులకు వచ్చే ఏడాది సెలవు దినాలు కలిసొచ్చాయి. సాధారణ, ఐచ్ఛిక సెలవుల క్యాలెండర్‌-2024ను ప్రభుత్వం గురువారం (నవంబర్‌ 30) విడుదల చేసింది. ప్రభుత్వ కార్యాలయాలకు 2024 సంవత్సరానికి గానూ 20 సాధారణ సెలవులు ప్రకటించింది. ఈ మేరకు గురువారం ప్రభుత్వ ప్రధాన కార్యదర్శి జవహర్‌రెడ్డి ఉత్తర్వులు జారీ చేశారు. ఇక ఐచ్ఛిక (ఆఫ్షనల్‌ హాలిడేస్‌) సెలవులు 17 రోజులు, 11 సెలవులు వారాంతం లేదా వారం ప్రారంభంలోనే వచ్చాయి. ప్రభుత్వ ఉద్యోగులు ఏడాదిలో గరిష్టంగా అయిదు ఐచ్చిక సెలవులను వినియోగించుకోవచ్చని ఆయన స్పష్టం చేశారు. చంద్ర దర్శనం బట్టి మారే రంజాన్, బక్రీద్, మొహర్రం, మిలాద్‌ ఉల్‌ నబీ వంటి పర్వదినాలతో పాటు తిధుల ప్రకారం మారే హిందూ పండుగల వివరాలను తరువాత ఆయా పరిస్థితులకు అనుగుణంగా ప్రకటిస్తామని ఆయన పేర్కొన్నారు. అటువంటి సందర్భాల్లో సాధారణ ఉత్తర్వులు వచ్చే వరకు ఆగకుండా ఆయా శాఖాధిపతులు తగు నిర్ణయం తీసుకోవచ్చని స్పష్టం చేశారు.