17 నుంచి ఇంద్రకీలాద్రిపై దసరా మహోత్సవాలు

అమ్మలగన్నమ్మ బెజవాడ దుర్గమ్మ దసరా మహోత్సవాలు అక్టోబర్ 17 నుంచి ఇంద్రకీలాద్రిపై జరుగనున్నాయి. శ్రీ శార్వరి నామ సంవత్సర దసరా మహోత్సవాలు 9 రోజుల పాటు జరుగుతాయి. పది అలంకారాలలో దుర్గమ్మ దర్శనమివ్వనుంది. అక్టోబర్ 17 వ తేదీన తొలిరోజు శ్రీ స్వర్ణకవచాలంకృత దుర్గాదేవిగా దుర్గామాత దర్శనమివ్వనుంది. 18 న శ్రీ బాలా త్రిపుర సుందరీ దేవిగా…19న శ్రీ గాయత్రీ దేవిగా,20 న శ్రీ అన్నపూర్ణాదేవిగా, 21 మూలానక్షత్రం రోజున శ్రీ సరస్వతీ దేవిగా దర్శనమివ్వనుంది దుర్గమ్మ. 22 న శ్రీ లలితా త్రిపుర సుందరీ దేవిగా, 23 న శ్రీ మహాలక్ష్మీ దేవిగా, 24న శ్రీ దుర్గాదేవి, శ్రీ మహిషా సుర మర్ధనీ దేవిగా రెండు అలంకారాలలో బెజవాడ దుర్గ దర్శనమివ్వనుంది. 25 న శ్రీ రాజరాజేశ్వరి దేవి అలంకారం…అదే రోజు సాయంత్రం కృష్ణానదిలో శ్రీ దుర్గామల్లేశ్వరస్వామి వార్ల తెప్పోత్సవం నిర్వహిస్తారు.