‘ఏపీలో 8 ఫిషింగ్ హార్బర్లు..5 సెంటర్ ఆఫ్ ఎక్స్ లెన్సెస్’

ఆంధ్రప్రదేశ్ లో సమగ్ర పరిశ్రమల సర్వే చేశామని ఆ శాఖా మంత్రి మేకపాటి గౌతమ్ రెడ్డి చెప్పారు. రాష్ట్రంలో 5 సెంటర్ ఆఫ్ ఎక్స్ లెన్సులు ఏర్పాటు చేయడానికి కేంద్ర సంస్థలు అంగీకరించాయని వెల్లడించారు. నీతి ఆయోగ్ చైర్మన్ ‘నాడు నేడు’ కార్యక్రమాన్ని అభినందించారని మంత్రి తెలిపారు. ఏపీలో 8 ఫిషింగ్ హార్బర్ల అభివృద్ధికి సహకరిస్తామని కేంద్రం చెప్పిందని మేకపాటి అన్నారు. పెట్రో కెమికల్ కరిడార్ లో 2 కెమికల్ సోలార్ మనుఫ్యాక్చరింగ్ ప్లాంట్స్ ఏపి లో ఏర్పాటు చేసేందుకు కేంద్రం సుముఖం వ్యక్తం చేసిందన్నారు. డిసెంబర్ నుండి ఏపీలో స్కిల్ డెవలప్ మెంట్ సెంటర్ల ను ఏర్పాటు చేస్తున్నామని బల్క్ డ్రగ్ పార్క్ ని ఏపీకి తీసుకొచ్చేందుకు ప్రయత్నిస్తున్నామని మంత్రి స్పష్టం చేశారు. భావనపాడు, రామాయపట్నం పోర్టుల అభివృద్ధి పనులు డిసెంబర్ 15 నాటికి ప్రారంభిస్తామని ఆయన తెలిపారు. విశాఖలో ఐటీ పరిశ్రమ అభివృద్ధికి చర్యలు తీసుకుంటున్నామని.. వరల్డ్ క్లౌడ్ సెంటర్ ని ఏర్పాటు చేసేందుకు చర్యలు చేపట్టామని.. వర్క్ ఫ్రం హోమ్ కి అధిక ప్రాధాన్యం ఇస్తున్నామని మంత్రి మేకపాటి తెలిపారు.