డామిట్ కథ అడ్డం తిరిగింది.. రాజకీయ శరణార్థిగా షేక్ హసీనాకు ఆశ్రయం ఇచ్చేదెవరు..?

ఐదు సార్లు దేశానికి ప్రధాని, నిన్నటి వరకు తిరుగులేని నాయకురాలు… అధికారంలో ఉంటూ దేశంలో మొత్తాన్ని తన చెప్పు చేతల్లో ఉంచుకున్న నేత,…. షేక్ హసీనా… ఇప్పుడు దేశాలు పట్టుకొని తిరగాల్సిన పరిస్థితి. తనకు ఉండటానికి ఆశ్రయం కావాలంటూ ఆ దేశాన్ని.. ఈ దేశాన్ని అడుక్కోవాల్సిన సందర్భం. ఓడలు… బళ్లు కావడం అంటే ఇదే. ఏదో భారత్ అయినా దయతలచి ఉండనిస్తోందే కానీ… ఇప్పటి వరకు విదేశాలకు వెళ్లేందుకు ఆమె చేసిన ఏ ప్రయత్నమూ ఫలించడం లేదు. భారత్ కూడా ఆమెకు తాత్కాలిక డెస్టినేషనే తప్ప.. పర్మినెంట్ కాదని విదేశాంగ మంత్రి జైశంకర్ ఎప్పుడో చెప్పేశారు. మరోవైపు హసీనా కుమారుడు సాజీబ్ వాదిజ్.. తన తల్లి ఏ దేశాన్ని రాజకీయ ఆశ్రయం కోరలేదని చెబుతున్నారు. అలాంటప్పుడు మరి షేక్ హసీనా డెస్టినేషన్ ఏది..? ఆమె ఎక్కడ ఉండబోతున్నారు..? అటు బ్రిటన్ లేదా.. అమెరికా ఏ దేశమైనా ఆమెకు రాజకీయ ఆశ్రయం కల్పిస్తుందా..? ప్రస్తుతం బంగ్లాదేశ్‌లోని పరిస్థితుల్ని ఆయా దేశాలు ఎలా చూస్తున్నాయన్న విషయంపై ఇదంతా ఆధారపడి ఉంటుందని విశ్లేషకులు చెబుతున్నారు. ఆశ్రయం దొరకడం అంత ఈజీ కాదా? ప్రస్తుత పరిస్థితుల్లో షేక్ హసీనాకు పశ్చిమ దేశాలు ఆశ్రయం కల్పించడం చాలా కష్టమని, అది జరగడం అసాధ్యమని ఇంటర్నేషనల్ క్రైసిస్ గ్రూప్ రీసెర్చర్ టామ్ కీయెన్ తమతో చెప్పినట్టు బీబీసీ బంగ్లా తన వెబ్ సైట్లో పేర్కొంది. షేక్ హసీనా హయాంలో గడిచిన కొన్ని రోజులుగా జరుగుతున్న పరిణామాలపై...