Texas Shooting: టెక్సాస్ మాల్‌లో బీభత్సం.. దుండగుల కాల్పుల్లో 9 మంది మృతి..
అగ్రరాజ్యం అమెరికాలో గన్ కల్చర్‌కు బ్రేకులు పడట్లేదు. ఎప్పుడు ఎవరి ప్రాణాలు గాల్లో కలుస్తాయో అనే టెన్షన్ కనిపిస్తోంది. తాజాగా టెక్సాస్‌లో.. ఒకే రోజు రెండు చోట్ల జరిగిన కాల్పుల ఘటనలు యూనెటెడ్ స్టేట్స్ లో కలకలం రేపాయి.
Updated on: May 07, 2023 | 4:20 PM
అగ్రరాజ్యం అమెరికాలో గన్ కల్చర్‌కు బ్రేకులు పడట్లేదు. ఎప్పుడు ఎవరి ప్రాణాలు గాల్లో కలుస్తాయో అనే టెన్షన్ కనిపిస్తోంది. తాజాగా టెక్సాస్‌లో.. ఒకే రోజు రెండు చోట్ల జరిగిన కాల్పుల ఘటనలు యూనెటెడ్ స్టేట్స్ లో కలకలం రేపాయి. టెక్సాస్‌లోని ఓ షాపింగ్ మాల్‌లో ఇద్దరు సైకోలు వీరంగం సృష్టించారు. సడన్‌గా ఎల్లెన్ మాల్‌లోకి చొరబడిన ఇద్దరూ అక్కడ ఉన్న వాళ్లపై విచక్షణా రహితంగా కాల్పులు జరిపారు. ఈ ఘటనలో 9 మంది మృతి చెందారు. వెంటనే అలర్ట్ అయిన పోలీసులు ఒక నిందితుడిని హతమార్చారు. ఈ కాల్పుల ఘటనలో ఏడుగురు తీవ్రంగా గాయపడ్డారు. మృతుల సంఖ్య ఇంకా పెరగొచ్చని టెక్సాస్ పోలీసులు పేర్కొంటున్నారు.
ఉత్తర డల్లాస్‌కి 40 కిలోమీటర్ల దూరంలోని స్ప్రాలింగ్ షాపింగ్ కాంప్లెక్స్‌లో ఈ కాల్పులు జరిగాయి. కాల్పుల తర్వాత షాపింగ్ మాల్‌లోని కస్టమర్లు, ఉద్యోగులూ.. పార్కింగ్ లాట్స్‌లోకి పరుగులు తీశారు. మిలిటరీ దుస్తులు ధరించిన ఓ దుండగుడిని పోలీసులు కాల్చి చంపారు.
ఒక్కసారిగా ఎదురైన ఈ హింసాత్మక కాల్పులతో వందలాది మంది మాల్ నుంచి భయాందోళనతో బయటకు పరుగులు పెట్టారు. తనకు కొంచెం దూరంలో ఆగి ఉన్న కారులోంచి ఒక్కసారిగా ఫైరింగ్‌ స్టార్ట్ అయ్యిందని ప్రత్యక్ష సాక్షి శిల్ప చెబుతున్నారు. ఏం జరుగుతుందో అర్థం అయ్యేలోపే ఇంత బీభత్సం జరిగిపోయిందంటున్నారు.
టెక్సాస్ అనేది తెలుగువాళ్లు అధికంగా ఉండే ప్రాంతం. ఇక్కడ రెండు లక్షల జనాభా ఉంటే దాదాపు సగం మంది తెలుగు వారే. ఇలాంటి ప్రాంతంలో కాల్పులు జరపడంతో టెన్షన్ నెలకొంది. అటు టెక్సాస్ సమీపంలోని ఫ్రిస్కన్‌ ప్రాంతంలో కూడా ఓ దుండగుడు కాల్పులు జరిపాడు. పలువురికి గాయాలు అయ్యాయి. ఒకే రోజు రెండు కాల్పుల ఘటనలతో అక్కడి ప్రజలు భయాందోళనతో బిక్కుబిక్కుమంటున్నారు.
మరిన్ని అంతర్జాతీయ వార్తల కోసం..
