బ్రెజిల్‌లో ప్రధాని మోదీకి ఆత్మీయ స్వాగతం.. 17వ బ్రిక్స్ శిఖరాగ్ర సమావేశానికి హాజరు
ప్రధానమంత్రి నరేంద్ర మోదీ నాలుగు రోజుల పర్యటన నిమిత్తం బ్రెజిల్ చేరుకున్నారు. ఈ సందర్భంగా ఆయన 17వ బ్రిక్స్ శిఖరాగ్ర సమావేశంలో పాల్గొంటారు. శనివారం(జూలై 05) సాయంత్రం (స్థానిక సమయం) రియో డి జనీరోలోని గలేవో అంతర్జాతీయ విమానాశ్రయానికి చేరుకున్న ప్రధానమంత్రికి ఘన స్వాగతం లభించింది. ఐదు దేశాల పర్యటనలో ఇది నాల్గవ దశ.
Updated on: Jul 06, 2025 | 8:15 AM
ప్రధానమంత్రి నరేంద్ర మోదీ నాలుగు రోజుల పర్యటన నిమిత్తం బ్రెజిల్ చేరుకున్నారు. ఈ సందర్భంగా ఆయన 17వ బ్రిక్స్ శిఖరాగ్ర సమావేశంలో పాల్గొంటారు. శనివారం(జూలై 05) సాయంత్రం (స్థానిక సమయం) రియో డి జనీరోలోని గలేవో అంతర్జాతీయ విమానాశ్రయానికి చేరుకున్న ప్రధానమంత్రికి ఘన స్వాగతం లభించింది. ఐదు దేశాల పర్యటనలో ఇది నాల్గవ దశ.
“బ్రెజిల్‌లోని రియో డి జనీరోలో అడుగుపెట్టాను, అక్కడ నేను బ్రిక్స్ శిఖరాగ్ర సమావేశానికి హాజరవుతాను. అధ్యక్షుడు లూలా ఆహ్వానం మేరకు ఆయన రాజధాని బ్రెసిలియాకు బ్రెజిల్ పర్యటన కోసం వెళ్తాను. ఈ సందర్భంగా కీలక అంశాలపై సమావేశాలు, చర్చలు జరుగుతాయని ఆశిస్తున్నాను” అని ప్రధాని మోదీ ట్విట్టర్‌లో ఒక పోస్ట్‌లో పేర్కొన్నారు.
#WATCH | Brazil | Prime Minister arrives at the Galeão International Airport, Rio De Janeiro.
PM Modi is visiting Brazil at the invitation of President Luiz Inacio Lula da Silva. PM will attend the 17th BRICS Summit in Rio de Janeiro, followed by a State Visit. This is PM… pic.twitter.com/GNgZ1AbAfi
— ANI (@ANI) July 5, 2025
బ్రిక్స్ భాగస్వామ్యానికి కట్టుబడి ఉన్నాం! ప్రధానమంత్రి నరేంద్ర మోదీ 17వ బ్రిక్స్ శిఖరాగ్ర సమావేశానికి బ్రెజిల్‌లోని రియో డి జనీరో చేరుకున్నారని విదేశాంగ మంత్రిత్వ శాఖ ప్రతినిధి రణధీర్ జైస్వాల్ సోషల్ మీడియా ఎక్స్‌ పోస్ట్‌లో తెలిపారు. అర్జెంటీనా నుండి ప్రధానమంత్రి ఇక్కడికి వచ్చారు. అక్కడ ఆయన అధ్యక్షుడు జేవియర్ మిల్లాతో విస్తృత చర్చలు జరిపారు. ద్వైపాక్షిక వాణిజ్యాన్ని విస్తృతం చేయడానికి, రక్షణ, కీలకమైన ఖనిజాలు, ఔషధ, ఇంధన, మైనింగ్ రంగాలలో సహకారాన్ని పెంపొందించడానికి అంగీకరించారు.
Honoured to receive the Key to the City of Buenos Aires from Mr. Jorge Macri, Chief of the City Government of Buenos Aires.@jorgemacri pic.twitter.com/wNggutMwtt
— Narendra Modi (@narendramodi) July 5, 2025
తన పర్యటనలో, ప్రధాని మోదీ జూలై 6-7 తేదీలలో రియో డి జనీరోలో జరిగే బ్రిక్స్ శిఖరాగ్ర సమావేశానికి హాజరవుతారు. ఆ తర్వాత ఆయన బ్రెసిలియాకు పర్యటన చేస్తారు. దాదాపు ఆరు దశాబ్దాల తర్వాత భారత ప్రధానమంత్రి ఆ దేశానికి చేసే మొదటి ద్వైపాక్షిక పర్యటన ఇది. బ్రెజిల్, రష్యా, భారతదేశం, చైనా, దక్షిణాఫ్రికాతో కూడిన బ్రిక్స్, ఐదు అదనపు సభ్యులతో విస్తరించారు. ఈజిప్ట్, ఇథియోపియా, ఇరాన్, సౌదీ అరేబియా, యుఎఇ కొత్తగా జత కలిశాయి.
బ్రిక్స్ వ్యవస్థాపక సభ్యుడిగా, అభివృద్ధి చెందుతున్న ఆర్థిక వ్యవస్థల మధ్య సహకారానికి భారతదేశం ఈ కూటమికి ఒక ముఖ్యమైన వేదికగా కట్టుబడి ఉందని ప్రధాని మోదీ అన్నారు. మరింత శాంతియుత, సమానమైన, ప్రజాస్వామ్య, సమతుల్య బహుళ ధ్రువ ప్రపంచ క్రమం కోసం మనం కలిసి కృషి చేస్తామని ఆయన అన్నారు. ఈ శిఖరాగ్ర సమావేశంలో, మోదీ అనేక మంది ప్రపంచ నాయకులను కలుస్తారు. ఐదు దేశాల పర్యటనలో భాగంగా ప్రధాని మోదీ ఘనా, ట్రినిడాడ్-టొబాకో, అర్జెంటీనాలను సందర్శించారు. ఆయన తన పర్యటన చివరి దశలో నమీబియాను సందర్శిస్తారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
