NASA: ఆ గ్రహాల నిండా నీళ్లే.. అంతరిక్షంలో మరో రెండు కొత్త గ్రహాలను కనుగొన్న నాసా..
మానవాళి మనుగడకు నీరు చాలా అవసరం. నీరు లేనిదే జీవం లేదు. నీటిని ఆధారంగా చేసుకుని జీవం పుట్టిందని పలు అధ్యయనాలు, శాస్త్రవేత్తలు కూడా నిరూపించారు. కాబట్టి నీటిని అన్వేషించాల్సిన..
Updated on: Dec 18, 2022 | 1:53 PM
మానవాళి మనుగడకు నీరు చాలా అవసరం. నీరు లేనిదే జీవం లేదు. నీటిని ఆధారంగా చేసుకుని జీవం పుట్టిందని పలు అధ్యయనాలు, శాస్త్రవేత్తలు కూడా నిరూపించారు. కాబట్టి నీటిని అన్వేషించాల్సిన అవసరం మానవులకు ఏర్పడింది. భూమిపై ఉన్న నీటిలో నాలుగింట మూడొంతులకు పైగా ఉప్పు నీరు కావడం, అది వ్యవసాయ, తాగు నీటి అవసరాలు తీర్చలేకపోవడం వంటి కారణాలతో నీటికి ఇబ్బందులు ఏర్పడ్డాడు. మంచి నీటి కోసం అనేక పద్ధతులు పాటించాల్సిన ఆవశ్యకత ఏర్పడింది. అయితే ప్రస్తుతం భూమిపైనే కాదు.. ఇతర గ్రహాల మీద కూడా నీటి జాడ ఉందా లేదా అనే విషయంపై పరిశోధనలు జరుగుతున్నాయి. ఇందులో భాగంగా సైంటిస్టులు అద్దిరిపోయే విషయాన్ని కనుగొన్నారు. ఆ విషయం తెలిసి వాళ్లే ఆశ్చర్యపోయారు. చూడాలి మరి.. భవిష్యత్ నీటి అవసరాలను ఆ గ్రహాలు తీరుస్తాయా.. లేక మానవ మనుగడ అక్కడ కొనసాగుతుందా అనేది.
నాసా మరో రెండు కొత్త గ్రహాలను కనుగొంది. ఆ గ్రహాలనిండా నీళ్లే ఉండటం విశేషం. అమెరికా అంతరిక్ష పరిశోధనా సంస్థ నాసాకు చెందిన హబుల్ టెలిస్కోప్ నీటి జాడలున్న ఈ కొత్త గ్రహాలను గుర్తించింది. ఈ మేరకు ఖగోళ శాస్త్రవేత్తలు వెల్లడించారు. ఈ రెండు గ్రహాలు ఓ నక్షత్ర మండలంలో భాగంగా ఉన్నాయని, అంతేకాదు, అవి భూమి పరిమాణం కంటే ఒకటిన్నర రెట్లు పెద్దవని శాస్త్రవేత్తలు వెల్లడించారు. కాగా ఈ గ్రహాలు రెండూ ఎర్రగా ఉండే ఓ మరుగుజ్జు నక్షత్రం చుట్టూ పరిభ్రమిస్తున్నాయని తెలిపారు.
లిరా నక్షత్ర మండలంలో 218 కాంతి సంవత్సరాల దూరంలో ఈ కొత్త గ్రహాలు ఉన్నట్టు ఖగోళ శాస్త్రవేత్తలు తెలిపారు. ఈ రెండు గ్రహాలు నీటితో నిండి ఉన్నాయని పేర్కొన్నారు. వీటికి కెప్లెర్-138సి, కెప్లెర్-138డి అని నామకరణం చేశారు. అయితే ఈ రెండు గ్రహాలపైనా అత్యధిక భాగం నీరు ఉన్నట్టు అంచనా వేస్తున్నారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
