మోటో జీ 9పై మస్తు ఆఫర్లు… ఫ్లిప్ కార్ట్ బ్లాక్ ఫ్రైడేలో భారీ డిస్కౌంట్… ధర ఎంతంటే…

Motorola Moto G9 Flipkart Price Rs 11499 మోటోరోలా కంపెనీ ఇటీవ‌ల విడుద‌ల చేసిన స్మార్ట్ ఫోన్లలో ఎక్కువ‌గా పాపుల‌ర్ అయిన మోడల్స్ మోటో జీ 9, మోటో ఫ్యూజ‌న్ ప్లస్‌. అయితే మోటో జీ9 మోడ‌ల్ ను 11,499 రూపాయ‌ల ధ‌ర‌కు విక్రయించగా.. ప్రస్తుతం ఫ్లిప్‌కార్ట్ బ్లాక్ ఫ్రైడే సేల్‌లో రూ .9999 కు లభిస్తోంది. ఈ ఆఫ‌ర్ నవంబర్ 30 వరకు కొనసాగనుంది. అలాగే మోటో జి 9తో పాటు ఇతర మోటోరోలా ఫోన్లపైనా ప‌లు ఆఫర్లను ప్రకటించింది. ఈనెల 26న ప్రారంభ‌మైన ఫ్లిప్‌కార్ట్ బ్లాక్ ఫ్రైడే 30 ముగిసిపోనుంది. ఈ ఆఫ‌ర్‌లో భాగంగా ప‌లు స్మార్ట్ ఫోన్లపై ప్రత్యేక త‌గ్గింపులు ఉన్నాయి. ఎస్‌బీఐ క్రెడిట్ కార్డ్‌పై 5% శాతం ఇన్‌స్టాంట్ డిస్కౌంట్ వస్తోంది.

మోటో జీ 9 కొన్ని నెలల క్రితం భారతదేశంలో రూ.11,499 కు లాంచ్ అయింది. కానీ దీపావళి అమ్మకాల సమయంలో దీని ధర రూ.9999కే విక్రయించారు. ఇప్పుడు అదే ధ‌ర‌కు ఫ్లిప్‌కార్ట్ లో అందుబాటులో ఉంది. రూ.9999 లోపు అందుబాటులో ఉన్న ఫోన్లలో ఇది ఉత్తమ ఎంపిక‌గా చెప్పుకోవ‌చ్చు. ఎందుకంటే ఇందులో స్నాప్‌డ్రాగన్ 662 ప్రాసెస‌ర్‌ను వినియోగించారు. అలాగే ఇది క్లీన్ ఆండ్రాయిడ్‌తో వ‌స్తుంది. ఇదే ప్రైస్ రేంజ్‌లో ఉన్న ఫోన్లో మీడియా టెక్ హీలియో చిప్‌సెట్ల‌ను మ‌నం గ‌మ‌నించ‌వ‌చ్చు.

మోటో జి9 మోడ‌ల్ ఫీచ‌ర్లు

మోటో జీ 9 ఫోన్‌ 6.5-అంగుళాల హెచ్‌డీ డిస్‌ప్లే ఉంది. స్క్రీన్ ర‌క్షణ‌ కోసం కార్నింగ్ గొరిల్లా 3 ను వినియోగించారు. స్మార్ట్‌ఫోన్ క్వాల్కమ్ స్నాప్‌డ్రాగన్ 662 ప్రాసెసర్. 4జీబీ ర్యామ్, 64జీబీ ఇన్‌బిల్ట్ స్టోరేజ్‌తో వ‌స్తుంది. మైక్రో ఎస్ డీ కార్డ్ ఉపయోగించి 512 జీబీ వరకు పెంచుకోవ‌చ్చు.

ఇక కెమెరా విభాగంలో మోటో జీ 9 వెనుక భాగంలో మూడు కెమెరా సెన్సార్లు, ఒక ఎల్ఈడీ ఫ్లాష్ ఉన్నాయి. కెమెరా మాడ్యూల్‌లో 48 మెగా పిక్సెల్ మెయిన్ కెమెరా, క్వాడ్ పిక్సెల్ టెక్నాలజీతో ఎఫ్ 1.7 ఎపర్చర్‌తో పాటు 2 మెగాపిక్సెల్ మాక్రో లెన్స్, 2 మెగాపిక్సెల్ డెప్త్ సెన్సార్ ఉన్నాయి. సెల్ఫీల కోసం 8 మెగాపిక్సెల్ కెమెరా ఉంది. మోటో జి 9 లో 20 డబ్ల్యూ టర్బోపవర్ ఫాస్ట్ ఛార్జింగ్ స‌పోర్ట్‌తో 5000 ఎమ్ఏహెచ్ బ్యాటరీ ఉంది.

మోటో జీ9 ప‌వ‌ర్‌..

మోటో జీ 9 ప‌వ‌ర్‌ మోడ‌ల్ భారతదేశంలో విడుదల కానప్పటికీ దీనిని ఐరోపాలో అధికారికంగా విడుద‌ల చేశారు. మోటో జీ 9 లో 720×1,640 పిక్సెల్స్ రిజల్యూషన్‌తో 6.8-అంగుళాల హెచ్‌డీ + ఐపీఎస్ డిస్‌ప్లే ఉంది. ఇది క్వాల్కమ్ స్నాప్‌డ్రాగన్ 662 ప్రాసెస‌ర్‌ని వినియోగించారు. 4జీబీ ర్యామ్, 128జీబీ స్టోరేజ్ వేరియంట్‌తో వ‌స్తుంది.

ఇక కెమెరా సెట‌ప్ విష‌యానికొస్తే మోటో జీ 9 పవర్ ట్రిపుల్ రియర్ కెమెరాను కలిగి ఉంది. ఇందులో 64 మెగాపిక్సెల్ ప్రైమరీ సెన్సార్, 2 మెగాపిక్సెల్ మాక్రో సెన్సార్, 2 మెగాపిక్సెల్ డెప్త్ సెన్సార్ చూడ‌వ‌చ్చు. సెల్ఫీల కోసం 16 మెగాపిక్సెల్ కెమెరా ఉంది. ఈ స్మార్ట్‌ఫోన్‌లో అన్నింటికంటే ముఖ్యంగా 6000 డబ్ల్యూ ఎంఏహెచ్ బ్యాటరీని వినియోగించ‌డం విశేషం. ఇది 20 డబ్ల్యూ ఫాస్ట్ ఛార్జింగ్‌కు మద్దతు ఇస్తుంది. రెండు స్మార్ట్‌ఫోన్‌లు స్టాక్ ఆండ్రాయిడ్ 10 లో నడుస్తాయి.

సింగిల్ 4 జీబీ + 128 జీబీ స్టోరేజ్ వేరియంట్ కోసం మోటో జీ 9 పవర్ యూరప్‌లో యూరో199 (సుమారు రూ .17,500) కు లభిస్తోంది. భారతదేశంలో దీని కంటే ధర తక్కువగా ఉండొచ్చని అంచ‌నా. మోటో జీ9, మోటో జీ9 ప‌వ‌ర్ రెండు మోడ‌ళ్లలోని ప్రాసెసర్‌లో ఎటువంటి మార్పు లేనప్పటికీ, జీ 9 పవర్‌లో శక్తివంతమైన కెమెరా సెటప్, పెద్ద స్క్రీన్ సైజు, పెద్ద బ్యాటరీ ఉంది.