ఒక్క దెబ్బకు అధికార యంత్రాంగం, కుటుంబం ఖతం.. ఎటాక్ ఫ్లాన్ బయటపెట్టిన ఇజ్రాయెల్!

ఇజ్రాయెల్‌, అమెరికా దాడులు.. ఇరాన్‌ ప్రతిదాడులతో పశ్చిమాసియాలో ఉద్రిక్తతలు కొనసాగుతున్నాయి. వరుస దాడులతో రెండు దేశాలు ఇరాన్‌ను ఉక్కిరిబిక్కిరి చేస్తున్నాయి. ఇరాన్ సుప్రీం నాయకుడు ఆయతుల్లా అలీ ఖమేనీ మరణించిన ఆరు రోజుల తర్వాత, అమెరికా దాడికి సంబంధించి సంచలన విషయం వెలుగులోకి వచ్చింది. ఖమేనీని చంపడానికి ఇజ్రాయెల్ – అమెరికా బ్లూ స్పారో క్షిపణులను ఉపయోగించాయి. ఆయతుల్లాను చంపడానికి 30 క్షిపణులను ప్రయోగించారని ఇజ్రాయెల్ అధికారులు చెబుతున్నారు. ఇజ్రాయెల్ దాడి తీవ్రతకు సుప్రీం లీడర్ ఖమేనీ నివాసం కింద ఉన్న బంకర్‌ కూడా పూర్తిగా ధ్వంసం అయ్యింది.

న్యూయార్క్ పోస్ట్ కథనం ప్రకారం, అనుమానం రాకుండా ఉండటానికి ఇజ్రాయెల్ అధికారులు దాడికి ముందు తమ ప్రధాన కార్యాలయాన్ని విడిచిపెట్టారు. ఆ తర్వాత బ్లూ స్పారో క్షిపణిని ఖమేనీ సమావేశం నిర్వహిస్తున్న టెహ్రాన్ నివాసం వైపు మళ్లించారు. బ్లూ స్పారో క్షిపణి ఢీకొనడానికి ముందు ఆకాశంపైన ఏడవ దశకు చేరుకుంది. ఆ తర్వాత అది టెహ్రాన్‌లోని ఖమేనీ అధికారిక నివాసాన్ని అతి వేగంగా ఢీకొట్టింది. అక్కడ ఖమేనీతో పాటు అతని సలహాదారు అలీ ఖమేనీ, ఇస్లామిక్ రివల్యూషనరీ గార్డ్స్ అధిపతి మొహమ్మద్ పాక్‌పూర్‌ తదితరులు ప్రాణాలు కోల్పోయారు.

1. బ్లూ స్పారో క్షిపణి స్కడ్ క్షిపణికి నకలు. దీని పరిధి 1,240 మైళ్లు అంటే సుమారు 1,500 కి.మీ.
2. ఈ క్షిపణి బరువు 1,900 కిలోగ్రాములు, ఘన-ఇంధన రాకెట్.
3. రాకెట్ బూస్టర్లు క్షిపణి వార్‌హెడ్ నుండి గాల్లోకి ఎగరగానే విడిపోతాయి.
4. ఈ క్షిపణిని F-15 నుండి ప్రయోగిస్తారు.

ఆయతుల్లా అలీ ఖమేనీని హత్య చేయడానికి CIA, మొసాద్ సంయుక్తంగా ఒక ఆపరేషన్‌ను సిద్ధం చేశాయి. దీని కోసం, ఇరాన్‌లో గూఢచారులను మోహరించారు. ఈ గూఢచారులు ఖమేనీపై సమాచారాన్ని సేకరించారు. ఇరాన్‌పై అమెరికా దాడి తర్వాత, మొదట సుప్రీం లీడర్‌ను లక్ష్యంగా చేసుకోవాలని నిర్ణయించారు. ఫిబ్రవరి 28న, ఖమేనీ తన నివాసంలో సమావేశం నిర్వహిస్తుండగా, ఆయన ఇంటిపై దాడి జరిగింది. ఈ దాడిలో ఖమేనీ, ఆయన భార్య, కుమార్తె, అల్లుడు, మనవరాలు, మనవడు మరణించారు. ఆ సమయంలో ఖమేనీ కుమారుడు మోజ్తాబా నివాసంలో లేడు. ఆయన ప్రాణాలతో బయటపడ్డాడు. ఇప్పుడు ఆయనను ఇరాన్ సుప్రీం నాయకుడిని చేయడానికి సన్నాహాలు జరుగుతున్నాయి.

మరిన్ని అంతర్జాతీయ వార్తల కోసం ఇక్కడ క్లిక్ చేయండి…