ఇరాన్ అణు శాస్త్రవేత్తలను మట్టుపెట్టిన ఇజ్రాయెల్.. దెబ్బతీసిన ఆపరేషన్ నార్నియా..!

ఇజ్రాయెల్ గత వారం ఇరాన్‌పై ‘ ఆపరేషన్ రైజింగ్ లయన్’ను ప్రారంభించింది . ఇజ్రాయెల్ చేసిన ఈ దాడి చాలా ప్రమాదకరమైనది. ఇజ్రాయెల్ చేసిన ఈ దాడిలో ఇరానియన్ రివల్యూషనరీ గార్డ్స్ కార్ప్స్ (IRGC)కు చెందిన అనేక మంది సీనియర్ అధికారులు, ఇరాన్ అణు కార్యక్రమంలో పాల్గొన్న కీలక శాస్త్రవేత్తలు మరణించారు. ఆశ్చర్యకరమైన విషయం ఏమిటంటే, ఇరాన్ అణు శాస్త్రవేత్తలను నిర్మూలించడానికి చేసిన ఈ ఆపరేషన్‌ను ఇజ్రాయెల్‌లో ‘నార్నియా’ అనే పేరు పెట్టింది. ఈ కోడ్‌నేమ్ నవ్వుల విషయంగా కనిపిస్తుంది. ఒక ఫాంటసీ ఫిల్మ్‌ను రూపొందించే ప్రణాళికలాగా అనిపిస్తుంది. కానీ ఇజ్రాయెల్ నిఘా సంస్థలు, వైమానిక దళం దీనిని భయంకరమైన ఖచ్చితమైన ఆపరేషన్‌గా చేశాయి. ఈ ఆపరేషన్‌లో ఇజ్రాయెల్ ఇరానియన్ అణు కార్యక్రమం వెన్నెముకను విచ్ఛిన్నం చేసింది.

ఇజ్రాయెల్ నిఘా అధికారులు ఇరాన్ అణు శాస్త్రవేత్తలను చంపడానికి ఈ మొత్తం ఆపరేషన్‌ను నాలుగు భాగాలుగా విభజించారు. అత్యంత సైనిక పరిజ్ఞానం ఉన్న వారు లేకుండా ఇరాన్ అణు కార్యక్రమం పూర్తిగా నిలిచిపోయే శాస్త్రవేత్తలను హిట్ లిస్ట్‌లో అగ్రస్థానంలో ఉంచారు. దీని తరువాత, చంపిన శాస్త్రవేత్తలను భర్తీ చేయగల శాస్త్రవేత్తల జాబితాను తయారు చేశారు. సంవత్సరాల తరబడి సాంకేతిక నిఘా, సైబర్ ట్రాకింగ్, మొసాద్ సంవత్సరాల కృషి ద్వారా సేకరించిన సమాచారం ఆధారంగా ఈ శాస్త్రవేత్తలను గుర్తించారు. తరువాత కమాండ్ సెంటర్‌ను, ఆపై ఇరాన్ సైనిక అధికారులను చంపడానికి ఒక జాబితాను సిద్ధం చేశారు. ఇరాన్ ఇంటర్నేషనల్ ప్రకారం, ఇజ్రాయెల్ మరో ఇరాన్ అణు శాస్త్రవేత్తను చంపింది. టెహ్రాన్‌లోని గిషా ప్రాంతంలోని బాసిజ్ పారామిలిటరీ స్థావరంపై క్షిపణి దాడిలో ఇజ్రాయెల్ 10వ అణు శాస్త్రవేత్తను చంపింది. అతని పేరు ఇంకా వెల్లడించలేదు.

ఆపరేషన్ నార్నియా.. ఇరాన్‌ అణు శాస్త్రవేత్తలను అంతమొందించడానికి ఇజ్రాయెల్ రక్షణ శాఖ, ఇంటెలిజెన్స్ సంస్థ మొస్సాద్ చేపట్టిన రహస్య ఆపరేషన్. ఇరాన్‌లోని అణు శాస్త్రవేత్తలను నార్నియా అని ఇజ్రాయెల్ పిలిచేది. ఆపరేషన్‌ నార్నియాకు నాంది 2012లో పడింది దీని అమలు మాత్రం 2022 చివరలో ప్రారంభించింది ఇజ్రాయెల్. ఆపరేషన్ నార్నియా అమలుకు ఇజ్రాయెల్ రక్షణ విభాగం, ఇంటెలిజెన్స్ విభాగం మొస్సాద్ రంగంలోకి దిగాయి. ఇరాన్ అణు శాస్త్రవేత్తలను ఏ,బీ,సీ,డీ నాలుగు గ్రూపులుగా విభజించింది ఇజ్రాయెల్. ఈ ఏడాది జూన్ 13న ఆపరేషన్ రైజింగ్ లయన్ పేర 9మంది ఇరాన్ అణు శాస్త్రవేత్తలను హతం చేసింది. వీరంతా ఏ గ్రూపులోని శాస్త్రవేత్తలని ప్రకటించింది. ఈ విషయాన్ని ఇజ్రాయెల్ ప్రధాని నెతాన్యూహు కూడా ధ్రువీకరించారు.

ఈ హిట్ లిస్ట్‌లో అగ్రస్థానంలో ఇరాన్ అణు శాస్త్రవేత్త మోసెన్ ఫక్రిజాదేహ్ కింద పనిచేసిన శాస్త్రవేత్తలు ఉన్నారు. ఆయనను కూడా 2020లో ఇజ్రాయెల్ చంపినట్లు ఆరోపణలు ఉన్నాయి. అబ్బాసి, టెహ్రాన్చి, మినుషర్ వంటి పేర్లు ఇరాన్ అణు కార్యక్రమానికి చాలా ముఖ్యమైన శాస్త్రవేత్తలు. ఇరాన్ అణు కార్యక్రమాన్ని విజయపథంలోకి తీసుకెళ్లిన ఇరాన్ అగ్రశ్రేణి అణు శాస్త్రవేత్తలు వీరు.

ఇజ్రాయెల్ చంపిన ఇరాన్ అణు శాస్త్రవేత్తల పేర్లు:-

ఫెరేడూన్ అబ్బాసి, అణు ఇంజనీరింగ్ నిపుణులు.

మొహమ్మద్ మహదీ టెహ్రాన్చి, భౌతిక శాస్త్ర నిపుణులు

అక్బర్ మత్లాలి జాదే, రసాయన ఇంజనీరింగ్ నిపుణులు

సయీద్ బెరాజీ, మెటీరియల్స్ ఇంజనీరింగ్ నిపుణులు

అమీర్ హసన్ ఫకాహి, భౌతిక శాస్త్ర నిపుణులు

అబ్ద్ అల్-హమీద్ మినుషెహర్, అణు రియాక్టర్ భౌతిక శాస్త్ర నిపుణులు

మన్సూర్ అస్గారి, భౌతిక శాస్త్ర నిపుణులు

అహ్మద్ రెజా దవ్లాపర్కి దర్యానీ, అణు ఇంజనీరింగ్ నిపుణులు

అలీ బఖాయీ కథ్రేమి, మెకానికల్ ఇంజినీరింగ్ నిపుణులు

తాజాగా మరో అణు శాస్త్రవేత్త హత్య, పేరు తెలియదు.

జెరూసలేం పోస్ట్ కథనం ప్రకారం, ఇజ్రాయెల్ డిఫెన్స్ ఫోర్స్ సీనియర్ అధికారి ఒకరు ఆపరేషన్ ప్రణాళిక గురించి సమాచారం ఇచ్చారు. “మిలిటరీ ఇంటెలిజెన్స్, వైమానిక దళానికి చెందిన 20 మందిని యూనిట్ 8200లో ఆపరేషన్‌కు సిద్ధంగా ఉంచారు ఇజ్రాయెల్ రక్షణ అధికారులు. వీరిని బృందాలుగా విభజించి ఇరాన్‌ అణుశాస్త్రవేత్తలను చంపటమే వారి లక్ష్యంగా నిర్ణయించారు. జనవరి నాటికి, ఇజ్రాయెల్‌కు ఎటువంటి ప్రణాళిక లేదు. దీంతో ఒత్తిడి నిరంతరం పెరుగుతూ వచ్చింది. జనవరి 2025లో ఇరాన్ ముప్పునకు సాంప్రదాయ పరిష్కారం లేదని ఇజ్రాయెల్ నాయకత్వానికి స్పష్టమైంది. దీంతో ఒక “టార్గెట్ బ్యాంక్” సిద్ధం చేసింది. ఇజ్రాయెల్ టార్గెట్ బ్యాంకులో, ఇరాన్ వైమానిక రక్షణ వ్యవస్థలు, కమాండ్ సెంటర్లు, సైబర్ స్థావరాలు, అణు శాస్త్రవేత్తల జాబితాను దశలవారీగా తయారు చేశారు.

యూనిట్ 8200 అనేది ఇజ్రాయెల్ అత్యంత ప్రసిద్ధ సైబర్, ఇంటెలిజెన్స్ యూనిట్. ఇది ఈ ఆపరేషన్‌లో చాలా ముఖ్యమైన పాత్ర పోషించింది. ప్రతి లక్ష్యానికి ఒక ప్రత్యేక ఆపరేషన్ సెల్ ఏర్పడింది. దీనిలో ఒక బృందం పని చేస్తున్న శాస్త్రవేత్తలను ట్రాక్ చేయడం, ఒకరి పని వాయు రక్షణను నాశనం చేయడం, ఒకరి బాధ్యత ఇరానియన్ కమ్యూనికేషన్‌ను నిరోధించడం, మరొకరి పని GPSని జామ్ చేయడం. దీంతో పాటు, ఇజ్రాయెల్ మానసిక యుద్ధాన్ని కూడా దానిలో భాగంగా చేసుకుంది. ఇజ్రాయెల్ పర్షియన్ భాషలో ట్వీట్ చేసి ఇరాన్ ప్రజలను నేరుగా మొస్సాద్‌ను సంప్రదించమని కోరింది. ఇది ఇరాన్‌లో సంచలనం సృష్టించింది. దీని కింద, అలాంటి కొన్ని సందేశాలు ప్రసారం చేశారు. ఇరాన్ పాలనలోని చాలా మంది అధికారులు ఇరాన్‌ను గాజా లేదా లెబనాన్ లాగా చేయవద్దని ఇజ్రాయెల్‌ను కోరుతున్నారని ఇందులో పేర్కొన్నారు. ఈ సందేశంలో, వెబ్‌సైట్‌కు లింక్, మొస్సాద్‌ను సంప్రదించడానికి VPNని ఉపయోగించాలనే సూచన కూడా ఇవ్వడం జరిగింది.

ఇజ్రాయిల్ దాడుల్లో హతమైన ఇరాన్ అణుశాస్త్రవేత్తలంతా అణ్వాయుధాలు అభివృద్ధి చేయడంలో నిఫుణులే. వీరంతా ఇరాన్ ఆణుకార్యక్రమానికి పితగా పేరుపొందిన మోహసిన్ ఫక్రిజాదే అనుచరులే. మిగిలిన మూడు గ్రూపుల్లోని శాస్త్రవేత్తలను అంతం చేయడమే లక్ష్యంగా నార్నియా మిషన్ కొనసాగుతుందని ఇజ్రాయెల్ రక్షణ శాఖ చెపుతోంది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి..