తాజా పోల్ సర్వేల్లో ట్రంప్ వెనుకంజ

అమెరికాలో ఎన్నికల సమయం దగ్గరపడుతుండడంతో రాజకీయాలు వేడెక్కుతున్నాయి. తాజా సర్వేల్లో ట్రంప్ కాస్త వెనకంజలో ఉన్నట్లు స్పష్టం చేస్తున్నాయి.

  • Balaraju Goud
  • Publish Date - 10:58 pm, Wed, 10 June 20
తాజా పోల్ సర్వేల్లో ట్రంప్ వెనుకంజ

అమెరికాలో ఎన్నికల సమయం దగ్గరపడుతుండడంతో రాజకీయాలు వేడెక్కుతున్నాయి. తాజా సర్వేల్లో ట్రంప్ కాస్త వెనకంజలో ఉన్నట్లు స్పష్టం చేస్తున్నాయి. అమెరికా అధ్యక్ష ఎన్నికల్లో పోటీకి సిద్ధమవుతున్న డెమొక్రాటిక్​ పార్టీ నామినీ జో బిడెన్.. తాజా సర్వేల్లో ప్రెసిడెంట్​ డొనాల్డ్​ ట్రంప్​ కంటే ముందున్నారు. సీఎన్ఎన్ కోసం ఎస్ఎస్ఆర్ఎస్ జరిపిన సర్వేలో ట్రంప్​ కంటే బిడెన్ ఎక్కువ పాయింట్లు సాధించాడు. దేశవ్యాప్త సర్వేలో ట్రంప్​కు 41 శాతం ఓట్లు వస్తే.. బిడెన్​కు 55 శాతం ఓట్లతో మంచి లీడ్​లో ఉన్నారు. ట్రంప్​ మద్దతుదారుల్లో ప్రతి పది మందిలో ఏడుగురు తిరిగి ట్రంప్​ను రీఎలెక్ట్​ చేస్తామని చెప్పారు. ఇక 27 శాతం మంది బిడెన్​కు వ్యతిరేకంగా ఓటు వేస్తామని చెప్పారు. బిడెన్​ ఓటర్లలో 37 శాతం మంది మాత్రమే ప్రోబిడెన్ ప్లాన్​కు ఓకే చెప్పారు. 60 శాతం మంది ట్రంప్​కు వ్యతిరేకంగా ఓటు వేస్తామంటున్నారు. ఆదివారం రిలీజ్​ చేసిన ఎన్బీసీ న్యూస్/వాల్​స్ట్రీట్​ జర్నల్​ పోల్​లో కూడా బిడెన్​ ముందంజలో ఉన్నారు. బిడెన్​కు 49 శాతం ఓట్లు వస్తే.. ట్రంప్​కు 42 శాతం మాత్రమే ఓట్లు వచ్చాయి. కానీ సీఎన్ఎన్ సర్వేలో బిడెన్​ 50 శాతం మార్కును తాటారు. 2016 ఎన్నికల క్యాంపెయిన్​ టైమ్​లో ట్రంప్​ ప్రత్యర్థి హిల్లరీ క్లింటన్ నేషనల్​ పోల్స్​ లో ఈ ఫీట్​ సాధించలేకపోయారు. యూత్​ను ఆకట్టుకోవడంలో బిడెన్​ బాగా వెనుకబడ్డాడు. మరో కరోనా ప్రభావం ఎక్కువగా ఉన్న అమెరికాలో చివరికి ఓటర్లు ఎటువైపు మొగ్గు చూపుతారో వేచి చూడాలి.