Afghanistan Crisis: ఆప్ఘనిస్తాన్‌కు భారత్ సహాయం.. గోధుమల రవాణాకు అంగీకరించిన పాకిస్తాన్

Afghanistan Crisis: ఆఫ్ఘనిస్తాన్ ప్రజలకు మానవతా సహాయంగా న్యూఢిల్లీ ప్రతిపాదించిన గోధుమల రవాణా ప్రతిపాదనపై ఇస్లామాబాద్ సానుకూల దృక్పథాన్ని తీసుకుంటోందని, దానిని పరిశీలిస్తామని పాకిస్థాన్ ప్రధాని ఇమ్రాన్ ఖాన్ అన్నారు. తాలిబన్ విదేశాంగ మంత్రి అమీర్ ఖాన్ ముత్తాఖీని కలిసిన ఇమ్రాన్ తన దేశ వైఖరిని స్పష్టం చేశారు. పాక్ ప్రధాని కార్యాలయం ట్విట్టర్ హ్యాండిల్ నుండి చేసిన ట్వీట్‌లో, గోధుమ రవాణా గురించి సమాచారం ఇచ్చారు. ఆఫ్ఘన్ ప్రజలకు మానవతా సహాయం అందించాల్సిన తక్షణ అవసరాన్ని భారత్ నొక్కిచెప్పిన తరుణంలో ఇమ్రాన్ వైపు నుంచి ఈ ప్రకటన వచ్చింది. అదే సమయంలో, పాకిస్తాన్ పేరు చెప్పకుండా, మానవతావాద సహాయ ప్రయత్నాలు ఎటువంటి పరిమితులు లేకుండా ఉండాలని భారతదేశం అంగీకరించింది. నిజానికి, ఇటీవలి వారాల్లో, భారతదేశం ఆఫ్ఘనిస్తాన్ (భారత్-ఆఫ్ఘనిస్తాన్ సంబంధాలు) ప్రజలకు సహాయ సామగ్రిని అందించడానికి ప్రయత్నించింది. ఇందులో 50 వేల టన్నుల గోధుమలు కూడా ఉన్నాయి. అయితే, భారత్ సహాయ సామగ్రిని ఆఫ్ఘనిస్తాన్‌కు రవాణా చేయడానికి పాకిస్తాన్ తన భూభాగాన్ని ఉపయోగించడానికి నిరాకరించింది.

పాక్ ప్రధాన మంత్రి కార్యాలయం ట్వీట్ చేస్తూ, “ప్రస్తుత సందర్భంలో పాకిస్తాన్ ఆఫ్ఘన్ సోదరుల అభ్యర్థన మేరకు, మానవతా ప్రయోజనాల కోసం..పాకిస్తాన్ ద్వారా భారతదేశం అందించే విధానాలకు అనుగుణంగా వ్యవహరిస్తుందని ప్రధాన మంత్రి తెలియజేసారు.” అని పేర్కొంది. ఆఫ్ఘనిస్తాన్‌కు తక్షణ మానవతా సహాయం అందించాలని పాకిస్తాన్ పదేపదే అభ్యర్థిస్తోందని ముత్తాఖీ అలాగే అతని ప్రతినిధి బృందానికి ఇమ్రాన్ చెప్పారు. రాబోయే శీతాకాలాన్ని ఎదుర్కొనేందుకు మానవతా సహాయంతో సహా అన్ని రకాల సహాయాన్ని అందించడం ద్వారా ఆఫ్ఘన్ ప్రజలకు అండగా నిలవాలనే పాకిస్థాన్ నిర్ణయాన్ని ఇమ్రాన్ పునరుద్ఘాటించారు.

స్తంభింపజేసిన ఆస్తులను విడుదల చేయాలి..

ఆఫ్ఘనిస్తాన్‌కు గోధుమలు, బియ్యం, అత్యవసర వైద్య సామాగ్రి, షెల్టర్ మెటీరియల్‌తో సహా అవసరమైన ఆహార పదార్థాలను పాకిస్తాన్ అందజేస్తుందని ఇమ్రాన్ చెప్పారు. ఆఫ్ఘనిస్తాన్ లో స్తంభింపచేసిన ఆస్తులను విడుదల చేయడానికి అదేవిధంగా ఆర్థిక మందగమనాన్ని నివారించడానికి బ్యాంకింగ్ లావాదేవీలను సులభతరం చేయవలసిన అత్యవసర అవసరాన్ని కూడా పాక్ ప్రధాని నొక్కిచెప్పారు. దేశం ఎదుర్కొంటున్న తీవ్రమైన సవాళ్లను ఎదుర్కోవడానికి ఆఫ్ఘనిస్తాన్, దాని ప్రజలకు పాకిస్తాన్ మద్దతును ఆయన తెలియజేశారు. పాకిస్తాన్ అదేవిధంగా ఈ ప్రాంతం కోసం శాంతియుత, స్థిరమైన, సార్వభౌమ, సంపన్నమైన ఆఫ్ఘనిస్తాన్ ప్రాముఖ్యతను ఈ సందర్భంగా ఇమ్రాన్ గట్టిగా చెప్పారు.

ఇవి కూడా చదవండి: Zika Virus: పెరుగుతున్న జికా వైరస్ వ్యాప్తి.. గర్భిణీలు మరింత జాగ్రత్తగా ఉండాలి.. లేదంటే..

Health with Ghee: మన ఆరోగ్యానికి ఏ నెయ్యి మంచిది? పసుపు నెయ్యి.. తెల్లని నెయ్యి మధ్య తేడాలేంటి?

CBSE Exams: సీబీఎస్‌ఈ..ఐసీఎస్ఈ పరీక్షలు ఆన్‌లైన్ విధానంలో నిర్వహించాలి..సుప్రీంకోర్టులో పిటిషన్‌!