Hamas-Israel: హమాస్‌-ఇజ్రాయెల్‌ సంధి ముగిసింది.. గాజాలో మళ్లీ యుద్ధం మొదలైంది.!

ఇజ్రాయెల్- హమాస్ మధ్య మళ్లీ మళ్లీ యుద్ధం మొదలైంది. ఇరు పక్షాల మధ్య కుదిరిన శాంతి ఒప్పందం ముగియడంతో కాల్పలు ప్రారంభమయ్యాయి. తాత్కాలిక కాల్పుల విరమణ శుక్రవారం ఉదయంతో ముగియడంతో గాజాలో ఇజ్రాయెల్ మళ్లీ యుద్ధాన్ని పునప్రారంభించింది. కాల్పుల విరమణ పొడిగింపు ఒప్పందాన్ని ఇటు ఇజ్రాయెల్ గానీ, అటు హమాస్‌ వర్గం ప్రకటించలేదు. దీంతో ఇజ్రాయెల్-హమాస్ మధ్య యుద్ధం మళ్లీ ప్రారంభమైంది. కాల్పుల విరమణ ముగియడానికి కొన్ని గంటల ముందే గాజా నుంచి ప్రయోగించిన రాకెట్‌ను తాము అడ్డుకున్నామని ఇజ్రాయెల్ తెలిపింది. అటు.. హమాస్ అనుబంధ మీడియా కూడా గాజా ఉత్తర ప్రాంతాల్లో పేలుళ్లకు సంబంధించిన శబ్దాలు వస్తున్నట్లు నివేదించింది. హమాస్‌ చెరలో ఉన్న ఇజ్రాయెల్, ఇతర దేశస్థుల బందీల విడుదల కోసం గాజాలో కాల్పుల విరమణ డీల్‌కు ఇజ్రాయెల్‌ అంగీకరించిన విషయం తెలిసిందే. ఖతార్‌, ఈజిప్టు వంటి దేశాల దౌత్య యత్నాలతో ఇరువర్గాల మధ్య ఈ ఒప్పందం కుదిరింది. తొలుత నాలుగు రోజుల పాటు కాల్పుల విరమణ చేపట్టేందుకు ఇజ్రాయెల్‌ సమ్మతించింది.

నవంబరు 24న ఈ ఒప్పందం అమల్లోకి రాగా.. ఆ తర్వాత దీన్ని మరో రెండు సార్లు పొడిగించారు. అలా మొత్తంగా వారం రోజుల పాటు కాల్పుల విరమణ కొనసాగగా.. శుక్రవారం ఉదయంతో ఆ ఒప్పందం గడువు ముగిసింది. ఈ సంధికాలంలో కాలంలో హమాస్‌ 100 మందికి పైగా బందీలను విడుదల చేసింది. అటు ఇజ్రాయెల్‌ కూడా తమ జైళ్లలో ఉన్న 240 మందికి పైగా పాలస్తీనా వాసులను విడుదల చేసింది. వాస్తవానికి ఈ ఒప్పందాన్ని మరికొన్ని రోజులు పొడిగించే అవకాశాలున్నాయని తొలుత వార్తలు వచ్చాయి. అయితే, దీనిపై ఇటు ఇజ్రాయెల్‌ గానీ, అటు హమాస్‌ గానీ ఎలాంటి ప్రకటన చేయలేదు. మరోవైపు, సంధి ముగియడంతో గాజాలో ఇజ్రాయెల్‌ మళ్లీ భూతల దాడులు మొదలుపెట్టింది. ఉత్తర గాజాలోని పలు ప్రాంతాల్లో శుక్రవారం బాంబు పేలుడు, కాల్పుల చప్పుళ్లు వినిపించాయని పలు అంతర్జాతీయ మీడియా కథనాలు వెల్లడించాయి.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.