Viral Video: ఆటో డ్రైవర్‌గా మారిన బాక్సింగ్ ప్లేయర్‌.. క్రీడాకారుల దుస్థితికి ఇదే నిద‌ర్శన‌మంటోన్న నెటిజ‌న్లు..
Viral Video: పరిస్థితులు ఎప్పుడెలా మారుతాయో ఎవరికీ తెలియదు. ప్రతిభ ఎంత ఉన్న కొన్ని సమయాల్లో అదృష్టం కలిసిరాక చాలా మంది వెనకపడిపోతుంటారు. మరీ ముఖ్యంగా క్రీడా రంగంలో....
Viral Video: పరిస్థితులు ఎప్పుడెలా మారుతాయో ఎవరికీ తెలియదు. ప్రతిభ ఎంత ఉన్న కొన్ని సమయాల్లో అదృష్టం కలిసిరాక చాలా మంది వెనకపడిపోతుంటారు. మరీ ముఖ్యంగా క్రీడా రంగంలో ఓ వెలుగు వెలిగిన వారు కూడా తినడానికి తిండిలేని దుస్థితికి చేరుకున్న పరిస్థితులను చూశాం. వీటికి కారణాలు వెతుక్కుంటూ పోతే ఎన్నో విషయాలు ప్రస్తావనకు వస్తుంటాయి. తాజాగా ఓ జాతీయ బాక్సింగ్ ప్లేయర్‌ జీవిత కథ ఇలాంటి ప్రశ్న‌లనే తట్టిలేపుతున్నాయి.
వివరాల్లోకి వెళితే.. అబిడ్ ఖాన్‌ అనే మాజీ బాక్సింగ్ ప్లేయర్‌ ఒకప్పుడు ఓ వెలుగు వెలిగాడు. ఎంతో మంది ప్రొఫెషనల్‌ బాక్సింగ్ ప్లేయర్లను అబిడ్ రూపొందించాడు. అంతేకాకుండా అబిడ్ అప్పట్లో పంజాబ్ యూనివర్సిటీకి ప్రాతినిథ్యం వ‌హించ‌డంతో పాటు నేషనల్ ఇన్‌స్టిట్యూట్‌ ఆఫ్‌ స్పోర్ట్స్‌ లో విద్యనభ్యసించాడు. ఇంతటి చరిత్ర కలిగిన అబిడ్ ఇప్పుడు పొట్టకూటి కోసం ఆటో డ్రైవర్‌గా మారాడు. ఆర్థికంగా చితికిపోవడంతో కుటుంబ పోషణకోసం ఆటో నడిపిస్తున్నాడు. తాజాగా ఇయన జీవితానికి సంబంధించిన విషయాలను.. స్పోర్టస్‌ గావన్‌ అనే యూట్యూబ్‌ ఛానల్‌లో టెలికాస్ట్ చేశారు ఈ వీడియోలో అబిడ్ తన బాధన వ్యక్తపరిచాడు. తన క్రీడా అనుభవం తనకు కేవలం ఒక ఉద్యోగం కూడా తెచ్చిపెట్టలేదని.. తన సొంత సంతానాన్ని సైతం క్రీడారంగలోకి రానివ్వట్లేదని వాపోయాడు. దీంతో ప్రస్తుతం ఈ వీడియో నెట్టింట్లో వైరల్‌గా మారింది. దేశంలో క్రీడాకారుల దుస్థితికి ఇదే ప్రత్యక్ష నిద‌ర్శన‌ం అంటూ కొందరు కామెంట్లు పెడుతున్నారు. ఇక ఇంటర్వ్యూ ప్రోమోలో అబిడ్ ఖాన్‌ బాక్సింగ్ చేస్తోన్న వీడియో చూస్తే ఇప్పటికీ తనలో ఆటగాడు అలాగే ఉన్నాడనిపిస్తోంది.
నెట్టింట వైరల్‌గా మారిన వీడియో..
Story of national boxer Abid Khan: From NIS qualified coach to driving auto…
Watch full video at YouTube channel ‘Sports Gaon’ And do watch it, we need to strengthen YouTube channel Sports Gaon to bring more such stories.. Thanks pic.twitter.com/hHjhTtW5W9
— Saurabh Duggal (@duggal_saurabh) April 14, 2021
అబిడ్ ఖాన్‌ ఇంటర్వ్యూ..
జర్నలిస్ట్గా రష్మిక.. చెర్రీ, శంకర్ సినిమాలో నటించే ఛాన్స్.. త్వరలోనే సెట్స్ పైకి..
