ఒక్కసారి పెట్టుబడి పెడితే చాలు.. ప్రతి నెలా రూ.25000 మీ అకౌంట్లోకి!
SBI యాన్యుటీ డిపాజిట్ స్కీమ్ తక్కువ రిస్క్తో స్థిరమైన నెలవారీ ఆదాయాన్ని అందిస్తుంది. ఒకేసారి పెట్టుబడి పెట్టి, ప్రతి నెలా వడ్డీతో కూడిన మొత్తాన్ని పొందవచ్చు. పదవీ విరమణ తర్వాత లేదా సురక్షితమైన పెట్టుబడులు కోరుకునే వారికి ఇది అనువైనది. దీని ద్వారా 3 నుండి 10 సంవత్సరాల కాలానికి, రూ.1000 నుండి ప్రారంభించి స్థిరమైన ఆదాయం పొందవచ్చు.
Updated on: Mar 19, 2026 | 1:34 PM
దేశంలో పెట్టుబడి ధోరణులు మారుతున్న నేపథ్యంలో సురక్షితతతో పాటు స్థిరమైన నెలవారీ ఆదాయం అందించే పథకాలపై డిమాండ్ పెరుగుతోంది. ముఖ్యంగా పదవీ విరమణ తర్వాత లేదా రిస్క్ తక్కువగా ఉండే పెట్టుబడులను కోరుకునే వారు ఇలాంటి ఎంపికలను ప్రాధాన్యంగా చూస్తున్నారు. ఈ క్రమంలో SBI అందిస్తున్న అన్యుటీ డిపాజిట్ స్కీమ్ పై దృష్టి పెరిగింది. ఈ పథకం కింద పెట్టుబడిదారుడు ఒకేసారి పెద్ద మొత్తాన్ని డిపాజిట్ చేస్తాడు. ఆ తరువాత బ్యాంక్ ప్రతి నెలా ఒక నిర్దిష్ట మొత్తాన్ని చెల్లిస్తుంది. ఈ చెల్లింపులో అసలు మొత్తంతో పాటు వడ్డీ కూడా ఉంటుంది. అందువల్ల ముందుగానే ఎంత మొత్తాన్ని పొందుతామో అంచనా వేయడం సులభం.
ఉదాహరణకు సుమారు రూ.10 లక్షలు పెట్టుబడి పెడితే, నెలకు దాదాపు రూ.25,000 వరకు రావచ్చు. అయితే కచ్చితమైన మొత్తం వడ్డీ రేటు, కాలపరిమితిపై ఆధారపడి ఉంటుంది. ఈ పథకంలో వడ్డీ లెక్కింపు ఫిక్స్డ్ డిపాజిట్ తరహాలోనే జరుగుతుంది, త్రైమాసిక చక్రవడ్డీ విధానం అనుసరిస్తారు. ఈ స్కీమ్లో కనీసం రూ.1,000తో ప్రారంభించవచ్చు. గరిష్ట పరిమితి లేదు. పెట్టుబడిదారులు 3 సంవత్సరాల నుండి 10 సంవత్సరాల వరకు కాలాన్ని ఎంచుకోవచ్చు. ముఖ్యంగా డిపాజిట్ చేసిన తర్వాతి నెల నుంచే ఆదాయం ప్రారంభమవుతుంది.
పథకం మధ్యలో డబ్బు అవసరం వచ్చినప్పుడు, డిపాజిట్ మొత్తంలో సుమారు 75 శాతం వరకు రుణం తీసుకునే అవకాశం ఉంది. దీంతో పెట్టుబడి పూర్తిగా లాక్ అయిపోదు. భద్రత, ముందస్తు ఆదాయం అంచనా, నిరంతర నగదు ప్రవాహం వంటి లక్షణాల వల్ల యాన్యుటీ డిపాజిట్ పథకం ఒక స్థిరమైన ఆదాయ మార్గంగా నిలుస్తోంది. ప్రత్యేకంగా రిస్క్ తక్కువగా ఉండే పెట్టుబడులను కోరుకునే వారికి ఇది అనుకూలంగా భావిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
