July 27, 2026
Subhash
దేశంలో బంగారం ధరలు తగ్గుముఖం పట్టినట్లే పట్టి మళ్లీ భగ్గుమంటున్నాయి. తగ్గినట్లే తగ్గి ఒక్కసారిగా భారీగా పెరిగాయి. వెండి ధరల్లో మార్పు లేదు.
దాదాపు రెండు వారాలుగా నడుస్తున్న అమెరికా - ఇరాన్ దేశాల మధ్య శత్రుత్వం కాస్త శాంతించింది. శుక్రవారం రాత్రి నుంచి రెండు దేశాలు దాడులు ఆపేసి, ఒమన్ దేశం ద్వారా ఇరాన్ చర్చలు జరుపుతోంది.
ఈ పరిణామాలతో ముడి చమురు ధరలు ఒక్కసారిగా 6% తగ్గాయి. దింతో డబ్ల్యూటీఐ క్రూడ్ $85, బ్రెంట్ క్రూడ్ $93 కంటే తక్కువకు పడిపోయాయి.
జూలై 27న 24 క్యారెట్ల 10 గ్రాముల బంగారంపై ఏకంగా 930 రూపాయలు పెరిగింది. అలాగే 22 క్యారెట్ల10 గ్రాములపై 850 రూపాయలు పెరిగింది.
ధరలు పెరిగిన తర్వాత 24 క్యారెట్ల 10 గ్రాముల బంగారం ధర 1,45,860 రూపాయలకు చేరగా, అదే 22 క్యారెట్ల 10 గ్రాముల ధర 1,33,700 వద్ద కొనసాగుతోంది.
హైదరాబాద్, విజయవాడలలో 24 క్యారెట్ల ధర రూ.1,45,860, 22క్యారెట్ల ధర రూ.1,33,700, 18 క్యారెట్ల ధర రూ.1,09,390 వద్ద ఉంది.
ఇక వెండి ధర ఈ రోజు ఎలాంటి మార్పులు లేకుండా స్థిరంగా కొనసాగుతోంది. 1 గ్రాము ధర రూ.240 ఉండగా.. కిలో వెండి ధర రూ.2,40,000 కొనసాగుతోంది.
బుధవారం జరగనున్న అమెరికా ఫెడరల్ రిజర్వ్ సమావేశంలో వడ్డీ రేట్లపై నిర్ణయం రానుంది. కొద్దిగా ద్రవ్యోల్బణ ఒత్తిళ్లు ఉన్నప్పటికీ, ఈసారే రేట్లు పెంచుతారనే అంచనాలు ఉన్నాయి.