Shrimp squat video: మీ ఫిట్‌నెస్‌కి ఛాలెంజ్‌..! ఇంటర్‌నెట్‌లో ట్రెండ్‌ అవుతున్న కొత్త ఎక్సర్‌సైజ్.. మీరూ ట్రై చేయండి..

ఈ 58-సెకన్ల క్లిప్ ఏదో ఒక ఆఫీసులో ట్రై చేసినట్టుగా అర్థమవుతోంది. వీడియోలో కనిపించిన వ్యక్తులు ఈ ఫ్లెక్సిబిలిటీ టాస్క్‌ని పూర్తి చేస్తున్నారు. 15 మంది వ్యక్తులు ఈ ఛాలెంజ్‌ని ప్రయత్నించారు. అందులో ఐదుగురు మాత్రమే దీన్ని పూర్తి చేయగలిగారు. ఈ వీడియోను ఇప్పటివరకు 1.8 కోట్ల మంది వీక్షించారు. 34 వేలకు పైగా లైక్ చేసారు. చాలా మంది ఈ ఫిట్ నెస్ ఛాలెంజ్ ను ప్రయత్నిస్తున్నారు.

Shrimp Squat Challenge

Jyothi Gadda |
Updated on: May 11, 2024 | 1:47 PM

సోషల్ మీడియాలో కొత్త ట్రెండ్‌లు వస్తూనే ఉంటాయి. కానీ లేటెస్ట్ ట్రెండ్ ఏంటంటే.. దాన్ని నెరవేర్చుకోవడానికి చాలా మంది ఇబ్బంది పడుతున్నారు. ఎందుకంటే.. ఈ ఫిట్‌నెస్ టాస్క్ అంత సులభం కాదు. మీరు కూడా సోషల్ మీడియా యూజర్ అయితే, మీ ఫిట్‌నెస్‌ను పరీక్షించడానికి కొత్త ఛాలెంజ్ వచ్చింది. ఈ ఛాలెంజ్ పేరు ‘ష్రిమ్ప్ స్క్వాట్’. ఇది ఇంటర్నెట్‌లో వేగంగా ట్రెండ్ అవుతోంది. ఇందుకోసం ఒంటికాలిపై బ్యాలెన్స్ చేస్తూ లేవాలి. ఈ ఫిట్‌నెస్ టాస్క్ అంత సులభం కానప్పటికీ, చాలా మంది దీనిని ప్రయత్నిస్తున్నారు. ఆఫీసు, ఇల్లు, పార్క్‌ ఇలా ఇప్పుడు ఎక్కడ పడితే అక్కడ జనాలు ఈ టాస్క్‌ కంప్లీట్‌ చేసేందుకు తెగ తిప్పులు పడుతున్నారు. వారి ప్రయత్నాలను ఎప్పటికప్పుడు వీడియోలు తీసుకుంటూ సోషల్ మీడియాలో కూడా షేర్ చేస్తున్నారు. ఆ సంగతేంటో ఇప్పుడు తెలుసుకుందాం..

ఈ ఛాలెంజ్‌లో ముందుగా రెండు మోకాళ్లతో నేలపై కూర్చోవాలి. ఆ తర్వాత ఒక కాలును చేతితో వెనుకకు పట్టుకోవాలి. ఇప్పుడు ఒక్కకాలితో మాత్రమే పైకి లేవాలి. ఈ ఛాలెంజ్ మీ శరీరం బలం, ఫిట్‌నెస్‌ గురించి చెబుతుంది. స్క్వాట్స్ మీ శరీరంలో కండరాలు, వశ్యతను పెంచుతాయి. అలాగే మీ దిగువ శరీరాన్ని బలోపేతం చేస్తాయి.

ఇవి కూడా చదవండి

Shrimp challenge! 😂😂pic.twitter.com/mKuykV59OP

— Figen (@TheFigen_) May 8, 2024

‘@TheFigen_’ హ్యాండిల్‌తో ఉన్న వినియోగదారు ఈ ఛాలెంజ్ వీడియోను మైక్రోబ్లాగింగ్ ప్లాట్‌ఫారమ్ ‘X’లో షేర్ చేసారు. ఈ 58-సెకన్ల క్లిప్ ఏదో ఒక ఆఫీసులో ట్రై చేసినట్టుగా అర్థమవుతోంది. వీడియోలో కనిపించిన వ్యక్తులు ఈ ఫ్లెక్సిబిలిటీ టాస్క్‌ని పూర్తి చేస్తున్నారు. 15 మంది వ్యక్తులు ఈ ఛాలెంజ్‌ని ప్రయత్నించారు. అందులో ఐదుగురు మాత్రమే దీన్ని పూర్తి చేయగలిగారు. ఈ వీడియోను ఇప్పటివరకు 1.8 కోట్ల మంది వీక్షించారు. 34 వేలకు పైగా లైక్ చేసారు. చాలా మంది ఈ ఫిట్ నెస్ ఛాలెంజ్ ను ప్రయత్నిస్తున్నారు. వీడియోపై ఫన్నీగా వ్యాఖ్యానిస్తున్నారు.

వీడియోపై స్పందిస్తూ..ఒక వినియోగదారు ఇలా అన్నారు. ‘ఇది బలం, సమతుల్యతతో కూడిన గేమ్. దీనికోసం ప్రజలు మంచి ఎక్సర్‌సైజ్‌ సెంటర్‌కి వెళ్లాలని చెబుతున్నారు. ఈ ఛాలెంజ్‌తో విసిగిపోయిన మరో యూజర్ స్పందిస్తూ ఇలాంటి ఛాలెంజ్‌లు ఎక్కడ్నుంచి పట్టుకోస్తారని అడుగుతున్నారు.

మరిన్ని ట్రెండింగ్ న్యూస్ కోసం క్లిక్ చేయండి..