Giant Python: భారీ పైథాన్ను పెంచుకుంటున్న యువతి.. నెటిజన్లను ఆశ్చర్యపరుస్తున్న కొండచిలువ వీడియో.. ఓ సారి మీరూ చూడండి..
అరుదైన సందర్భాలలోనే కొందరు చిరుతలు, పులులను పెంచుకున్న వార్తలను చూస్తుంటాం. అయితే పాములను పెంచుకోవడాన్ని, లేదా దానికి సంబంధించిన..
Updated on: Mar 10, 2023 | 9:04 PM
మనలో చాలా మంది పిల్లులను, కుక్కలను పెంచుకోవడానికి ఇష్టపడుతుంటాం. లేదా పక్షులు, చేపలు, కుందేళ్లు.. అంతే కదా ! చాలా అరుదైన సందర్భాలలోనే కొందరు చిరుతలు, పులులను పెంచుకున్న వార్తలను చూస్తుంటాం. అయితే పాములను పెంచుకోవడాన్ని, లేదా దానికి సంబంధించిన వార్తను ఎప్పుడైనా మీరు విన్నారా..? అవును. ఓ యువతి ఓ పెద్ద భారీ ఆకారంలో ఉన్న కొండ చిలువను పెంచుకుంటుంది. ఆ పైథాన్ కూడా ఆమెను ఏం అనకుండా తన ఒడిలో పడుకుని నెమ్మదిగా కదులుతూ సేద తీరుతుంది. ప్రస్తుతం సోషల్ మీడియాలో పైథాన్ను పెంచుకుంటున్న ఆ యువతికి సంబంధించిన వీడియో వైరల్గా మారింది. దీంతో ఈ వీడియో కాస్త నెట్టింట పెద్ద సెన్సేషనల్ ట్రెడింగ్ వీడియోగా మారింది.
Wow Terrifying అనే ట్విట్టర్ ఖాతా నుంచి షేర్ అయిన ఈ వీడియోలో మనం పైన చెప్పుకున్న దృశ్యాలను చూడవచ్చు. వీడియోలో ఆ యువతి తన స్మార్ట్ఫోన్ను ఉపయోగిస్తూ ఉండగా.. ఆ కొండ చిలువ తన ఒడిలో తల పెట్టి పడుకుని ఉంది. ఆ యువతి కూడా కొండ చిలువను చూసి ఏ మాత్రం భయపడకుండా ప్రశాంతంగా తన ఫోన్ను ఉపయోగించుకునే పనిలో ఉంది. ఈ వీడియోను చూసి మీరు గ్రాఫిక్స్ అంటారేమో..? అసలు కానే కాదు. గ్రాఫిక్స్ అనడానికి వీల్లేకుండా నిజమైన సీన్ అనేట్టుగానే ఉంది. ఇక ఈ వీడియో మార్చి 3న నెట్టింట ప్రత్యక్షం కాగా, ఇప్పటివరకు 7 లక్షల వీక్షణలు, 6300 లైకులు వచ్చాయి.
I’m your friend…. for now pic.twitter.com/UCz1G11MFP
— Wow Terrifying (@WowTerrifying) March 3, 2023
మరోవైపు సోషల్ మీడియాలో నెటిజెన్స్ ఈ వీడియోపై విభిన్న అభిప్రాయాలతో కామెంట్లు చేస్తున్నారు. ఆ పైథాన్తో ఆమెకు విడదీయరాని బంధం పెనవేసుకుపోయిందని.. ఆ యువతికి ఏ మాత్రం ఖాళీ సమయం చిక్కినా ఇలా గార్డెన్లోకి వచ్చి ఈ భారీ పైథాన్తో కాలక్షేపం చేస్తుందని.. ఇలా రకరకాల కామెంట్లు చేస్తున్నారు. ‘ఈ వీడియో చూస్తే.. అంత భారీ సైజులో ఉన్న పైథాన్ తన ఉన్నా.. ఆ అమ్మాయి అసలు ఏ మాత్రం పట్టనట్టుగా ఉన్న తీరు చూస్తోంటే.. ఆమెకు ఆ పైథాన్తో ఎంత స్నేహం ఉంటేనే అలా భయం లేకుండా భరిస్తుంద’ని నెటిజెన్స్ కామెంట్స్ చేస్తున్నారు. ఇలా నెటిజన్లు వారి వారి స్పందనలను కామెంట్ల ద్వారా తెలియజేస్తున్నారు.
మరిన్ని ట్రెండింగ్ వార్తల కోసం క్లిక్ చేయండి..
