Viral Video: ఎంత గట్టి తాళమైనే ఇట్టే ఓపెన్ చేస్తున్న దొంగ… దొంగ ట్రిక్కి అవాక్కవుతున్న నెటిజన్లు
దొంగతనం చేయడం అంటే అంత వీజీ.. కాదండి.. దానికి ఎంతో అనుభవం కావాలి. అందులోనూ మనోళ్లు ఈతకాయంత ఇంటికి తాటికాయంత తాళం వేస్తుంటారు. ప్రస్తుత కాలంలో రకరకాల తాళాలు అందుబాటులోకి వస్తున్నాయి. వాటిని ఓపెన్ చేయడం కొంచెం కష్టంతో కూడుకున్న పనే. అందుకే దొంగలు కూడా అంతకు మించిన ఐడియాలతో చోరీలకు పాల్పడుతుంటారు. ఇక్కడ ఓ దొంగ...
Updated on: Apr 17, 2025 | 6:28 PM
దొంగతనం చేయడం అంటే అంత వీజీ.. కాదండి.. దానికి ఎంతో అనుభవం కావాలి. అందులోనూ మనోళ్లు ఈతకాయంత ఇంటికి తాటికాయంత తాళం వేస్తుంటారు. ప్రస్తుత కాలంలో రకరకాల తాళాలు అందుబాటులోకి వస్తున్నాయి. వాటిని ఓపెన్ చేయడం కొంచెం కష్టంతో కూడుకున్న పనే. అందుకే దొంగలు కూడా అంతకు మించిన ఐడియాలతో చోరీలకు పాల్పడుతుంటారు. ఇక్కడ ఓ దొంగ ఎంతటి గట్టి తాళమైనా చిటికెలో ఓపెన్ చేసేస్తున్నాడు. దీనికి సంబంధించిన వీడియో సోషల్ మీడియాలో తెగ వైరల్ అవుతోంది. ఆ దొంగ తాళం ఓపెన్ చేసిన తీరుకి నెటిజన్లు షాకవుతున్నారు.
ఈ వీడియోలో చోరీలకు పాల్పడుతున్న ఓ దొంగను పోలీసులు అదుపులోనికి తీసుకున్నట్టున్నారు. అసలు ఈ దొంగ ఇంత గట్టి తాళాలను ఎలా ఓపెన్ చేస్తున్నాడో తెలుసుకోవాలనుకున్న పోలీసులు అతన్ని విచారించగా.. ఓ ఇంటి తాళం ఓపెన్ చేసి చూపించాడు. అతను ఉపయోగించిన టెక్నిక్కి పోలీసులు సైతం షాకయ్యారు. ఓర్నీ.. ఏం ఐడియారా బాబు అనుకొన్నారు. ఇంతకీ ఆ దొంగ ఉపయోగించిన ట్రిక్ ఏంటో తెలిస్తే.. మీ ఇంటితాళం పడిపోయినప్పుడు మీరూ అదే ప్రయోగం చేస్తారు. ఆ దొంగ తాళం ఓపెన్ చేయడానికి ఓ సిరెంజ్లో పెట్రోలు నింపి తాళం రంద్రంలోకి ఇంజెక్ట్ చేశాడు.
వీడియో చూడండి:
View this post on Instagram
అలాగే తాళం పైన ఉండే రింగ్లాంటి దానికి రెండువైపులా కూడా పెట్రోలు ఇంజెక్ట్ చేశాడు. ఇప్పడు అగ్గిపెట్టె తీసుకొని ఆ తాళం రంద్రంలో నిప్పు పెట్టాడు. దాంతో చిన్నపాటి మంట వచ్చింది. అలా పెట్రోలు మొత్తం అయిపోయేదాక మంటలు వచ్చి ఆరిపోయాయి. ఇప్పుడు ఆ తాళాన్ని పట్టుకొని జస్ట్ ఇలా లాగాడు. అంతే సింపుల్గా తాళం ఊడిపోయింది. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. ఈ వీడియో చూసిన నెటిజన్లు అవాక్కవుతున్నారు. ఇప్పటికే ఈ వీడియోను మూడున్నర లక్షలమందికి పైగా వీక్షించారు. వేలల్లో లైక్ చేస్తున్నారు. ఈ దొంగ ట్రిక్ మామూలుగా లేదుగా అంటూ తమదైనశైలిలో కామెంట్లు చేస్తున్నారు.
