Viral News: పెళ్ళైన 6 నెలలకే భర్తకు విడాకులు ఇచ్చిన భార్య.. లక్షలు ఖర్చు పెట్టి డైవర్స్ పార్టీ
జీవితాంతం ఆ వ్యక్తితో బతకాలి అని కోరుకున్న వ్యక్తి నుంచి విడిపోయినప్పుడు ఖచ్చితంగా బాధ అనిపిస్తుంది. అయితే విడాకులు తీసుకున్న తర్వాత సంతోషించే వ్యక్తులు ప్రపంచంలో కొందరు ఉన్నారు. బ్రెజిల్లో కూడా అలాంటి మహిళ ఉంది. ఆ మహిళ విడాకులు తీసుకున్న తర్వాత చాలా సంతోషంగా ఉంది. తన సంతోషాన్ని తెలియజేస్తూ లక్షలు ఖర్చు చేసి స్నేహితులకు పార్టీ కూడా ఇచ్చింది.
Updated on: Nov 05, 2023 | 2:31 PM
భార్యాభర్తల మధ్య ప్రేమ, విశ్వాసం, నమ్మకం ఉండటం చాలా ముఖ్యం. ఇవి లేకుండా ఈ సంబంధం ఎక్కువ కాలం కొనసాగదు. తరచుగా పెళ్లయిన జంటలు ఏదో ఒక కారణంతో విడిపోయి విడాకులు తీసుకోవడం గత కొంతకాలంగా ఎక్కువగా వింటూనే ఉన్నాం. ఇంకా చెప్పాలంటే విడాకులు అనేది ప్రస్తుత కాలంలో సాధారణ విషయంగా మారింది. అయితే ఇది సమస్యలను కలిగిస్తుంది. జీవితాంతం ఆ వ్యక్తితో బతకాలి అని కోరుకున్న వ్యక్తి నుంచి విడిపోయినప్పుడు ఖచ్చితంగా బాధ అనిపిస్తుంది. అయితే విడాకులు తీసుకున్న తర్వాత సంతోషించే వ్యక్తులు ప్రపంచంలో కొందరు ఉన్నారు. బ్రెజిల్లో కూడా అలాంటి మహిళ ఉంది. ఆ మహిళ విడాకులు తీసుకున్న తర్వాత చాలా సంతోషంగా ఉంది. తన సంతోషాన్ని తెలియజేస్తూ లక్షలు ఖర్చు చేసి స్నేహితులకు పార్టీ కూడా ఇచ్చింది.
ఈ మహిళ పేరు లారిస్సా సంపానీ. వృత్తిరీత్యా మోడల్ .. సోషల్ మీడియాలో చాలా యాక్టివ్గా ఉంటుంది. ఆమె తరచుగా ఇన్స్టాగ్రామ్లో వివిధ రకాల ఫోటోలు, వీడియోలను పంచుకుంటుంది. తన జీవితానికి సంబంధించిన విశేషాలను కూడా షేర్ చేస్తోంది. ఇటీవల ఆమె తనకు సంబంధించిన కొన్ని ఫోటోలను షేర్ చేసి విడాకులు తీసుకున్నట్లు చెప్పాడు.
పెళ్ళైన 6 నెలల్లోనే విడాకులు
డైలీ స్టార్ నివేదిక ప్రకారం లారిస్సా వివాహం చేసుకుని 6 నెలలు మాత్రమే అయింది. ఇప్పుడు తన భర్తకు కి విడాకులు ఇచ్చింది. గత మూడేళ్లుగా కలిసి ఉన్నారు. ఆశ్చర్యకరమైన విషయం ఏమిటంటే లారిస్సా తన విడాకుల పట్ల చాలా సంతోషంగా ఉంది. ‘విడాకుల పార్టీ’ని ఏర్పాటు చేసింది. తన స్నేహితులను ఆహ్వానించింది. ఈ విడాకుల పార్టీలో అందరూ కలిసి చాలా ఎంజాయ్ చేశారు. బర్త్ డే పార్టీలో కేక్ కట్ చేసినట్లే, లారిస్సా తన విడాకుల కేక్ కట్ చేసి, దానిపై ‘న్యూలీ డివోర్స్’ అని కూడా రాసి ఉంది. పార్టీ కోసం లారిసా దాదాపు రూ.4 లక్షలు ఖర్చు చేసినట్లు తెలుస్తోంది.
విచిత్రమైన కారణంతో విడాకులు
నివేదికల ప్రకారం 24 ఏళ్ల లారిస్సా తన విడాకులకు కారణాన్ని కూడా చెప్పింది. తనకు అబ్బాయిలతో పాటు అమ్మాయిలంటే చాలా ఇష్టమని.. అయితే తన భర్త తనతో కాకుండా మరెవరితోనూ సంబంధాలు పెట్టుకోవడానికి అంగీకరించలేదని చెప్పింది. ఈ కారణంతోనే లారిసా తన భర్తకు విడాకులు ఇచ్చింది. ఇప్పుడు ఆమె స్వేచ్ఛగా జీవిస్తోంది.
మరిన్ని వైరల్ న్యూస్ కోసం ఇక్కడ క్లిక్ చేయండి..
