Watch: హౌజ్ఫుల్ ఈవెంట్లో చెవికమ్మలు పొగొట్టుకున్న యువతి.. అక్కడి జనం ఏం చేశారో తెలిస్తే..
ఓ అమ్మాయి తన స్నేహితులతో కలిసి ఈవెంట్ నుంచి వెళ్లిపోవడం వీడియోలో కనిపిస్తుంది. అంతలోనే ఆమె చెవిపోగు పడిపోయింది. ఆ అమ్మాయికి ఏం చేయాలో అర్థం కాలేదు. ఎంతవెతికినా ఎక్కడా కనిపించలేదు.. చుట్టుపక్కల చూస్తే జనం రద్దీ ఎక్కువగా ఉంది.. ఇంతలోనే ఆమెకు ఊహించని సీన్ కనిపించింది.
ఊహించండి, మీరు రద్దీగా ఉండే ప్రదేశంలో ఏదైనా పోగొట్టుకున్నట్లయితే, అపరిచితులు మీకు సహాయం చేస్తారని మీరు ఆశించగలరా..? ఖచ్చితంగా..నో అనే చెబుతారు.. ఇలాంటి ఏ చిన్న ఆశకూడా లేదు అని చెబుతారు. కానీ ఒక సంగీత కచేరీ తర్వాత అక్కడ జరిగిన ఒక సంఘటన అందరినీ ఆశ్చర్యపోయేలా చేసింది. అమెరికాలో జరిగిన ఒక సంఘటన ప్రజల హృదయాలను కదిలించింది. సోషల్ మీడియాలో సంచలనం సృష్టించింది. అక్కడ జరిగిన మ్యూజిక్ ఫెస్ట్లో ఓ అమ్మాయి చెవిపోగులు జనసమూహంలో పడిపోవడంతో అక్కడ జరిగిన ఘటన అందరినీ విస్మయానికి గురి చేసింది. సోషల్ మీడియాలో ఘటనకు సంబంధించిన వీడియో వైరల్గా మారింది.
ఎమ్మా హ్యూస్ అనే అమ్మాయి ఇన్స్టాగ్రామ్లో మొత్తం సంఘటన వీడియోను షేర్ చేశారు. తనకు ఎలాంటి పరిచయం లేని వారు, అపరిచితులు పదుల సంఖ్యలో ముందుకు వచ్చారు. ఎటువంటి స్వార్థం లేకుండా, ఆ ఆ యువతి పోగొట్టుకున్న చెవిపోగును వెతికేందుకు ఎలా బయలుదేరారో వీడియోలో స్పష్టంగా కనిపించింది. చెవిపోగులు దొరికాయా? లేదా తెలియదు గానీ, మానవత్వం ఇంకా సజీవంగా ఉంది అని చెప్పటానికి ఇది ఉదాహరణగా నిలిచింది. లక్షలాది మందిని ఆలోచింపజేస్తూ ఈ వీడియో ఇంటర్నెట్లో విపరీతంగా వైరల్ అవుతోంది. అసలు విషయం ఏంటంటే..
ఓ అమ్మాయి తన స్నేహితులతో కలిసి ఈవెంట్ నుంచి వెళ్లిపోవడం వీడియోలో కనిపిస్తుంది. అంతలోనే ఆమె చెవిపోగు పడిపోయింది. ఆ అమ్మాయికి ఏం చేయాలో అర్థం కాలేదు. కానీ, చుట్టుపక్కల చూస్తే జనం రద్దీ ఎక్కువగా ఉంది.. ఇంతలోనే ఆమెకు ఊహించని సీన్ కనిపించింది. ఆమె చెవిపొగులు పోయాయని తెలిసి అక్కడున్న వారంతా ఆమెకు సహాయం చేయడానికి ముందుకు వచ్చారు. అక్కడున్న అపరిచితులు చాలా మంది రోడ్డుపై వంగి ఆ అమ్మాయి చెవిపోగులు వెతకడానికి ప్రయత్నించారు. ఏదో ఒక్కరూ ఇద్దరు కాదు..ఏకంగా పదుల సంఖ్యలో ప్రజలు ఆ అమ్మాయికి సహాయం చేయడానికి ప్రయత్నించారు. చెవిపోగు దొరకలేదు. కానీ, బోలెడంతా ప్రేమ దొరికింది అంటూ ఆమె ఆనందం వ్యక్తం చేసింది. ఈ సంఘటన తన మనస్సులో లోతైన అనుభూతిని రేకెత్తించింది. అపరిచితులు నిస్వార్థంగా ఆమెకు చేసిన సాహయం అందరి గుండెలకు హత్తుకుంది.
ఈ వీడియో చూడండి..
View this post on Instagram
సోషల్ మీడియాలో ఈ వీడియో వేగంగా వైరల్ అయ్యింది. 10 మిలియన్లకు పైగా ప్రజలు వీక్షించారు. ఈ వీడియోపై చాలా కామెంట్లు వచ్చాయి. చాలా మంది వ్యక్తులు తమ మనోహరమైన అనుభవాలను పంచుకున్నారు. ఒక వినియోగదారు ఒకసారి తన అమ్మమ్మ ఉంగరం పోయిందని, అయితే అక్కడ ఉన్నవారు దానిని వెతికి ఇచ్చారని గుర్తుచేశారు. మనం మనుషులను ప్రేమించాలని, ఇదే నిజమైన మానవత్వం అని మరొకరు అన్నారు.
మరిన్ని ట్రెండింగ్ న్యూస్ కోసం క్లిక్ చేయండి..