Viral video: చిన్న పిల్లాడిలా మారిపోయిన వృద్ధుడు.. బ్యాట్ పట్టుకుని గల్లీ క్రికెట్ ఆడుతూ..

వయసు అనేది ఓ సంఖ్య మాత్రమేనని నిరూపిస్తూ ఎందరో వృద్ధులు వివిధ రంగాల్లో తమ సృజనాత్మక ప్రతిభను చాటుకుంటున్నారు. ఎవరేమనుకున్నా పర్లేదంటూ మలి వయసులో తమ మనసుకు నచ్చిన

Basha Shek | Edited By: Ravi Kiran|
Updated on: Jan 20, 2022 | 7:00 AM

వయసు అనేది ఓ సంఖ్య మాత్రమేనని నిరూపిస్తూ ఎందరో వృద్ధులు వివిధ రంగాల్లో తమ సృజనాత్మక ప్రతిభను చాటుకుంటున్నారు. ఎవరేమనుకున్నా పర్లేదంటూ మలి వయసులో తమ మనసుకు నచ్చిన పనులు చేస్తూ స్ఫూర్తినిస్తున్నారు. ఈక్రమంలో ఒక వృద్ధుడు కూడా చిన్న పిల్లాడిలా మారిపోయాడు. బ్యాట్ పట్టుకుని గల్లీ క్రికెట్ ఆడాడు. అంతేకాదు షాట్ కొట్టిన ప్రతిసారీ ఎంతో ఉత్సాహంగా పరుగులు తీశాడు. ఇదెక్కడ జరిగిందో కానీ దీనికి సంబంధించిన ఓ వీడియో మాత్రం ప్రస్తుతం నెట్టింట్లో వైరల్ గా మారింది.

సాధారణంగా వయసు మళ్లిన వారు ఎక్కువ యాక్టివ్ గా ఉండరు. ఎక్కువగా ఇంటి పట్టునే ఉంటూ విశ్రాంతి తీసుకోవడానికే ప్రాధాన్యమిస్తారు. మనవలు, మనవరాళ్లతో కాలక్షేపం చేస్తూ సమయాన్ని గడుపుతుంటారు. కానీ ఈ వీడియోలో మాత్రం ఓ వృద్ధుడు పిల్లలకు పోటీగా బ్యాట్ తో పరుగుల చేశాడు. ఆయన ఉత్సాహాన్ని చూసి అక్కడున్న వారందరూ కూడా ఆశ్చర్యపోయారు. కాగా ‘ కరోనా బూస్టర్ డోస్ మహత్యం’ అంటూ ఇన్ స్టాగ్రామ్, ట్విట్టర్ , ఫేస్ బుక్ లలో ఈ వీడియో బాగా వైరలవుతోంది. దీనిని చూసిన నెటిజన్లు వృద్ధుడి ఉత్సాహాన్ని చూసి ముక్కున వేలేసుకుంటున్నారు. ‘వయసు అనేది ఓ అంకె మాత్రమేనని ఆయన మరోసారి నిరూపించారు ‘ , ‘ముసలాయన ఉత్సాహం చూస్తుంటే ముచ్చటేస్తుంది’ అంటూ కామెంట్ల వర్షం కురిపిస్తున్నారు.