Viral: దేర్ దేర్.. సీ సీ.. బ్యాక్ సైడ్.! వడపావ్ తినదామనుకున్నారు.. సీన్ కట్ చేస్తే

డబ్బు, బంగారం, మరేదైనా.. మన దగ్గర ఏదైనా విలువైన వస్తువు ఉంటే.. చాలా జాగ్రత్తగా ఉండాలి. ఏమాత్రం ఏమరపాటుగా ఉన్నా.. దొంగల పాలవ్వకతప్పదు. దీనికి నిదర్శనంగా ఇటీవల పూణేలో ఓ సంఘటన చోటు చేసుకుంది. పట్టపగలు నడిరోడ్డుపై ఓ దొంగ అత్యంత సులభంగా రూ. 5 లక్షల విలువైన బంగారు నగల బ్యాగ్‌ను కొట్టేశాడు. ఈ ఘటన సీసీటీవీ ఫుటేజ్‌లో రికార్డు కాగా.. అది కాస్తా సోషల్ మీడియాలో వైరల్‌గా మారింది.

వైరల్ వీడియో ప్రకారం.. పూణేకు చెందిన వృద్ధ దంపతులు బ్యాంక్‌లోని తమ బంగారు నగలను విడిపించుకుని స్కూటీ మీద ఇంటికి తిరిగి వస్తున్నారు. మార్గం మధ్యలో ఓ షాప్‌ దగ్గర వడపావ్ కొనేందుకు భర్త ఆగగా.. భార్య స్కూటీ దగ్గర నిలబడి ఉంది. ఇక ఇదంతటిని గమనిస్తున్న ఓ దొంగ.. సరైన సమయంలో ఆ నగల బ్యాగ్ పట్టుకుని ఉడాయించాడు. గమనించిన వృద్ధురాలు అతడ్ని పట్టుకునేందుకు ప్రయత్నించగా.. ఈలోపే ఆ దొంగ వెళ్లిపోయాడు. కాగా, ఈ ఘటన ఆ షాప్‌ సీసీటీవీ ఫుటేజ్‌లో రికార్డు అయింది. క్షణాల్లో సోషల్ మీడియాలో వైరల్‌గా మారింది. దీనిపై నెటిజన్లు వరుసపెట్టి కామెంట్స్‌తో హోరెత్తించారు. లేట్ ఎందుకు దీనిపై ఓ లుక్కేయండి.

In Pune, a couple’s gold jewellery valued at ₹4.95 lakh was stolen while they paused to buy vada pav after retrieving it from a bank pic.twitter.com/VKRll2OWpb

— Ghar Ke Kalesh (@gharkekalesh) August 30, 2024