Viral Video: ఇదేం పోయేకాలం రా.. బిజీ రోడ్డులో డివైడర్ పై బైక్ డ్రైవింగ్..
ఈ సందర్భంగా ఓ యువకుడు నిబంధనలకు విరుద్ధంగా బైక్‌పై స్టంట్స్‌ చేశాడు. నది వంతెనపై రోడ్డు మధ్యలో ఉన్న డివైడర్‌పై తన మోటార్‌బైక్‌ను ప్రమాదకరంగా నడుపుతూ కనిపించాడు. దీంతో పాటు మరికొందరు యువకులు కూడా అతడికి మద్దతుగా కేకలు వేస్తూ ద్విచక్ర వాహనాలను అతివేగంతో నడుపుతున్నారు.
చేతిలో బైక్ ఉంటే చాలు.. కొందరు యువకులు రెచ్చిపోయి ప్రవర్తిస్తుంటారు. భయంకర స్టంట్లు చేస్తూ ప్రాణాలు రిస్క్‌లో పెడుతుంటారు. అలాంటిదే ఈ వీడియో కూడా. సాధారణంగా వాహనాలు రోడ్డుపై వెళ్తుంటాయి. కానీ, రోడ్డు డివైడర్‌పై ఎవరైనా డ్రైవింగ్ చేయడం ఎప్పుడైనా,ఎక్కడైనా చూశారా..? కానీ, ప్రస్తుతం సోషల్ మీడియాలో ఇలాంటి స్టంట్‌ చేస్తున్న వ్యక్తి వీడియో తెగ వైరల్‌గా మారింది. ఇక్కడ ఒక యువకుడు రోడ్డు మధ్యలోని డివైడర్‌పై ప్రమాదకరంగా బైక్ డ్రైవ్‌ చేస్తున్నాడు. ఇందుకు సంబంధించిన వీడియో ప్రస్తుతం వైరల్‌గా మారింది. వీడియో చూసిన నెటిజన్లు మండిపడుతున్నారు. తమిళనాడు లోని తిరుచ్చి లో ఈ ఘటన చోటు చేసుకుంది. పూర్తి వివరాల్లోకి వెళితే..
ఈ నెల 23న పెరుంబిడుగు ముత్తురైయార్‌ జయంతి సందర్భంగా ఆ సంఘానికి చెందిన పలువురు యువకులు తిరుచ్చిలో ఆయన విగ్రహానికి పూలమాల వేసి నివాళులర్పించారు. అనంతరం నగరంలో బైక్ ర్యాలీ నిర్వహించారు. ఈ సందర్భంగా ఓ యువకుడు నిబంధనలకు విరుద్ధంగా బైక్‌పై స్టంట్స్‌ చేశాడు. కొల్లిడం నది వంతెనపై రోడ్డు మధ్యలో ఉన్న డివైడర్‌పై తన మోటార్‌బైక్‌ను ప్రమాదకరంగా నడుపుతూ కనిపించాడు. దీంతో పాటు మరికొందరు యువకులు కూడా అతడికి మద్దతుగా కేకలు వేస్తూ ద్విచక్ర వాహనాలను అతివేగంతో నడుపుతున్నారు. ఈ దృశ్యాలు సోషల్ మీడియాలో వైరల్ కావడంతో ఈ ఘటన పోలీసుల దృష్టికి వచ్చింది.
சென்டர் மீடியன் மேல் இளைஞர் அட்டூழியம்… `ஒரு நொடி Slip ஆகிருந்தா அவ்ளோதான்’ – வைரலாகும் சாகசங்கள்#Trichy #Bike #KollidamBridge pic.twitter.com/pqMKknPrCd
— M.M.NEWS உடனடி செய்திகள் (@rajtweets10) May 26, 2024
అటుగా వెళ్తున్న స్థానికులు యువకుడి బైక్ స్టంట్‌ను తమ కెమెరాల్లో బంధించి సోషల్ మీడియాలో పోస్టు చేశారు. ప్రస్తుతం ఆ వీడియో వైరల్ అవుతోంది. దీనిపై నెటిజన్లు, స్థానికులు తీవ్ర స్థాయిలో మండిపడుతున్నారు. సదరు యువకుడిపై చట్టపరమైన చర్యలు తీసుకోవాలని డిమాండ్‌ చేస్తున్నారు.
మరిన్ని వైరల్ వార్తల కోసం ఇక్కడ క్లిక్ చేయండి
