సంక్రాంతి వేళ.. తగ్గేదేలే అంటున్న అత్తవారు.. 108 రకాల పిండి వంటలతో కొత్త అల్లుడికి భోజనం.
సంక్రాంతి పండగ హిందువులు జరుపుకునే అతి పెద్ద పండగ.. సంక్రాంతి అంటేనే కొత్త అల్లుళ్ళు, కోడి పందాలు, కొత్త సినిమాలు, ముంగిట ముగ్గులు, గొబ్బెమ్మలు ఇలా సందడే సందడి. కొత్త అల్లుడికి ఈ పండగ సమయంలో జరిగే మర్యాదల గురించి ఎంత చెప్పినా తక్కువే. తమ ఇంటికి వచ్చిన కొత్త అల్లుడిని ఆహ్వానించడం దగ్గర నుంచి ఆహారం అందించే వరకూ వెరీ వెరీ స్పెషల్ గా ఉండాలని కోరుకుంటారు. ఈ నేపధ్యంలో తెలంగాణలో ఓ కొత్త అల్లుడుకి 108 రకాల పిండి వంటలతో ఓ రేంజ్ లో భోజనం పెట్టి వార్తల్లో నిలిచారు.
Makara Sankranti 2025
సంక్రాంతి పండుగ సందర్భంగా ఇంటికి వచ్చిన కొత్త అల్లుడికి 108 రకాల వంటకాలను చేసి పెట్టడం సర్వసాధారణంగా గోదావరి జిల్లాలో జరిగే విషయమే.. అయితే ఇప్పుడు ఈ అలవాటు తెలంగాణ కు చేరుకున్నట్లు ఉంది.. తాజాగా సంగారెడ్డి పట్టణం శాంతి నగర్ చెందిన రాములు తన కుమార్తె డాక్టర్ నిష వివాహం ఇటీవల డాక్టర్ శ్రీకాంత్ అనే అతనితో జరిగింది. ఈ జంటకు ళ్లి అయిన తర్వాత తొలిసారి సంక్రాంతి పండగ వచ్చింది. ఈ పండగకు తన కూతురు, అల్లుడిని ఇంటికి పిలిచారు. తమ ఇంటికి వచ్చిన కొత్త అల్లునికి 108 రకాల వంటకాలను తయారు చేయించాడు రాములు. వీరితో పాటు రాములు సోదరుడి కుమారుడు కోడలు కూడా ఈ కార్యక్రమంలో పాల్గొని చేసిన వంటకాలను రుచి చూసారు.
ఇవి కూడా చదవండి
మరిన్ని తెలంగాణ వార్తల కోసం ఇక్కడ క్లిక్ చేయండి..