అదరహో అనిపించే గాజు వంతెన.. ఎక్కడో కాదు మన ఇండియాలోనే.! వీడియో చూశారా

గ్లాసు వంతెన.. ఇది ఎక్కడానికి ఇప్పుడు మన విదేశాలకు వెళ్లాల్సిన అవసరం లేదు.. ఇక్కడే మన ఇండియాలోని తమిళనాడులో ఆ రాష్ట్ర ప్రభుత్వం అదరహో అనిపించే గాజు వంతెనను నిర్మించింది. మరి దాని విశేషాలు ఎంతో ఈ స్టోరీలో తెలుసుకుందామా మరి.!

Glass Bridge In Chenna9i

Ravi Kiran |
Updated on: Dec 30, 2024 | 9:30 AM

తమిళనాడు ప్రజలు ఎప్పటినుంచో ఎదురు చూస్తున్న ఆ క్షణం రానే వచ్చింది. కన్యాకుమారిలోని వివేకానంద రాక్‌, తిరువళ్లువర్‌ విగ్రహం మధ్య చేపట్టిన గాజు వంతెన పూర్తయింది. ఎంతో ప్రతిష్టాత్మకంగా చేపట్టిన ఈ గాజు వంతెనను డిసెంబర్ 30న తమిళనాడు సీఎం స్టాలిన్ సాయంత్రం 5 గంటలకు ప్రారంభించనున్నారు. అలాగే సోమవారం నుంచే ఈ గ్లాస్ బ్రిడ్జి ప్రజలకు అందుబాటులోకి రానుంది. తమిళనాడు పబ్లిక్ వర్క్స్ డిపార్ట్‌మెంట్ పర్యవేక్షణలో చెన్నైకి చెందిన VME ప్రీకాస్ట్ ప్రొడక్ట్స్ కంపెనీ ఈ బ్రిడ్జి నిర్మాణాన్ని చేపట్టింది. రెండు వైపులను కనెక్ట్ చేసేలా.. పైకప్పును ఉక్కుతో రూపొందించారు. అలాగే ఈ వంతెనను స్టీల్ ప్లాట్‌ఫారమ్‌పై రెండున్నర మీటర్ల గాజు పలకలతో నిర్మించారు. కన్యాకుమారి త్రివేణి సంగమంలోని తిరువళ్లువర్ విగ్రహం రజతోత్సవ వేడుకలు డిసెంబర్ 31, జనవరి 1వ తేదీల్లో జరగనున్నాయి. ఈ కార్యక్రమానికి తమిళనాడు ముఖ్యమంత్రి ముఖ్య అతిధిగా హాజరు కానున్నారు.

గాజు వంతెన నిర్మాణ వివరాలు..

నిర్మాణ వ్యయం – 37 కోట్లు

పొడవు – 77 మీటర్లు

వెడల్పు – 10 మీటర్లు

మరోవైపు జనవరి 1, 2000వ సంవత్సరంలో తిరువళ్లువర్ విగ్రహాన్ని ప్రారంభించారు అప్పటి సీఎం కరుణానిధి. ఈ పీఠం 133 అడుగుల ఎత్తులో నిర్మించబడింది. 2004లో వచ్చిన సునామీని సైతం ఈ విగ్రహం తట్టుకుంది. ఆ సమయంలో ఈ విగ్రహానికి ఎలాంటి నష్టం జరగలేదు.