Video Viral: సమస్యలను చెప్పేందుకు రిపోర్టర్‏గా మారిన చిన్నారి.. కెమెరామెన్ అమ్మతో కలిసి..

ప్రస్తుతం సోషల్ మీడియా వాడకం ఎంతగా పెరిగిందో తెలిసిన విషయమే. చిన్నా, పెద్ద తేడా లేకుండా ఇంటర్నెట్‏లో మునిగితెలుతుంటారు.

Viral Video

Updated on: Jan 11, 2022 | 12:06 PM

ప్రస్తుతం సోషల్ మీడియా వాడకం ఎంతగా పెరిగిందో తెలిసిన విషయమే. చిన్నా, పెద్ద తేడా లేకుండా ఇంటర్నెట్‏లో మునిగితెలుతుంటారు. సోషల్ మీడియా ద్వారా కొన్ని సందర్భాల్లో మట్టిలో ఉన్న టాలెంట్స్ ప్రపంచానికి తెలిసాయి. అలాగే గ్రామీణ, పట్టణ ప్రాంతాల్లో ప్రజలు ఎదుర్కోంటున్న సమస్యలు ఇంటర్నెట్ ద్వారా అధికారుల దృష్టికి వెళ్లిన సందర్భాలు ఉన్నాయి. తాజాగా ఓ చిన్నారి తమ ఇంటి దగ్గర ఉన్న రోడ్డు దుస్థితిని అధికారులకు తెలియజేసేందుకు రిపోర్టర్‏గా మారింది. తన తల్లి కెమెరాఉమెన్‏గా మారి వీడియో తీస్తుంటే.. మైక్ చేతపట్టి రోడ్డు పరిస్థితిని ఎంతో చక్కగా వివరించింది ఆ చిన్నారి. ఇందుకు సంబంధించిన వీడియో నెట్టింట్లో వైరల్ అవుతుంది.

సోషల్ మీడియాలో చక్కర్లు కొడుతున్న వీడియోలో ఓ చిన్నారి రిపోర్టర్‏గా మారి కాశ్మీర్ రోడ్ల పరిస్థితి ఎంత అధ్వానంగా ఉందో.. ప్రజలు ఏ విధంగా చెత్త పారేస్తున్నారో వివరించింది. ఈ రోడ్లు అంత దారుణంగా ఉండడం వలన తన ఇంటికి అతిథులు రాలేకపోతున్నారని చెప్పుకొచ్చింది. అలాగే చివరలో కెమెరామెన్ అమ్మతో అని ముగించింది. ఇటీవల కశ్మీర్ లోయలో భారీ మంచు, వర్షం కురిసిన సంగతి తెలిసిందే. ఈ వీడియో చూసిన నెటిజన్స్ తమదైన శైలీలో స్పందిస్తున్నారు.