షోలో అక్షయ్ హీరోయిజం.. నువ్వు రియల్ హీరో బాసూ..

బాలీవుడ్ కిలాడీ అక్షయ్ కుమార్ రియల్ లైఫ్‌లోనూ హీరో అనిపించుకున్న సందర్భాలు చాలానే ఉన్నాయి. సామాజిక సేవ చేయడంలో ఈ హీరో ఎప్పుడూ ముందు వరుసలోనే ఉంటాడు. కాగా తాజాగా మరోసారి తాను రియల్ లైఫ్ హీరో అని నిరూపించుకున్నాడు ఈ కిలాడీ. అక్షయ్ కుమార్ నటించిన తాజా చిత్రం హౌస్‌ఫుల్ 4 విడుదలకు సిద్ధంగా ఉంది. ఈ నేపథ్యంలో ప్రమోషన్లలో భాగంగా ఓ కామెడీ షోకు ఆయన వెళ్లారు. అక్కడ అక్షయ్ కోసం షో నిర్వాహకులు స్టంట్స్ చేయించేందుకు ఆర్టిస్ట్‌లను పెట్టించారు. ఈ క్రమంలో ఓ ఆర్టిస్ట్ స్టంట్ చేయాల్సి ఉండగా ఒక్కసారిగా కుప్పకూలిపోయాడు. దాంతో అక్షయ్ వెంటనే అతన్ని కాపాడేందుకు వెళ్లారు. ఆర్టిస్ట్‌ను జాగ్రత్తగా కిందకి దింపి.. పూర్తిగా కోలుకునేవరకు ఎలాంటి స్టంట్స్ చేయించవద్దని షో నిర్వాహకులను హెచ్చరించారు.

ఆ సమయంలో తీసిన ఓ వీడియో ప్రస్తుతం సోషల్ మీడియాలో హల్‌చల్ చేస్తోంది. దీంతో ఈ వీడియో చూసిన నెటిజన్లు.. అక్షయ్ సర్ మీరు రియల్ లైఫ్ హీరో అంటూ ప్రశంసలు కురిపిస్తున్నారు. అయితే బాలీవుడ్‌లో యాక్షన్ స్టంట్స్‌కు అక్షయ్ పెట్టింది పేరు. ఆయన్ను ఇంప్రెస్ చేసేందుకు ఆ వ్యక్తి ముందు రోజు స్టంట్స్‌ను బాగా ప్రాక్టీస్ చేయడం వల్ల నీరసించిపోయాడు. దీంతో షోలో స్టంట్స్ చేస్తున్న సమయంలో పడిపోయాడు. కాగా తన కోసం రిస్కీ స్టంట్స్ చేయాలనుకున్నాడు కాబట్టి ఆ వ్యక్తికి ఏదన్నా సాయం కావాలన్నా తాను చేయడానికి సిద్ధంగా ఉన్నానని అక్షయ్ తెలపడం విశేషం.

.@akshaykumar helps to save an artist who fell unconscious on a harness while promoting his upcoming film on the sets of @ManishPaul03's new show #MovieMasti!@AKFansGroup | @Akkistaan | @TeamAkshay | #AkshayKumar pic.twitter.com/9Exjvodchs

— SpotboyE (@Spotboye) October 4, 2019