YS Sharmila: కవిత ఏమైనా కడిగిన ముత్యమా? లేక మీ మధ్య కుదిరిన బంధమా? బీఆర్ఎస్, బీజేపీలపై షర్మిల ఘాటు విమర్శలు
వైఎస్సార్టీపీ అధ్యక్షురాలు వైఎస్ షర్మిల బీజేపీ, బీఆర్ఎస్ పార్టీలపై ఘాటు విమర్శలు చేశారు. ఈ రెండు పార్టీలు గల్లీలు సిగపట్లు పట్టి, ఢిల్లీలో కౌగిలించుకుంటున్నాయంటూ సెటైర్లు వేశారు. ఈ మేరకు బీజేపీ, బీఆర్ఎస్ పార్టీలను ఎండగడుతూ ట్విట్టర్లో సుదీర్ఘ పోస్టును షేర్ చేశారు షర్మిల
Updated on: Jun 24, 2023 | 3:39 PM
వైఎస్సార్టీపీ అధ్యక్షురాలు వైఎస్ షర్మిల బీజేపీ, బీఆర్ఎస్ పార్టీలపై ఘాటు విమర్శలు చేశారు. ఈ రెండు పార్టీలు గల్లీలు సిగపట్లు పట్టి, ఢిల్లీలో కౌగిలించుకుంటున్నాయంటూ సెటైర్లు వేశారు. ఈ మేరకు బీజేపీ, బీఆర్ఎస్ పార్టీలను ఎండగడుతూ ట్విట్టర్లో సుదీర్ఘ పోస్టును షేర్ చేశారు షర్మిల. ‘కుళ్లు కాయలను బంగారు సంచిలో దాచినా కంపు బయటపడదా ఏంటి? అలాగే ఉంది.. బీఆర్ఎస్, బీజేపీల అక్రమ మైత్రి. ఎంతదాచినా దాగదులే అన్నట్టు.. గల్లీలో సిగపట్లు, ఢిల్లీలో కౌగిలింతలు.. నిజం కాదని నిరూపించగలరా? బిహార్ లో జరిగిన బీజేపీయేతర పక్షాల సమావేశానికి మీకు ఆహ్వానం ఎందుకు అందలేదో చెప్పే దమ్ముందా మీకు? బిహార్ సీఎం నితీష్ కుమార్ బీజేపీపై కేసీఆర్ తీరు సరిగా లేదని చెప్పేశారు. మరోవైపు శరద్ పవార్ అయితే ఏకంగా బీజేపీ , బీఆర్ఎస్ ఒక్కటే అన్నారు. ఇంకా మీ నాటకాలు దేనికి? తమిళనాడు మాజీ మంత్రిని ఎంత రాక్షసంగా అరెస్టు చేసారో చూసాం. మరి బలమైన సాక్ష్యాలున్నాయంటూ కవితను నాలుగుసార్లు ఆఫీసుల చుట్టూ తిప్పింది సీబీఐ. మరి ఆ తరువాత ఆమెను అరెస్టు ఎందుకు చేయదు? అసలు జాబితాలో ఆమె పేరే ఉండకపోవడమేందో! ఆమె కడిగిన ముత్యమా, లేక మీది కుదిరిన బంధమా? తెలంగాణ మంత్రుల మీద ఈడీ దాడులుంటాయి, కానీ అరెస్టులు ఉండవు. కాళేశ్వరం మీద నేను నిరంతరం పోరాటం చేస్తున్నా బీజేపీ మంత్రులు పనికిమాలిన ప్రకటనలు చేస్తారు తప్ప చర్యలుండవు. ఇంతలో కేసీఆర్ బీజేపీని పెద్దమనసుతో క్షమించేసి సభాముఖంగా దాడులు చేయడం బంద్ చేస్తారు. ఆయన కుమారుడు ఆగమేఘాల మీద ఢిల్లీకి పోయి అమిత్ షాను కలుస్తాడు. బీజేపీ ముఖ్యమంత్రులు నెలల తరబడి ఎదురుచూస్తున్నా దొరకని అపాయింట్ మెంట్ గాలికంటే వేగంగా కేటీఆర్ కు దొరుకుతుంది. సమాజ్దార్ కో ఇషారా కాఫీ అన్నట్టు.. సిగ్గులేకుండా, ఆత్మలు అమ్ముకుని చేతులు కలుపుతున్న వీరి నీచక్రీడలను నాలుగు కోట్ల ప్రజలు గమనిస్తున్నారు. త్వరలోనే తెలంగాణ ప్రజలు వీరి స్నేహానికి బొందపెడతారు’ అని ఘాటుగా విమర్శించింది షర్మిల.
కాగా గత కొన్ని రోజులుగా వైఎస్ షర్మిల కాంగ్రెస్లో చేరనున్నట్లు ప్రచారం జరుగుతున్న సంగతి తెలిసిందే. మొదట డీకే శివకుమార్ను ఆమె కలవడం, ఆ తర్వాత రాహుల్ గాంధీకి బర్త్ డే విషెస్ చెప్పడం, ఆపై ఎంపీ కోమటిరెడ్డి వెంకట్రెడ్డి డీకేతో భేటీ కావడం.. తదితర పరిణామాలతో షర్మిల కాంగ్రెస్లో చేరనున్నారనే ఊహాగానాలకు మరింత బలన్నిచ్చాయి. తాజాగా ఈ వార్తలపై రియాక్ట్ అయ్యింది షర్మిల. ‘వైఎస్ షర్మిల రెడ్డి తన చివరి శ్వాస వరకు తెలంగాణ బిడ్డగా, తెలంగాణ కొరకు పోరాడుతూనే ఉంటది. ఊహాజనిత కథలు కల్పిస్తూ, నాకు, తెలంగాణ ప్రజలమధ్య అగాధాన్ని సృష్టించే విఫల యత్నాలు జరుగుతున్నాయి. పనిలేని,పసలేని దార్శనికులకు నేను చెప్పేది ఒకటే. నా రాజకీయ భవిత మీద పెట్టె దృష్టిని, సమయాన్ని కేసీఅర్ పాలనపై పెట్టండి. అన్నివిధాలుగా కేసీఆర్ సర్కారు పాలనలో సర్వనాశనమైపోతున్న తెలంగాణ భవితమీద పెట్టండి. కేసీఆర్ కుటుంబం అవినీతిని ఎండగట్టండి. నా భవిష్యత్తు తెలంగాణతోనే, తెలంగాణలోనే, నా ఆరాటం, నా పోరాటం తెలంగాణ కోసమే. జై తెలంగాణ’ అని ట్వీట్ చేసింది.
కుళ్లు కాయలను బంగారు సంచిలో దాచినా కంపు బయటపడదా ఏంటి.. అలాగే ఉంది.. భారాస, భాజపాల అక్రమ మైత్రి. ఎంతదాచినా దాగదులే అన్నట్టు… గల్లీలో సిగపట్లు, ఢిల్లీలో కౌగిలింతలు.. నిజం కాదని నిరూపించగలరా? బీహార్ లో జరిగిన బీజేపీయేతర పక్షాల సమావేశానికి మీకు ఆహ్వానం ఎందుకు అందలేదో చెప్పే…
— YS Sharmila (@realyssharmila) June 24, 2023
వైఎస్ షర్మిల రెడ్డి తన చివరి శ్వాస వరకు తెలంగాణ బిడ్డగా, తెలంగాణ కొరకు పోరాడుతూనే ఉంటది. ఊహాజనిత కథలు కల్పిస్తూ, నాకు, తెలంగాణ ప్రజలమధ్య అగాధాన్ని సృష్టించే విఫల యత్నాలు జరుగుతున్నాయి. పనిలేని,పసలేని దార్శనికులకు నేను చెప్పేది ఒకటే. నా రాజకీయ భవిత మీద పెట్టె దృష్టిని, సమయాన్ని…
— YS Sharmila (@realyssharmila) June 23, 2023
మరిన్ని తెలంగాణ వార్తల కోసం క్లిక్ చేయండి..
