సింగరేణి ఎన్నికలపై హైకోర్ట్ కీలక ఉత్తర్వులు.. అక్టోబర్‌లోపు ఎన్నికలు నిర్వహించాల్సిందేనని ఆదేశం..
కార్మిక సంఘాల ఎన్నికల నిర్వహణకు మరికొంత సమయం ఇవ్వాలని కోరుతూ సింగరేణి కాలరీస్ కంపెనీ లిమిటెడ్ (ఎస్సిసిఎల్) యాజమాన్యం దాఖలు చేసిన పిటిషన్‌ను తెలంగాణ హైకోర్టు న్యాయమూర్తి జస్టిస్ బి. విజయసేన్ రెడ్డి సోమవారం కొట్టివేశారు. హైకోర్టు గతంలో ఇచ్చిన ఆదేశాల ప్రకారం అక్టోబర్ నెలాఖరులోగా SCCL ఎన్నికలను ముగించాల్సి ఉంది. సెప్టెంబర్ మొదటి వారంలో ఎన్నికల ప్రక్రియ ప్రారంభించాలని ఆదేశించారు. అయితే, పండుగల సీజన్‌లో ఎన్నికలు నిర్వహించడం..
Updated on: Sep 26, 2023 | 5:49 PM
హైదరాబాద్, సెప్టెంబర్ 26: హైకోర్టు తీర్పుతో సింగరేణిలో గుర్తింపు సంఘం ఎన్నికలు అనివార్యంగా మారాయి. అసెంబ్లీ ఎన్నికల నేపథ్యంలో సింగరేణి ఎన్నికల వాయిదాను కోరుతూ యాజమాన్యం దాఖలు చేసిన మధ్యంతర పిటిషన్‌ను హైకోర్ట్ తిరస్కరించింది. కార్మిక సంఘాల ఎన్నికల నిర్వహణకు మరికొంత సమయం ఇవ్వాలని కోరుతూ సింగరేణి కాలరీస్ కంపెనీ లిమిటెడ్ (ఎస్సిసిఎల్) యాజమాన్యం దాఖలు చేసిన పిటిషన్‌ను తెలంగాణ హైకోర్టు న్యాయమూర్తి జస్టిస్ బి. విజయసేన్ రెడ్డి సోమవారం కొట్టివేశారు. హైకోర్టు గతంలో ఇచ్చిన ఆదేశాల ప్రకారం అక్టోబర్ నెలాఖరులోగా SCCL ఎన్నికలను ముగించాల్సి ఉంది. సెప్టెంబర్ మొదటి వారంలో ఎన్నికల ప్రక్రియ ప్రారంభించాలని ఆదేశించారు. అయితే, పండుగల సీజన్‌లో ఎన్నికలు నిర్వహించడం, ఆ తర్వాత అసెంబ్లీ ఎన్నికల్లో నిర్వహించడం కష్టమని ఎస్సిసిఎల్ యాజమాన్యం నాలుగైదు నెలల సమయం కోరింది. రెండు రోజుల పాటు యాజమాన్యం, కార్మిక సంఘాల వాదనలు విన్న జస్టిస్ రెడ్డి సోమవారం పిటిషన్‌ను కొట్టివేసింది. ఇప్పుడు, SCCL ఎటువంటి ఆలస్యం లేకుండా ట్రేడ్ యూనియన్ ఎన్నికలను నిర్వహించాలి.
అక్టోబర్ లోపు ఎన్నికలను తప్పనిసరిగా నిర్వహించాలని ఉత్తర్వులను జారీ చేసింది. దీంతో బుధవారం కేంద్ర కార్మిక శాఖ సమక్షంలో జరగనున్న సమావేశంలో సింగరేణి ఎన్నికల నోటిఫికేషన్ విడుదల అయ్యే అవకాశాలు కనిపిస్తున్నాయి. చివరగా 2017లో సింగరేణి ఎన్నికలు జరిగాయి. గత ఎన్నికల్లో గెలుపొందిన TBGKS యూనియన్‌కు యాజమాన్యం ఆలస్యంగా గుర్తింపు పత్రం ఇవ్వడంతో 2022 వరకు గుర్తింపు సంఘంగా ఆ యూనియన్ వ్యవహరిస్తూ వచ్చింది. కాల పరిమితి ముగిసి సంవత్సరన్నర దాటినా.. ఇంతవరకు ఎన్నికలు జరగలేదు. ఉత్పత్తిపై ప్రభావం పడుతుందన్న సాకుతో ఎన్నికల నిర్వహణను జాప్యం చేస్తూ వచ్చింది. ఈ క్రమంలో AITUC న్యాయస్థానాన్ని ఆశ్రయించింది.
కోర్టు సూచన మేరకు కేంద్ర కార్మిక శాఖ ఈనెల 11న కార్మిక సంఘాల ప్రతినిధులతో యాజమాన్యం ప్రత్యేక సమావేశం నిర్వహించింది. అక్టోబర్ 28న ఎన్నికలు నిర్వహించాలని నిర్ణయించారు. అయితే నోటిఫికేషన్ విడుదల చేయకుండా వాయిదా వేస్తూ వచ్చింది యాజమాన్యం. మరోవైపు ఎన్నికలను వాయిదా వేయాలని కోరుతూ హైకోర్టులో సింగరేణి యాజమాన్యం మధ్యంతర పిటిషన్ వేసింది. అయితే ఎట్టి పరిస్థితల్లో ఎన్నికలు నిర్వహించి తీరాల్సిందేనని కోర్ట్ ఉత్తర్వులు ఇచ్చింది.
మరిన్ని తెలంగాణ వార్తల కోసం ఇక్కడ క్లిక్ చేయండి
