నిబంధనలు అతిక్రమించే పోలీసులపై ఫిర్యాదు చేయండిలా..!

నిబంధనలు అతిక్రమించే  పోలీసులపై ఫిర్యాదు చేయండిలా..!

పోలీసులకు రక్షక భటులని పేరు. ఒక్కోసారి వారుకూడా నిబంధనలు అతిక్రమించడం అప్పుడప్పుడూ చూస్తుంటాం. దురుసుగా ప్రవర్తించడం, కారణం లేకుండా చేయి చేసుకోవడం, లంచాలు డిమాండ్ చేయడం, ఫిర్యాదు చేసేందుకు వచ్చిన మహిళల పట్ల అసభ్యంగా ప్రవర్తించడం వంటి ఆరోపణలు ఖాకీలపై అప్పుడప్పుడూ వార్తల్లో వస్తుంటాయి. మరి వీరిపై ఎవరికి ఫిర్యాదు చేయాలో అర్ధంకాక సామాన్యుడు తన ఆగ్రహాన్ని , ఆవేశాన్ని పంటికిందే అదిమిపెట్టుకుని మౌనంగా ఉండిపోతాడు. పారదర్శకతకు పెద్దపీట వేస్తూ ఫ్రెండ్లీ పోలీసింగ్ పేరుతో ప్రజలకు సేవలు […]

TV9 Telugu Digital Desk

| Edited By:

Sep 07, 2019 | 6:15 PM

పోలీసులకు రక్షక భటులని పేరు. ఒక్కోసారి వారుకూడా నిబంధనలు అతిక్రమించడం అప్పుడప్పుడూ చూస్తుంటాం. దురుసుగా ప్రవర్తించడం, కారణం లేకుండా చేయి చేసుకోవడం, లంచాలు డిమాండ్ చేయడం, ఫిర్యాదు చేసేందుకు వచ్చిన మహిళల పట్ల అసభ్యంగా ప్రవర్తించడం వంటి ఆరోపణలు ఖాకీలపై అప్పుడప్పుడూ వార్తల్లో వస్తుంటాయి. మరి వీరిపై ఎవరికి ఫిర్యాదు చేయాలో అర్ధంకాక సామాన్యుడు తన ఆగ్రహాన్ని , ఆవేశాన్ని పంటికిందే అదిమిపెట్టుకుని మౌనంగా ఉండిపోతాడు.

పారదర్శకతకు పెద్దపీట వేస్తూ ఫ్రెండ్లీ పోలీసింగ్ పేరుతో ప్రజలకు సేవలు అందించేందుకు ముందుకు వచ్చింది తెలంగాణ పోలీస్ శాఖ. ఫిర్యాదు ఇచ్చేందుకు వచ్చిన వారి బాధను పూర్తిగా వింటూనే వారికి తాగిన రక్షణగా నిలుస్తూ మేమున్నామనే భరోసా కల్పించే ప్రయత్నం చేస్తుంది. అదే సమయంలో కొన్ని డిపార్డ్‌మెంట్‌లో అవాంఛనీయ పరిస్థితులపై కూడా సీరియస్‌గా ఉండాలని నిర్ణయించింది. సాధారణ పౌరులు రూల్స్ అతిక్రమిస్తే పోలీసులు కేసు నమోదు చేస్తారు. మరి పోలీసులే రూల్స్ అతిక్రమిస్తే ఎవరికి ఫిర్యాదు చేయాలి? అనే ప్రశ్న దాదాపు అందరికీ వస్తుంది. దీనిపై తెలంగాణ పోలీస్ శాఖకు చెందిన ” హ్యాక్ ఐ”లో మరో పేజీ కేటాయించారు. దీనిద్వారా పోలీసులు ఎవరినైనా అకారణంగా ఇబ్బందులకు గురిచేసినా, లేక నిబంధనలు అతిక్రమించినా వెంటనే ఈ యాప్‌లో ఉన్న మరో ఆప్షన్ ‌ద్వారా పై అధికారులకు ఫిర్యాదు చేయవచ్చు.

“హ్యాక్ ఐ” మొబైల్ యాప్‌లో “వయోలేషన్ బై పోలీస్” అనే ఆప్షన్ క్లిక్ చేసి అక్కడ ఎవరైనా సరే ఫిర్యాదును నేరుగా రిపోర్టు చేయవచ్చు. ఫిర్యాదుకు సంబంధించి ఫోటోలు, వీడియోలు సహా ఆధారాలు జత చేసే వీలుకూడా ఇందులో ఉంది. ఈ యాప్‌లో నమోదైన ఫిర్యాదులన్నీ పోలీసు ఉన్నతాధికారులకు నేరుగా చేరుతాయని గనుక విచారణ కూడా వేగంగానే జరుగుతుందని పోలీస్ అధికారులు చెబుతున్నారు. సో.. ఇకపై సామాన్యులపైనే కాదు.. నిబంధనలు అతిక్రమించిన పోలీసులపై కూడా ఫిర్యాదు చేయొచ్చు.

Follow us on

Most Read Stories

Click on your DTH Provider to Add TV9 Telugu