Telangana: మంత్రి తమ్ముడికి బిగ్ షాక్ ఇచ్చిన కేసీఆర్ సర్కార్.. నెక్ట్స్ ఎవరంటూ ఆసక్తికర చర్చ..

మొన్న పొంగులేటి శ్రీనివాస్‌రెడ్డి, ఇప్పుడు ఎర్రబెల్లి ప్రదీప్‌రావు. ఒకరి తర్వాత మరొకరికి షాకిస్తోంది కేసీఆర్‌ ప్రభుత్వం. మరి, ప్రదీప్‌రావు తర్వాత ఎవరు? నెక్ట్స్‌ ఎవరికి షాక్‌ ఇవ్వబోతోందనేది ఆసక్తిగా మారింది.

Telangana: మంత్రి తమ్ముడికి బిగ్ షాక్ ఇచ్చిన కేసీఆర్ సర్కార్.. నెక్ట్స్ ఎవరంటూ ఆసక్తికర చర్చ..
Errabelli Pradeep Rao
Follow us

|

Updated on: Jan 11, 2023 | 8:16 AM

మొన్న పొంగులేటి శ్రీనివాస్‌రెడ్డి, ఇప్పుడు ఎర్రబెల్లి ప్రదీప్‌రావు. ఒకరి తర్వాత మరొకరికి షాకిస్తోంది కేసీఆర్‌ ప్రభుత్వం. మరి, ప్రదీప్‌రావు తర్వాత ఎవరు? నెక్ట్స్‌ ఎవరికి షాక్‌ ఇవ్వబోతోందనేది ఆసక్తిగా మారింది. అవును, మాజీ ఎంపీ పొంగులేటి శ్రీనివాస్‌రెడ్డి తరహాలోనే మరో లీడర్‌కి షాకిచ్చింది తెలంగాణ ప్రభుత్వం. బీఆర్ఎస్‌ను వీడి బీజేపీలో చేరిన ఎర్రబెల్లి ప్రదీప్‌రావుకు గన్‌మెన్లను తొలగించింది. ప్రదీప్‌రావుకు 2+2 సెక్యూరిటీ కల్పించింది ప్రభుత్వం.

ఏడేళ్లుగా నలుగురు గన్‌మెన్లు ప్రదీప్‌రావుకు భద్రత కల్పిస్తున్నారు. ఇప్పుడు, ఆ నలుగురు గన్‌మెన్లను పోలీస్ హెడ్‌క్వార్టర్స్‌లో రిపోర్ట్ చేయాలని ఆదేశించింది ప్రభుత్వం. అయితే, అకారణంగా తన సెక్యూరిటీని తొలగించారంటున్నారు ఎర్రబెల్లి ప్రదీప్‌రావు. తనకు ప్రాణహాని ఉందని తెలిసినా కూడా గన్‌మెన్లను ఎలా తొలగిస్తారని ప్రశ్నిస్తున్నారు.

ఇది, ముమ్మూటికీ కక్ష సాధింపు చర్యే అంటున్నారు బీజేపీ నేత ఎర్రబెల్లి ప్రదీప్‌రావు. తనకేదైనా జరిగితే ప్రభుత్వమే బాధ్యత వహించాల్సి ఉంటుందని హెచ్చరించారు. తన ప్రాణాలకు ముప్పు ఉందని పోలీసులకు తెలుసంటోన్న ప్రదీప్‌రావు, గన్‌మెన్లను కొనసాగించాలని కోరుతున్నారు.

మరిన్ని తెలంగాణ వార్తల కోసం ఈ లింక్ క్లిక్ చేయండి..