FTCCI Awards: మై హోమ్ గ్రూప్ను వరించిన మరో ప్రతిష్టాత్మక అవార్డ్.. కేటీఆర్ చేతుల మీదుగా ప్రదానం..
My Home Industries: రియల్ ఎస్టేట్తోపాటు మ్యాన్యుఫ్యాక్చరింగ్ సహా వివిధ రంగాల్లో అగ్రగామిగా ఉన్న మైహోమ్ గ్రూప్ మరో అరుదైన గౌరవాన్ని దక్కించుకుంది. నిర్మాణ రంగంలో ప్రత్యేక గుర్తింపును పొందడంతోపాటు, వినియోగదారుల అభిమానాన్ని చూరగొంటూ ముందుకు సాగుతున్న మై హోమ్ గ్రూప్న సంస్థకు ప్రతిష్టాత్మక ఎఫ్టీసీసీఐ అవార్డు దక్కింది.
Updated on: Jul 04, 2023 | 7:56 AM
My Home Industries: రియల్ ఎస్టేట్తోపాటు మ్యాన్యుఫ్యాక్చరింగ్ సహా వివిధ రంగాల్లో అగ్రగామిగా ఉన్న మైహోమ్ గ్రూప్ మరో అరుదైన గౌరవాన్ని దక్కించుకుంది. నిర్మాణ రంగంలో ప్రత్యేక గుర్తింపును పొందడంతోపాటు, వినియోగదారుల అభిమానాన్ని చూరగొంటూ ముందుకు సాగుతున్న మై హోమ్ గ్రూప్న సంస్థకు ప్రతిష్టాత్మక ఎఫ్టీసీసీఐ అవార్డు దక్కింది. ఫెడరేషన్ ఆఫ్ తెలంగాణ కామర్స్ అండ్ ఇండస్ట్రీ పారిశ్రామికవేత్తలకు అవార్డులను ప్రకటించింది.
పర్యావరణ పరిరక్షణ కార్యక్రమాలను నిర్వహిస్తూనే వివిధ వ్యాపారాలలో మైహోం సంస్థ దూసుకుపోతోంది. మై హోమ్ చేపట్టిన నిర్మాణాలు కేవలం వ్యాపారాపేక్షతో కాకుండా పర్యావరణాన్ని పరిరక్షించే దిశగా ఉన్నాయి. ఈనేపథ్యంలోనే FTCCI ఎక్సలెన్సీ అవార్డును ప్రకటించింది.
మైహోమ్ ఇండస్ట్రీస్ ప్రైవేట్ లిమిటెడ్కు ఎక్సలెన్స్ ఇన్ కార్పొరేట్ సోషల్ రెస్పాన్సిబిలిటీ విభాగంలో ఎక్సలెన్సీ అవార్డు దక్కింది. హైదరాబాద్లోని హెచ్ఐసీసీ నొవాటెల్లో జరిగిన కార్యక్రమంలో మంత్రి కేటీ రామారావు చేతుల మీదుగా ఈ అవార్డును మైహోమ్ గ్రూప్ టెక్నికల్ డైరెక్టర్ VS నారంగ్, మైహోమ్ గ్రూప్ HR-హెడ్ జి.లక్ష్మీనారాయణ అందుకున్నారు. మొత్తం 22 విభాగాల్లో ఎఫ్టీసీసీఐ ఎక్సలెన్స్ అవార్డులను ప్రదానం చేసింది. మై హోమ్ ఇండస్ట్రీస్తో పాటు, మహీంద్రా అండ్ మహీంద్రాకు ఆల్రౌండ్ పెర్ఫార్మెన్స్ అవార్డు, నవ లిమిటెడ్ సంస్థలకు ఎగుమతుల విభాగంలో ఎక్సలెన్స్ అవార్డులు వరించాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..
