Telangana: హైదరాబాద్లో 23 కి.మీ. పొడవైన సోలార్ రూఫ్ సైకిల్ ట్రాక్.. ఎక్కడంటే..
Hyderabad Solar Roof Cycle Track: హైదరాబాద్లో సోలార్ రూఫ్తో 23 కి.మీ పొడవునా సైకిల్ ట్రాక్ను నిర్మిస్తున్నారు. దీని ద్వారా విద్యుత్తు కూడా ఉత్పత్తి అవుతుంది. సైకిల్ టు ఆఫీస్ కాన్సెప్ట్ కింద రాష్ట్ర ప్రభుత్వం దీన్ని నిర్మిస్తోంది.
Updated on: Sep 10, 2022 | 7:53 PM
Hyderabad Solar Roof Cycle Track: తెలంగాణలోని హైదరాబాద్లో సోలార్ రూఫ్తో 23 కి.మీ పొడవునా సైకిల్ ట్రాక్ నిర్మిస్తున్నారు. నగరంలోని ఐటీ కారిడార్ సమీపంలో పైలట్ ప్రాజెక్టుగా దీన్ని నిర్మిస్తున్నారు. ఈ ట్రాక్ పెద్ద సంఖ్యలో సైకిల్ వినియోగదారులకు ప్రయోజనం చేకూరుస్తుందని భావిస్తున్నారు. ప్రజలు సైకిళ్లను ఉపయోగించి ఇంటి నుంచి ఆఫీసులకు వెళ్లగలుగుతారని అధికారులు భావిస్తున్నారు.
వాస్తవానికి, ఈ ప్రాజెక్ట్ సైకిల్ను ఆఫీస్ కాన్సెప్ట్ను అభివృద్ధి చేసే ప్రయత్నంగా పేర్కొంటున్నారు. గ్లోబల్ గ్రీన్ యాక్టివిస్ట్ ఎరిక్ సోల్హీమ్ ఈ ప్రాజెక్టును ప్రశంసించారు. సైబరాబాద్లోని నంకరన్గూడ నుంచి టీఎస్పీఏ, నార్సింగి నుంచి కొల్లూరు మధ్య ఓఆర్ఆర్ సర్వీస్ రోడ్డు వెంబడి నిర్మించే ఈ సైకిల్ ట్రాక్ను అభివృద్ధి చేస్తున్నారు. ట్రాక్కు 4.5 మీటర్ల వెడల్పుతో పచ్చదనం, క్రాష్బ్యారియర్స్తో పాటు సోలార్ రూఫ్ను నిర్మించనున్నారు. ఈ సోలార్ రూఫ్ 16 మెగావాట్ల విద్యుత్తును ఉత్పత్తి చేస్తుంది. సైకిల్ ట్రాక్ను రాత్రి, పగటిపూట ఉపయోగించవచ్చు. వచ్చే ఏడాది వేసవి నాటికి సిద్ధం చేయాలని తెలంగాణ ప్రభుత్వం యోచిస్తోంది.
హెచ్ఎండీఏ కసరత్తులు..
హైదరాబాద్ మెట్రోపాలిటన్ డెవలప్మెంట్ అథారిటీ (HMDA) ఈ ట్రాక్ను అభివృద్ధి చేస్తోంది. ఈ సోలార్ రూఫ్ సైకిల్ ట్రాక్ ట్రెండ్సెట్టర్గా మారుతుందని అధికార యంత్రాంగం విశ్వసిస్తోంది. నార్సింగి-కొల్లూరు మధ్య 14.5 కిలోమీటర్లు, నానక్రంగూడ-తెలంగాణ స్టేట్ పోలీస్ అకాడమీ (టీఎస్పీఏ) మధ్య 8.5 కిలోమీటర్ల మేర సైకిల్ ట్రాక్ ఉంటుంది. ఈ సైకిల్ ట్రాక్ ORRలో ప్రధాన రహదారి, నగరం వైపు సర్వీస్ రోడ్డు మధ్య ఉంటుంది. ఈ సైకిల్ ట్రాక్ రూపకల్పన ఆలోచన దక్షిణ కొరియా నుంచి తీసుకున్నారు. దేశంలోని పరిస్థితిని బట్టి ఇది మరింత అప్గ్రేడ్ చేయనున్నారు.
అక్కడ సైకిల్ పైనే ప్రధాని కూడా..
ప్రపంచ సైకిల్ దినోత్సవాన్ని జూన్ 3న జరుపుకుంటామనే సంగతి తెలిసిందే. దీని ఉద్దేశ్యం ఏమిటంటే ప్రజలు తక్కువ దూర ప్రయాణాలకు సైకిళ్లకు ప్రాధాన్యత ఇవ్వాల్సిన అవసరం ఉందని గుర్తు చేసేందుకు. సైకిల్ తొక్కడం వల్ల కలిగే ఆరోగ్య ప్రయోజనాలు, ఇది కాలుష్యానికి కలిగే ప్రయోజనాలపై ఫోకస్ చేయాలని సూచిస్తున్నారు. ప్రపంచంలోని అనేక దేశాల్లో సైకిళ్లను పెద్ద ఎత్తున ఉపయోగిస్తున్నారు. నెదర్లాండ్స్లో సైకిళ్ల వినియోగం చాలా ఎక్కువ. ఇక్కడ ప్రధానమంత్రి కూడా తరచూ సైకిల్పై కార్యాలయానికి వెళ్లి వస్తూ ఉంటారు. నెదర్లాండ్స్లోని ఆమ్స్టర్డామ్లో సైకిళ్ల కోసం ప్రత్యేక ట్రాక్ల నెట్వర్క్ ఉంది. భారతదేశంలో కూడా సైకిళ్ల వినియోగంపై అవగాహన కల్పించే వాతావరణం ఇప్పుడిప్పుడే ఏర్పడుతోంది.
