Telangana E-Pass: టీఎస్ ఈ-పాస్ కావాలా.. అయితే ఇలా దరఖాస్తు చేసుకోండి.! వివరాలివే..

E-Pass Telangana: కరోనా కట్టడిలో భాగంగా ప్రస్తుతం తెలంగాణలో లాక్‌డౌన్ అమలవుతున్న సంగతి తెలిసిందే. అత్యవసర ప్రయాణాలు చేయాలంటే ఈ-పాస్ తప్పనిసరి. దానికోసం https://policeportal.tspolice.gov.in వెబ్‌సైట్‌లోకి వెళ్లి పూర్తి వివరాలు, డాక్యుమెంట్స్ సమర్పించాల్సి ఉంటుందని పోలీసులు సూచిస్తున్నారు. వైద్య సేవలు, వివాహాలు, మరణాలకు మాత్రమే పోలీసులు తక్షణం ఈ-పాస్ జారీ చేస్తుండగా.. సరైన కారణాలు లేకపోయినా.. డాక్యుమెంట్స్ సరిగ్గా లేకున్నా వెంటనే తిరస్కరిస్తున్నారు. అటు రైలు, విమాన ప్రయాణాలు చేసేవారు ఎలాంటి పాసులు తీసుకోవాల్సిన అవసరం లేదని తెలిపారు.

E-Pass కోసం తెలంగాణ వాసులు ఇలా చేయండి..

1. మొదటిగా https://policeportal.tspolice.gov.inవెబ్‌సైట్‌ ఓపెన్‌ చేయండి. 2. మీరు కంటై‌న్మెంట్ జోన్‌లో లేనట్లు.. అలాగే కంటై‌న్మెంట్ ప్రాంతానికి ప్రయాణించట్లేదని ధృవీకరించాలి. 3. ఎలాంటి కోవిడ్ లక్షణాలు లేనట్లు, సమర్పించిన వివరాలన్నీ కూడా నిజమైనవేనని సెల్ఫ్ డిక్లరేషన్ చేయాలి. 4. ఆ తర్వాత వెబ్‌సైట్‌లో సూచించిన విధంగా అన్ని వివరాలను నమోదు చేయాలి. 5. పేరు, చిరునామా, వాహనం నెంబర్, సీటింగ్‌ సామర్థ్యం, ప్రయాణించే తేదీ, తిరుగు ప్రయాణ తేదీ, ఏ రూట్లో వెళ్లి వస్తారో తదితర కాలమ్స్ అన్ని పూర్తి చేయాలి. 6. చివరిగా మీ ఫొటో, ఆధార్‌, రీజన్ ఆఫ్ ట్రావెలింగ్‌కు సంబంధించిన ధ్రువీకరణ పత్రం అప్‌లోడ్‌ చేయాలి.

ఇతర రాష్ట్రాల వారు ఇలా చేయండి..

ఇతర రాష్ట్రాల నుంచి తెలంగాణలోకి వచ్చేవారు కూడా దాదాపు పైన పేర్కొన్న పాటర్న్‌ను ఫాలో కావాలి. ఈ సదుపాయాన్ని మంగళవారం నుంచి అందుబాటులోకి తీసుకొచ్చారు. అయితే దానితో పాటు అదనంగా ఏ రాష్ట్రం నుంచి వచ్చారు.? మీ ఇంటి చిరునామా, తెలంగాణలో ఏ జిల్లాకు వెళ్తున్నారా.? పోలీస్ స్టేషన్ పరిధి ఏంటి.? మీరు వెళ్లే ఇంటి చిరునామా.? ఏ రూట్‌లో ప్రయాణిస్తారు.? లాంటి అంశాలను కూడా నమోదు చేయాలి.

Also Read:

మామిడి పండ్లు తిని ఈ 5 ఆహార పదార్ధాలను అస్సలు తినకండి.. చాలా డేంజర్.! ఎందుకంటే?

టీకా తీసుకుంటే రెండేళ్లలో చనిపోతారా.? నెట్టింట్లో వైరల్ పోస్ట్.. అసలు నిజం ఏమిటంటే.?

సర్కస్‌ ట్రైనర్‌పై సింహాల మెరుపు దాడి.. గగుర్పొడిచే దృశ్యాలు.. వైరల్ వీడియో.!