Smartwatch: ఇది స్మార్ట్ వాచ్‌లకే రారాజు.. బెస్ట్ ఫీచర్ల, మంచి బ్యాటరీ బ్యాకప్..

యాక్టివ్ 2 వాచ్ లో అనేక ప్రత్యేకతలు ఉన్నాయి. బ్లూటూత్ కాలింగ్, అమోలెడ్ డిస్ ప్లే, ఆధునాతన హెల్త్ ట్రాకింగ్ ఫీచర్లతో ఆకట్టుకుంటోంది. అమాట్ ఫిట్ ఇండియా వెబ్ సైట్, అమెజాన్, ఎంపిక చేసిన ఆఫ్ లైన్ రిటైల్ అవుట్ లెట్ల లో విక్రయాలు జరుగుతున్నాయి. 1.32 అంగుళాల అమోలెడ్ డిస్ ప్లే ద్వారా విజువల్ చాలా స్పష్టంగా కనిపిస్తుంది. నావిగేషన్ కోసం రెండు ఫిజికల్ బటన్లను ఏర్పాటు చేశారు. సైక్లింగ్, స్విమ్మింగ్ తో సహా 164 వర్కవుట్లకు మద్దతు ఇస్తుంది.

వాచ్ లోని 5.2 బ్లూటూత్ ద్వారా వాయిస్ కాల్స్ చేసుకోవచ్చు. ప్రయాణ సమయంలో ఎలాంటి ఇబ్బంది లేకుండా మాట్లాడుకోవచ్చు. ఎస్పీఓ2 పర్యవేక్షణ, గుండె స్పందన రేటు, ఒత్తిడి, నిద్ర తదితర వాటిని ఎప్పటికప్పుడు పర్యవేక్షించుకోవచ్చు. స్మార్ట్ ఫీచర్ల విషయానికి వస్తే జీప్ ఫ్లో ఏఐ వాయిస్ కంట్రోల్ కు మద్దతు ఉంది. దీని ద్వారా సెట్టింగ్ లను సర్దుబాటు చేసుకోవచ్చు. ఆండ్రాయిడ్ వినియోగదారులు కీబోర్డు లేదా వాయిస్ ఇన్ పుట్ ద్వారా సందేశాలను ప్రతిస్పందించవచ్చు.

యాక్టివ్ 2 స్మార్ట్ వాచ్ లో 270 ఎంఏహెచ్ బ్యాటరీ ఏర్పాటు చేశారు. దీన్ని ఒక్కసారి చార్జింగ్ చేస్తే సుమారు పది రోజుల పాటు బ్యాటరీ పనిచేస్తుంది. బ్లూటూత్, ఇతర ఫీచర్లను ఎక్కువగా వాడితే ఐదు రోజులు వస్తుంది. అమాట్ ఫిట్ యాక్టివ్ రెండు రకాల వేరియంట్లలో అందుబాటులోకి వచ్చింది. స్టాండర్డ్ వెర్షన్ ధర రూ.9,999 కాగా, ప్రీమియం వెర్షన్ ను రూ.11,999కి కొనుగోలు చేయవచ్చు. స్టాండర్డ్ వెర్షన్ లో బ్లాక్ సిలికాన్ స్ట్రాప్ ఏర్పాటు చేశారు. దీని బరువు 29.5 గ్రాములు ఉంటుంది. ఇక ప్రీమియం వెర్షన్ లో అదనపు సిలికాన్ స్ట్రాప్ తో పాటు బ్లాక్ లెదర్ స్ట్రాప్ అందిస్తున్నారు.

ఇవి కూడా చదవండి

వచ్చే ఏడాది తులం బంగారం ధర రూ.1,53,000 అవుతుందా?

మరో విప్లవాత్మక ఆవిష్కరణకు ఓలెక్ట్రా శ్రీకారం

మే 1 నుంచి ఏటీఎం విత్‌డ్రాలో నిబంధనలు మార్పు.. ఛార్జీలు ఎంతంటే..

ఇంట్లో ఎంత బంగారం, నగదు ఉంచుకోవచ్చు.. నిబంధనలు ఏమిటి..?