TRAI: మీ మొబైల్‌ నంబర్‌ డిస్‌కనెక్ట్‌ అవుతుందా? ఆ కాల్స్‌ అర్థం ఏంటి? కేంద్రం చెబుతున్నదేంటి?

మీరు స్మార్ట్‌ఫోన్ వినియోగదారు అయితే మీరు జాగ్రత్తగా ఉండాలి. టెలికాం రెగ్యులేటరీ అథారిటీ ఆఫ్ ఇండియా (TRAI) నకిలీ కాల్‌లకు సంబంధించి హెచ్చరిక జారీ చేసింది. ఇందులో స్కామర్లు అమాయకులకు కాల్ చేస్తున్నారని, వారి నంబర్‌లను డిస్‌కనెక్ట్ చేస్తామని బెదిరిస్తున్నారని అప్రమత్తం చేస్తోంది కేంద్రం.

TRAI హెచ్చరిక సందేశం

దీనికి సంబంధించి వినియోగదారులకు ట్రాయ్ హెచ్చరిక సందేశాన్ని కూడా పంపుతోంది. ఈ స్కామర్‌లు భారతీయ నంబర్‌లను చూపించి భారతీయులకు అంతర్జాతీయ స్కామ్ కాల్‌లు చేస్తున్నారని, విదేశాల్లో కూర్చున్న సైబర్ నేరగాళ్లు కాలింగ్ లైన్ గుర్తింపును తారుమారు చేయడం ద్వారా చేస్తున్నారని కమ్యూనికేషన్ మంత్రిత్వ శాఖ ఒక ప్రకటనలో తెలిపింది. మీ మొబైల్‌ నంబర్‌ డిస్‌కనెక్ట్‌ అవుందుని ఫోన్‌లు చేస్తూ మీ వ్యక్తిగత వివరాలను రాబట్టి భారీ స్కామ్‌కు పాల్పడే అవకాశం ఉందని హెచ్చరిస్తోంది.

భారతీయ ల్యాండ్‌లైన్ నంబర్‌లకు వచ్చే అంతర్జాతీయ నకిలీ కాల్‌లను నిరోధించాలని టెలికాం డిపార్ట్‌మెంట్ సర్వీస్ ప్రొవైడర్లకు ఆదేశాలు జారీ చేసింది. TRAI విడుదల చేసిన ప్రకటనలో మీరు టెలికామ్/ట్రాయ్‌ నుండి మీ ఫోన్‌కి ఏదైనా కాల్ వస్తే, మేము అలాంటి కాల్ చేయడం లేదు కాబట్టి వెంటనే దాన్ని డిస్‌కనెక్ట్ చేయండి. మీరు ఈ కాల్‌లను వెంటనే రిపోర్ట్ చేయాలి అని సూచిస్తున్నాయి.

ఫిర్యాదు చేయవచ్చు

టెలికాం మంత్రిత్వ శాఖ ప్రకారం.. ఇటువంటి నకిలీ కాల్‌ల కోసం మీరు సంచార్ సాథీలో ఇలాంటి వాటిపై ఫిర్యాదు చేయవచ్చు. సైబర్ నేరం కాకుండా ఈ పోర్టల్ మిమ్మల్ని అనేక మోసాల నుండి రక్షించడంలో సహాయపడుతుంది. మోసపూరిత కాల్‌ల గురించి ఫిర్యాదు చేయడానికి, మీరు సంచార్ సతి పోర్టల్‌కి వెళ్లి సిటిజన్ సెంట్రిక్ సర్వీసెస్‌ని చూడవచ్చు. ఇక్కడ నుండి మీరు ఐ ఆప్షన్‌ను ఎంచుకోవచ్చు. మీడియం, కేటగిరి, తేదీ, సమయం మీ పేరు, ఇతర సమాచారాన్ని ఇవ్వవచ్చు.

మరిన్ని టెక్ వార్తల కోసం ఇక్కడ క్లిక్ చేయండి