Realme Note 50 4G: రూ. 7వేలలో సూపర్ ఫీచర్స్‌.. రియల్‌మీ నుంచి అదిరిపోయే ఫోన్‌..

స్మార్ట్ ఫోన్‌ దిగ్గజ సంస్థలన్నీ బడ్జెట్‌ మార్కెట్‌ను టార్గెట్ చేసుకొని కొత్త ఫోన్స్‌ను లాంచ్‌ చేస్తున్నాయి. మరీ ముఖ్యంగా చైనాకు చెందిన దిగ్గజ సంస్థలు బడ్జెట్‌ ధరలో ఫోన్‌లను లాంచ్‌ చేస్తూ వినిమోగదారులను ఆకర్షిస్తున్నాయి. ఈ క్రమంలోనే తాజాగా రియల్‌మీ కొత్త ఫోన్‌ను లాంచ్‌ చేస్తోంది. రియల్‌ నోట్‌ 50 పేరుతో ఈ ఫోన్‌ను లాంచ్‌ చేయనున్నారు.

ఈ 4జీ స్మార్ట్‌ ఫోన్‌ను త్వరలోనే భారత మార్కెట్లోకి తీసుకురానున్నారు. ఇక కంపెనీ ఇప్పటి వరకు ఈ ఫోన్‌కు సంబంధించిన ఫీచర్లపై ఎలాంటి అధికారిక ప్రకటన చేయకపోయినప్పటికీ.. ఆన్‌లైన్‌ వేదికగా కొన్ని ఫీచర్లు, ధర వివరాలు లీక్‌ అయ్యాయి. వీటి ఆధారంగా ఈ స్మార్ట్ ఫోన్‌ను చాలా తక్కువ బడ్జెట్‌తో తీసుకొస్తున్నట్లు తెలుస్తోంది. ఇంతకీ ఈ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు మీకోసం..

రియల్‌మీ నోట్‌ 50 స్మార్ట్‌ ఫోన్‌ యూనిఎస్‌ఓసీ ప్రాసెసర్‌తో పనిచేస్తుందని తెలుస్తోంది. ఇక ఈ స్మార్ట్‌ ఫోన్‌లో 8 జీబీ ర్యామ్‌, 64 జీబీ స్టోరేజ్‌ను అందించనున్నట్లు సమాచారం. అలాగే 4జీ వరకు అదనంగా ర్యామ్‌ను ఎక్స్‌టెండ్‌ చేసుకోవచ్చు. ఇక రియల్‌మీ నోట్‌ 50 స్మార్ట్ ఫోన్‌ స్క్రీన్‌ విషయానికొస్తే ఇందులో 66.7 ఇంచెస్‌తో కూడిన హెచ్‌డీ+ ఎల్‌సీడీ ప్యానెల్‌ను అందించనున్నట్లు సమాచారం. ఇక కెమెరా విషయానికొస్తే రియల్‌మీ నోట్‌ 50 స్మార్ట్‌ ఫోన్‌లో 13 మెగాపిక్సెల్స్‌తో కూడిన రెయిర్‌ కెమెరాను అందించనున్నట్లు తెలుస్తోంది.

అలాగే సెల్ఫీలు, వీడియోకాల్స్‌ కోసం 5 మెగాపిక్సెల్స్‌తో కూడిన ఫ్రంట్‌ కెమెరాను అందించనున్నారు. ఈ ఫోన్‌లో ఫ్రంట్‌ కెమెరా స్లాట్‌ కోసం వాటర్‌ డ్రాప్‌ నాట్చ్‌ను ఇవ్వనున్నట్లు తెలుస్తోంది. ధర విషయానికొస్తే ఈ స్మార్ట్ ఫోన్‌ బేస్‌ వేరియంట్‌ రూ. 7 వేల నంచి రూ. 8 వేల మధ్య ఉండొచ్చని అంచనా వేస్తున్నారు. ఫోన్‌కు సంబంధించిన పూర్తి వివరాలు, ఫీచర్లను త్వరలోనే కంపెనీ అధికారికంగా ప్రకటించనుంది. ఇదిలా ఉంటే రియల్ మీ నుంచి ఇటీవలే రియల్‌మీ సీ67 స్మార్ట్‌ ఫోన్‌ను తీసుకొచ్చిన విషయం తెలిసిందే. ఈ ఫోన్‌ బేస్‌ వేరియంట్ ధర రూ. 13,999గా ఉంది.

మరిన్ని టెక్నాలజీ వార్తల కోసం క్లిక్ చేయండి..