Portable Oxygen Concentrators: పోర్టబుల్ ఆక్సిజన్ కాన్సంట్రేటర్స్‌.. గాలి నుంచి ఆక్సిజన్‌ సేకరించే యత్రం

Portable Oxygen Concentrators: దేశంలో ఇప్పుడు ఆక్సిజన్‌కు భారీ డిమాండ్‌ ఉంది. ఎందుకంటే కరోనా కాలంలో ఇది ఎంతగానో ఉపయోగపడుతుంది. కోవిడ్‌తో ఆస్పత్రుల్లో చేరిన రోగులకు సరైన ఆక్సిజన్‌ అందక ఎందరో ప్రాణాలు కోల్పోతున్నారు. తాజాగా ఆక్సిజన్‌ సిలిండర్‌ల కొరత కారణంగా బ్లాక్‌ దందా ఎక్కువైపోతోంది. బ్లాక్‌ మార్కెట్లో అయితే రూ.50 వేల నుంచి లక్ష రూపాయల వరకు లభిస్తుంది. ప్రస్తుతం ప్రజలు ప్రాణాలను కాపాడుకోవడానికి పరిమితం సమయం వరకు ఆక్సిజన్‌ సాంద్రతను మంచి ప్రత్యామ్నాయంగా చూస్తున్నారు. ఆక్సిజన్‌ సాంద్రత ఒక యంత్రం. ఇది గాలి నుంచి ఆక్సిజన్‌ సేకరిస్తుంది. ఆక్సిజన్‌ ముక్కులోకి వెళ్లే గొట్టం ద్వారా తీసుకోబడుతుంది. దీని నుంచి వచ్చే ఆక్సిజన్‌ 90 శాతం స్వచ్చంగా ఉంటుందని నిపుణులు చెబుతున్నారు. దేశంలో ఆక్సిజన్‌ కొరత ఎక్కువగా ఉంటున్నందున కేంద్రం కూడా లక్ష ఆక్సిజన్‌ సాంద్రతలను కొనుగోలు చేసేందుకు నిర్ణయం తీసుకుంది. జర్మనీ, బ్రిటన్‌ వంటి దేశాలు కూడా భారతదేశానికి సహాయం చేయడానికి ఆక్సిజన్‌ సాంద్రతలను పంపుతున్నాయి. చాలా ప్రైవేటు సంస్థలు ఆక్సిజన్‌ సాంద్రలను ప్రజలకు , ఆస్పత్రులకు అందిస్తున్నాయి. అయితే మనిషిలో ఆక్సిజన్‌ స్థాయిలు పడిపోతుంటే వారు ఆస్పత్రికి చేరే వరకు ఆక్సిజన్‌ సాంద్రత ఎంతగానో ఉపయోగపడుతుందని వైద్య నిపుణులు చెబుతున్నారు. కాగా, రోగులకు ఆక్సిజన్‌ ఉత్పత్తి చేయడానికి పోర్టబుల్‌ మెడికల్‌ ఆక్సిజన్‌ సాద్రతలను ఆస్పత్రులలో లేదా ఇంట్లో ఉపయోగిస్తారు. మనం పీల్చే పరిసర గాలిలో 78 శాతం నత్రజని, ఆక్సిజన్‌కు 21 మరియు ఇతర వాయువులలో ఒక శాతం ఉంటుంది. దేశంలో కరోనా పరిస్థితిని ఎదుర్కొనేందుకు ప్రధాని మోదీ పీఎం కేర్స్ ఫండ్ నుంచి లక్ష పోర్టబుల్ ఆక్సిజన్ కాన్సెంట్రేటర్లను, 500 ఆక్సిజన్ ప్లాంట్లను మంజూరు చేశారు. అయితే వీటిని అత్యధిక కోవిడ్ కేసులు ఉన్న రాష్ట్రాలకు అందజేయాలని ప్రధాని ఆదేశించారు.

ఎవాక్స్‌ ఎలక్ట్రిక్ ఆక్సిజన్ కాన్సంట్రేటర్ ప్రస్తుతం మార్కెట్లో లభించే ఉత్తమమైనది. ఈ యంత్రం మ‌న దేశంలో రూ.45,000 కు లభిస్తుంది. ఇది 5 ఎల్‌పీఎం సామర్థ్యంతో ప‌ని చేస్తుంది. 93 శాతం వ‌ర‌కు ఆక్సిజన్ సాంద్రతను అందిస్తుంది.

అలాగే మోడల్ నంబర్ JAY-1 పోర్టబుల్ ఆక్సిజన్ సాంద్రత 3 లీట‌ర్‌ సామర్థ్యంలో దొరుకుతున్నాయి. ఈ కాన్సంట్రేట‌ర్‌ భారతదేశంలో రూ.40,000 ధరకు లభిస్తుంది. ప్రస్తుతం దేశంలో దొరుకుతున్న వాటిలో చాలా తక్కువ ధర కలిగినది. ఈ యంత్రం బ్యాటరీ, ఎలక్ట్రికల్ రెండింటి ద్వారా పనిచేస్తుంది. రెండింటి ద్వారా నిరంతరం ఆక్సిజ‌న్‌ను పొంద‌వ‌చ్చు. తక్కువ ఆక్సిజన్ స్వచ్ఛత, అధిక శ్వాస రేటు గురించి హెచ్చరిస్తుంది.

ఇక మోడల్ నంబర్ JAY-5 మెడిక‌ల్ ఆక్సిజ‌న్ కాన్సంట్రేట‌ర్ కూడా మార్కెట్లో లభ్యమవుతుంది. ఈ యంత్రం ధర రూ.60,000. ఇది పూర్తిగా క‌రెంట్ ఆధారంగా ప‌నిచేస్తుంది. బ్యాట‌రీపై ప‌నిచేయ‌దు. ఇంటి కోసం ఆక్సిజన్‌ కాన్సంట్రేట‌ర్‌ కొనాలనుకుంటే ఇండియమార్ట్ వెబ్‌సైట్‌లో ప‌లు వేరియంట్లు అందుబాటులో ఉన్నాయి. అందుబాటులో ఉన్న అనేక ఎంపికలలో ఒకటి రూ.35,000 ధరకు లభిస్తుంది.

ఇవీ కూడా చదవండి:

Oxygen: తమిళనాడులో విషాదం.. ఆక్సిజన్‌ అందక 11 మంది కరోనా పేషెంట్లు మృతి.. రోగుల బంధువుల ఆందోళన

Hand Hygiene day: జర భద్రం.. చేతులను శుభ్రం చేసుకుంటే ఉపయోగాలు ఏమిటి.? నేడు చేతుల పరిశుభ్రత దినోత్సవం