Motorola Flip Phones: ‘ఫ్లిప్’ హిప్ హుర్రే.. ఎదురుచూపులకు ఇక ఫుల్ స్టాప్.. మార్కెట్లోకి మోటోరోలా ఫ్లిప్ ఫోన్ల గ్రాండ్ ఎంట్రీ..
ఎంతో కాలం నుంచి ఎదురుచూస్తున్న మోటోరోలా ఫ్లిప్ ఫోన్లు మార్కెట్లోకి గ్రాండ్ ఎంట్రీ ఇచ్చాయి. మోటోరోలా రాజ్ఆర్ 40, రాజ్ఆర్ 40 అల్ట్రా పేర్లతో మన దేశంలో లాంచ్ అయ్యాయి. ఈ స్మార్ట్ ఫోన్లలో అత్యాధునిక ఫీచర్లు ఉన్నాయి.
ఫోల్డబుల్ ఫోన్లలో శామ్సంగ్ ఇప్పటికే తన ముద్ర వేసుకుంది. పలు రకాల మోడళ్లు మార్కెట్లో విస్తృతంగా అమ్ముడవుతున్నాయి. ఈ క్రమంలో మోటోరోలా ఈ సెక్షన్ లో తన అదృష్టాన్ని పరీక్షించుకునేందుకు సిద్ధమైంది. ఎంతో కాలం నుంచి ఎదురుచూస్తున్న మోటోరోలా ఫ్లిప్ ఫోన్లు మార్కెట్లోకి గ్రాండ్ ఎంట్రీ ఇచ్చాయి. మోటోరోలా రాజ్ఆర్ 40, రాజ్ఆర్ 40 అల్ట్రా పేర్లతో మన దేశంలో లాంచ్ అయ్యాయి. ఈ స్మార్ట్ ఫోన్లలో అత్యాధునిక ఫీచర్లు ఉన్నాయి. వీటికి సంబంధించిన పూర్తి వివరాలు ఇప్పుడు చూద్దాం..
లుక్ ఇలా..
మోటో రాజ్ఆర్ 40 అల్ట్రా ఫోన్ రెండు స్టన్నింగ్ కలర్ ఆప్షన్లలో అందుబాటులో ఉంది. వివా మాగ్నెట్, ఇన్ఫినెట్ బ్లాక్ రంగుల్లో లభ్యమవుతోంది. దీనిలో 30 వాట్ల టర్బో పవర్ చార్జింగ్ సపోర్టు ఉంటుంది. శక్తివంతమైన స్నాప్ డ్రాగన్ 8ప్లస్ జెన్ 1 ప్రాసెసర్ తో ఇది పనిచేస్తుంది. మరోవైపు మోటో రాజ్ ఆర్ 40 స్మార్ట్ ఫోన్ మూడు రంగులు సేజ్ గ్రీన్, వెనీలా క్రీమ్, సమ్మర్ లిలాక్ లలో లభ్యమవుతోంది. 8జీబీ ర్యామ్/256 స్టోరేజ్ సామర్థ్యంతో వస్తుంది. ఈ స్మార్ట్ ఫోన్లలోని ఫ్లిప్ స్క్రీన్ వినియోగదారులకు అద్భుతమైన అనుభవాన్ని అందిస్తుంది. సెల్ఫీలకు చాలా బాగా ఉపయోగపడుతుంది. ఫోన్ మొత్తం ఓపెన్ చేయకుండానే యాప్స్ అన్ని వాడుకోవచ్చు. మ్యూజిక్ లైబ్రెరీని కూడా ఒకేసారి వాడొచ్చు. బయట వైపు స్క్రీన్ తో ఇబ్బందిలేకుండా అన్ని టాస్క్ లు చూడొచ్చు.
మోటోరోలా రాజ్ఆర్ 40 అల్ట్రా స్పెసిఫికేషన్లు..
ఈ ఫ్లిప్ స్మార్ట్ ఫోన్ ఆండ్రాయిడ్ 13 ఆపరేటింగ్ సిస్టమ్ పై ఆధారపడి పనిచేస్తుంది. ఇంటర్నెల్ స్టోరేజ్ 256జీబీ ఉంటుంది. ఫింగర్ ప్రింట్ రీడర్ ఉంటుంది. ప్రాక్సిమిటీ ప్లస్ లైట్ సెన్సార్, యాంబియంట్ లైట్ సెన్సార్, యాక్సెలోమీటర్, గైరోస్కోప్, ఈకోంపాస్, హాల్ సెన్సార్ లు ఉంటాయి. దీనిలో స్నాప్ డ్రాగన్ 8ప్లస్ జెన్ 1 ప్రాసెసర్ ఉంటుంది. ర్యామ్ సైజ్ 8జీబీ ఉంటుంది. సెక్యూరిటీ కోసం సైడ్ ఫింగర్ ప్రింట్ రీడర్, ఫేస్ అన్ లాక్ ఉంటుంది. ఇక బ్యాటరీ సామర్థ్యం చూస్తే 3800ఎంఏహెచ్ నాన్ రిమూవబుల్ బ్యాటరీ ఉంటుంది. 30వాట్ల టర్బో పవర్ చార్జింగ్ సపోర్టు ఉంటుంది. ఇక డిస్ ప్లే విషయానికి వస్తే ప్రధాన డిస్ ప్లే 6.9 అంగుళాల ఫుల్ హెచ్ డీ ప్లస్ పీ ఓఎల్ఈడీ డిస్ ప్లే ఉంటుంది. బయటవైపు స్క్రీన్ 3.6 పీఓఎల్ఈడీ డిస్ ప్లే ఉంటుంది. ఫోన్ వెనుకవైపు రెండు కెమెరా 12ఎంపీ, 13ఎంపీతో ఉంటాయి. ముందు వైపు ప్రధాన డిస్ ప్లే వద్ద 32 ఎంపీ క్వాడ్ పిక్సల్ కెమెరా, బయట వైపు స్క్రీన్ వద్ద 12ఎంపీ, 13ఎంపీ కెమెరాలు ఉంటాయి.
మరిన్ని టెక్నాలజీ వార్తల కోసం ఇక్కడ క్లిక్ చేయండి..
