Tech Tips: ఆండ్రాయిడ్ నుంచి ఐఫోన్కి డేటా ఎలా ట్రాన్స్ఫర్ చేయాలి..? ఈ ట్రిక్స్ వాడితే నిమిషాల్లోనే పని ఖతం..
మీరు కొత్తగా ఐఫోన్ కొన్నారా..? అయితే ఇది మీకోసమే. ఆండ్రాయిడ్ ఫోన్ నుండి ఐఫోన్కు డేటాను ఎలా బదిలీ చేయాలనేదానిపై రకరకాల సందేహాలు ఉంటాయి. ఈ ఫీచర్తో మీరు నిమిషాల్లో డేటాను కొత్త ఫోన్కు బదిలీ చేయవచ్చు. అది ఎలానో ఈ స్టోరీలో తెలుసుకుందాం..
Updated on: Jul 27, 2025 | 6:39 PM
ఐఫోన్ అంటే అందరికీ ఇష్టమే. అప్పులు చేసి మరీ ఐఫోన్ కొంటారు. ఐఫోన్ అయితే సెక్యూరిటీ ఫీచర్స్ బాగుంటాయని అందరు దానిపై ఆసక్తి చూపుతారు. మీరు ఆండ్రాయిడ్ ఫోన్ వాడి కొత్త ఐఫోన్ కొన్నప్పుడు కొన్ని ఇబ్బందులు ఉంటాయి. పాత ఫోన్ నుంచి కొత్త ఫోన్కు డేటా ఎలా ట్రాన్స్ఫర్ చేయాలనేది పెద్ద సమస్యగా మారుతుంది. ఫోటోలు, కాంటాక్ట్లు, మెసేజ్లు, యాప్లు, వాట్సాప్ చాట్లను ఎలా బదిలీ చేయాలో చాలా మందికి తెలియదు. కానీ పాత ఫోన్ నుండి కొత్త ఐఫోన్కు డేటాను బదిలీ చేయడం కష్టమైన పని కాదు.. ఆండ్రాయిడ్ నుండి ఐఫోన్కు డేటాను క్షణాల్లో బదిలీ చేయడానికి సులభమైన మార్గం ఏమిటో ఈ స్టోరీలో తెలుసుకుందాం..
యాపిల్ కొత్త యాప్
ఆండ్రాయిడ్ నుండి ఐఫోన్కు డేటాను బదిలీ చేయడాన్ని చాలా సులభతరం చేసే యాప్ను ఆపిల్ స్వయంగా అభివృద్ధి చేసింది. ఈ యాప్ పేరు మూవ్ టు iOS. ఇది గూగుల్ ప్లే స్టోర్లో ఫ్రీగా లభిస్తుంది. ఈ యాప్తో మీరు కాంటాక్ట్లు, క్యాలెండర్, ఫోటోలు, వీడియోలు, మెయిల్, సందేశాలు, వెబ్ బుక్మార్క్లు, వాట్సాప్ చాట్లను సులభంగా షేర్ చేయవచ్చు.
ఎలా చేయాలంటే..?
- మీరు కొత్త ఐఫోన్ను ఆన్ చేసినప్పుడు, దానిలో యాప్స్ అండ్ డేటా అనే స్క్రీన్ కనిపిస్తుంది. అక్కడ ఆండ్రాయిడ్ నుండి డేటా ట్రాన్స్ఫర్ అనే ఆప్షన్ ఎంచుకోవాలి.
- మీ ఆండ్రాయిడ్ ఫోన్లో మూవ్ టూ iOS యాప్ను ఇన్స్టాల్ చేయండి.
- మీ ఆండ్రాయిడ్ ఫోన్, కొత్త ఐఫోన్ ఒకే వైఫైకి కనెక్ట్ అయి ఉండేలా చూసుకోవాలి. ఛార్జింగ్ను చెక్ చేసుకోవాలి.
- ఐఫోన్ 6-10 అంకెల కోడ్ను చూపిస్తుంది. ఆండ్రాయిడ్ ఫోన్లో ఈ కోడ్ను ఎంటర్ చేయాలి. ఇప్పుడు ఆండ్రాయిడ్ ఫోన్ మీరు బదిలీ చేయాలనుకుంటున్న డేటాను అంటే కాంటాక్ట్లు, ఫోటోలు, వీడియోలు, చాట్లు మొదలైన వాటిని సెలక్ట్ చేసుకోమని అడుగుతుంది.
- సెలక్ట్ చేసుకుంటే డేటా ట్రాన్స్ఫర్ అయిపోతుంది.
వాట్సాప్ డేటా బదిలీ
ఇప్పుడు మీరు ఆండ్రాయిడ్ నుంచి ఐఫోన్కు వాట్సాప్ యొక్క మొత్తం చాట్ బ్యాకప్ను ట్రాన్స్ఫర్ చేయవచ్చు. దీని కోసం ఆండ్రాయిడ్ ఫోన్లోని వాట్సాప్ సెట్టింగ్లకు వెళ్లి.. చాట్స్ విభాగంపై క్లిక్ చేసి, మూవ్ చాట్స్ టూ iOSపై నొక్కండి. దీని తర్వాత డేటాను సెలక్ట్ చేసుకోవాలి. ఐఫోన్లో వాట్సాప్ను ఇన్స్టాల్ చేసి, అదే నంబర్ను నమోదు చేస్తే పాత డేటా వస్తుంది.
మరిన్ని టెక్ వార్తల కోసం ఇక్కడ క్లిక్ చేయండి..
