Honor Magic Vs 2: హానర్‌ నుంచి మరో ఫోల్డబుల్ ఫోన్‌ వచ్చేసింది.. ధర, ఫీచర్స్‌ ఎలా ఉన్నాయంటే

ప్రస్తుతం మార్కెట్లో ఫోల్డబుల్ స్మార్ట్ ఫోన్స్‌ హవా నడుస్తోంది. టెక్‌ దిగ్గజ సంస్థలన్నీ ఫోల్డబుల్ ఫోన్స్‌ను తీసుకొస్తున్నాయి. ఇప్పటికే పలు టాప్ కంపెనీలన్నీ మడతపెట్టే ఫోన్స్‌ను మార్కెట్లోకి లాంచ్‌ చేశాయి. తాజాగా చైనాకు చెందిన స్మార్ట్ ఫోన్‌ దిగ్గజం హానర్‌ తాజాగా మార్కెట్లోకి మరో ఫోల్డబుల్ ఫోన్‌ను తీసుకొచ్చింది. హానర్‌ మ్యాజిక్‌ వీఎస్‌2 పేరుతో ఈ ఫోన్‌ను తీసుకొచ్చింది. అక్టోబర్ 12వ తేదీన ఈ ఫోన్‌ను లాంచ్‌ చేశారు.

ప్రస్తుతం ఈ స్మార్ట్ ఫోన్‌లో చైనాలో లాంచ్‌ చేశారు. అక్టోబర్‌ 17వ తేదీ నుంచి హానర్‌ అధికారిక వెబ్‌సైట్‌ ద్వారా ఫోన్‌ను అమ్మకానికి తీసుకురానున్నారు. ఇక భారత్‌లో ఈ ఫోన్‌ను ఎప్పుడు లాంచ్‌ చేయనున్నారన్న దానిపై ఇంకా ఎలాంటి అధికారిక ప్రకటన రావాల్సి ఉంది. త్వరలోనే భారత్‌లోనూ ఈ ఫోన్‌ను తీసుకురానున్నారు. ఈ స్మార్ట్ ఫోన్‌ను గ్లేసియర్ బ్లూ, మిడ్‌నైట్ బ్లాక్, వైలెట్ కోరల్ కలర్స్‌లో విడుదల చేయనున్నారు. ఈ ఫోన్‌లో ఫింగర్‌ ప్రింట్ సెన్సార్‌ను సైడ్‌కు అమర్చారు.

ఇక ఈ ఫోన్‌ పీచర్ల విషయానికొస్తే.. హానర్‌ మ్యాజిక్‌ వీఎస్‌ 2 ఫోన్‌లో 7.92 ఇంచెస్‌తో కూడిన ఓఎల్‌ఈడీ ప్యానెల్‌తో కూడిన డిస్‌ప్లేను ఇచ్చారు. 2,344 x 2,156 పిక్సెల్‌ల రిజల్యూషన్ ఈ డిస్‌ప్లే సొంతం. ఇక సెకండరీ స్క్రీన్‌ విషయానికొస్తే 6.43 ఇంచెస్‌తో కూడిన ఓ ఎల్‌ఈడీ డిస్‌ప్లేను అందించారు. 2,376 x 1,060 పిక్సెల్‌ల రిజల్యూషన్‌ను ఈ కవర్ స్క్రీన్‌ సొంతం. ఇక ఈ ఫోన్‌ ఆక్టాకోర్‌ క్వాల్కమ్‌ స్నాప్‌డ్రాగన్‌ 8+ ఎస్‌ఓసీ ప్రాసెసర్‌తో పనిచేస్తుంది.

ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ స్మార్ట్ ఫోన్‌లో ట్రిపుల్‌ కెమెరా సెటప్‌తో కూడిన రెయిర్‌ కెమెరాను అందించారు. 50 మెగాపిక్సెల్‌+50 మెగాపిక్సెల్‌ + 12 మెగాపిక్సెల్‌తో కూడిన కెమెరా సెటప్‌ను అందించారు. సెల్ఫీల కోసం 16 మెగాపిక్సెలత్స్‌ కూడిన ఫ్రంట్‌ కెమెరాను అందించారు. ఇక బ్యాటరీ విషయానికొస్తే ఇందులో 66 వాట్స్‌ వైర్డ్ సూపర్‌ ఛార్జింగ్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు.

ఇక హానర్‌ మ్యాజిక్‌ వీఎస్‌ 2 ఫోల్డబుల్‌ ధర విషయానికొస్తే ప్రారంభ ధర రూ. 80 వేలుగా ఉండొచ్చని అంచనా వేస్తున్నారు. ఈ ఫోన్‌ను 12 జీబీ ర్యామ్‌, 256 జీబీ స్టోరేజ్‌, 16 జీబీ ర్యామ్‌, 512 జీబీ స్టోరేజ్‌ వేరియంట్స్‌లో తీసుకురానున్నారు. ఇక కనెక్టివిటీ విషయానికొస్తే ఈ 5జీ నెట్‌వర్క్‌కి సపోర్ట్ చేసే ఈ ఫోన్‌లో వైఫై, జీపీఎస్, ఎన్‌ఎఫ్‌సీ, బ్లూటూత్‌ 5.2, యూఎస్‌బీ టైప్‌సీ కనెక్టివిటీ పీచర్స్‌ ఇచ్చారు. బ్యాటరీతో కలిపి ఈ ఫోన్‌ బరువు 229 గ్రాములుగా ఉంది.

మరిన్ని టెక్నాలజీ వార్తల కోసం క్లిక్ చేయండి..