Ether Energy : తక్కువ ధరలో మైలేజ్ ఇచ్చే వాహనాలు.. ఎలక్ట్రిక్ వాహనాల కంపెనీ ఏథర్ ఎనర్జీ నూతన బ్రాంచ్‌ల ఏర్పాటు..

Ether Energy : ఏథర్ ఎనర్జీ సంస్థ ఒక‌వైపు ప్రచారాల‌తో హోరెత్తిస్తూనే మ‌రోవైపు చార్జింగ్ సెంట‌ర్లు, ఎక్స్‌పీరియ‌న్స్ సెంట‌ర్లు, షోరూంల ఏర్పాటుతో దూసుకుపోతోంది.

  • uppula Raju
  • Publish Date - 11:58 pm, Mon, 22 February 21
Ether Energy : తక్కువ ధరలో మైలేజ్ ఇచ్చే వాహనాలు.. ఎలక్ట్రిక్ వాహనాల కంపెనీ ఏథర్ ఎనర్జీ నూతన బ్రాంచ్‌ల ఏర్పాటు..

Ether Energy : ఏథర్ ఎనర్జీ సంస్థ ఒక‌వైపు ప్రచారాల‌తో హోరెత్తిస్తూనే మ‌రోవైపు చార్జింగ్ సెంట‌ర్లు, ఎక్స్‌పీరియ‌న్స్ సెంట‌ర్లు, షోరూంల ఏర్పాటుతో దూసుకుపోతోంది. ప్రస్తుతం విస్తరణ బాట‌లో చాలా దూకుడుగా వెళ్తోంది. ఈ ఏడాది చివరి నాటికి దేశంలో 40 నగరాల్లో త‌మ బ్రాంచ్‌ల‌ను ఏర్పాటు చేయాల‌ని లక్ష్యంగా పెట్టుకున్నట్లు కంపెనీ ఇటీవల ప్రకటించింది. ఈ బెంగళూరు ఆధారిత స్టార్ట్-అప్ విస్తరణ వ్యూహంలో భాగంగా ఇటీవల తన మొదటి ఎక్స్‌పీరియ‌న్స్ కేంద్రాన్ని పూణే నగరంలో ఈథర్ స్పేస్ పేరుతో ప్రారంభించింది. కొత్త షోరూమ్ భండార్కర్ రోడ్ వద్ద ఉంది. స్టార్టర్స్ కోసం, ఏథర్ స్పేస్ అనేది సంస్థ యొక్క ఎక్స్‌పీరియ‌న్స్ సెంట‌ర్ చైన్ .. ఇక్కడ వినియోగదారులు ఏథ‌ర్ ఎలక్ట్రిక్ స్కూటర్ల యొక్క టెస్ట్ రైడ్ చేయవచ్చు మరియు ఈ అవుట్‌లెట్లలో కూడా బుక్ చేసుకోవచ్చు.

ప్రస్తుతం ఏథర్ ఎనర్జీ భారతదేశంలో 450 ఎక్స్, ఏథ‌ర్‌450 ప్లస్ అనే రెండు ఎలక్ట్రిక్ స్కూటర్లను విడుద‌ల చేసింది. గ‌తంలో ఈ కంపెనీ భారతదేశంలో 340 మరియు 450 ఇన్నింగ్స్ ప్రారంభించింది. ఎక్కువ ప్రీమియం ఈథర్ 450 ఎక్స్ ఎలక్ట్రిక్ స్కూటర్ ఎకో, రైడ్, స్పోర్ట్ & వార్ప్ అనే నాలుగు రైడింగ్ మోడ్‌లతో వస్తుంది. ఎకో మోడ్‌లో 85 కిలోమీటర్ల వ‌ర‌కు ప్రయాణిస్తుంద‌ని కంపెనీ పేర్కొంది. ఈ మోడ్‌లో కేవలం 3,3 సెకన్లలో 40 కిలోమీటర్ల వేగాన్ని అందుకుంటుంది.

ఏథ‌ర్ ఎల‌క్ట్రిక్ స్కూటర్‌లో ఇన్‌బిల్ట్ 4 జి సిమ్ కార్డుతో పాటు ఏడు అంగుళాల టచ్‌స్క్రీన్ ఇన్‌స్ట్రుమెంట్ క్లస్టర్ ఉంటుంది. ఇది బ్లూటూత్ ద్వారా ఫోన్‌కు క‌నెక్ట్ అవుతుంది. ఏథర్ 450 ఎక్స్ ఎలక్ట్రిక్ స్కూటర్ ప్రస్తుతం గ్రే, గ్రీన్ మరియు వైట్ యొక్క మూడు రంగుల్లో అమ్మకానికి అందుబాటులో ఉంది. 450 ఎక్స్ ధర 1,61,426 రూపాయలు కాగా, 450 ప్లస్ 1,42,416 రూపాయలుగా (ఎక్స్-షోరూమ్, పూణే) నిర్ణయించారు.

స్మార్ట్రాన్ ఇండియా నుండి సరికొత్త ఈ-బైక్.. త్వరలోనే మార్కెట్‌లోకి ‘టీబైక్ వన్ ప్రొ’..