Redmi Laptop: తక్కువ ధరకే అందుబాటులో ఉన్న ఈ రెడ్మీ ల్యాప్టాప్ గురించి తెలుసా? ఫీచర్లు చూస్తే అవ్వాకవుతారంతే..!
ల్యాప్టాప్లను కూడా యువత ఎక్కువగా ఇష్టపడుతున్నారు. ముఖ్యంగా ఈ కంపెనీ రిలీజ్ చేసే ల్యాప్టాప్లు తక్కువ ధరకు అందుబాటులో ఉండడమే కాకుండా ప్రీమియం ల్యాప్టాప్ల్లో ఉండే ఫీచర్లు కూడా ఇందులో ప్రీ ఇన్స్టాల్ అయ్యి వస్తున్నాయి. ముఖ్యంగా రెడ్మీ బుక్ ప్రో యువతను ఎక్కువగా ఆకట్టుకుంటుంది.
Updated on: May 02, 2023 | 3:45 PM
భారత్లో స్మార్ట్ ఫోన్ల తయారీ సంస్థగా ప్రవేశించిన రెడ్మీ కంపెనీ వినియోగదారుల ఆదరణను అందుకుంటుంది. పెరుగుతున్న డిమాండ్కు అనుగుణంగా రెడ్మీ కంపెనీ కూడా వివిధ ఉత్పత్తులను అందుబాటులోకి తీసుకువచ్చింది. రెడ్మీ కంపెనీ తీసుకువచ్చిన టీవీలను మధ్యతరగతి ప్రజానీకం ఎక్కువగా ఇష్టపడుతున్నారు. తాజాగా ఈ కంపెనీ రిలీజ్ చేస్తున్న ల్యాప్టాప్లను కూడా యువత ఎక్కువగా ఇష్టపడుతున్నారు. ముఖ్యంగా ఈ కంపెనీ రిలీజ్ చేసే ల్యాప్టాప్లు తక్కువ ధరకు అందుబాటులో ఉండడమే కాకుండా ప్రీమియం ల్యాప్టాప్ల్లో ఉండే ఫీచర్లు కూడా ఇందులో ప్రీ ఇన్స్టాల్ అయ్యి వస్తున్నాయి. ముఖ్యంగా రెడ్మీ బుక్ ప్రో యువతను ఎక్కువగా ఆకట్టుకుంటుంది. కేవలం రూ.37,999కు అందుబాటులో ఉండే ఈ ల్యాప్టాప్ను 15.6 అంగుళాల 242 పీపీఐ డిస్ప్లేతో వస్తుంది. అలాగే విండోస్ ఆపరేటింగ్ సిస్టమ్ ప్రీఇన్స్టాల్ చేసి వస్తుంది. ఇంటెల్ ఐరిస్ ఎక్స్ఈ గ్రాఫిక్స్తో పాటు 11 జెనరేషన్ నుంచి ఐ 5 ప్రాసెసర్తో వస్తుంది. అలాగే ఈ వేరియంట్ 512 జీబీ ఎస్ఎస్డీతో వస్తుంది. ఈ ల్యాప్టాప్ 8 జీబీ డీడీఆర్ ర్యామ్తో వస్తుంది. ఈ ల్యాప్టాప్ ఫ్లిప్కార్ట్లో అందుబాటులో ఉంటుంది.
ఫీచర్లు ఇవే
ఈ మోడల్ సాధారణ అవసరాల కోసం చాలా ఉపయోగంగా ఉంటుంది. విండోస్ 11 హోం ఆపరేటింగ్ సిస్టమ్గా ఇన్స్టాల్ చేశారు. ఈ ల్యాప్టాప్ బరువు 1.8 కిలోలుగా ఉంటుంది. ఈ ల్యాప్టాప్కు కంపెనీ ఒక సంవత్సరం వారెంటీ వస్తుంది. యాంటీ గ్లేర్ స్క్రీన్తో వచ్చే ఈ ల్యాప్టాప్లో 1920×1080 స్క్రీన్ రిజుల్యూషన్తో వస్తుంది. ఈ ల్యాప్టాప్ డీసీ డిమ్మింగ్, 81.8% స్క్రీన్-టు-బాడీ నిష్పత్తితో వస్తుంది. ఈ ల్యాప్టాప్లో ఈథర్నెట్, వైఫై, బ్లూటూత్ 5.1 కనెక్టివిటీ ఎంపికలు ఉన్నాయి. రెండు యూఎస్బీ 3.0 పోర్ట్లు, ఒక USB 2.0 పోర్ట్ అందుబాటులో ఉంటుంది. 2 x 2డబ్ల్యూ స్టీరియో స్పీకర్, అంతర్నిర్మిత మైక్రోఫోన్, వేరొకరితో వీడియో కాల్ చేయడానికి వెబ్క్యామ్ ఫెసిలిటీ అలాగే హెచ్డీఎంఐ కనెక్టివిటీతో వస్తుంది.
మరిన్ని టెక్నాలజీ వార్తల కోసం క్లిక్ చేయండి..
