Wet Phone: వర్షంలో ఫోన్ తడిచిపోయిందా.. ఇలా చేయడం ద్వారా అది పాడవకుండా చూడొచ్చు.. ప్రయత్నించండి!

వర్షాకాలంలో ఇంటి నుండి బయటకు వెళ్లేటప్పుడు ఫోన్ తడిసిపోతుందనే భయం ఎక్కువగా వేధిస్తుంది. నీటి భయం కారణంగా, మనం ఫోన్‌ను పాలిథిన్‌లో భద్రపరుస్తాము.

Wet Phone: వర్షంలో ఫోన్ తడిచిపోయిందా.. ఇలా చేయడం ద్వారా అది పాడవకుండా చూడొచ్చు.. ప్రయత్నించండి!
Wet Phone

Wet Phone: వర్షాకాలంలో ఇంటి నుండి బయటకు వెళ్లేటప్పుడు ఫోన్ తడిసిపోతుందనే భయం ఎక్కువగా వేధిస్తుంది. నీటి భయం కారణంగా, మనం ఫోన్‌ను పాలిథిన్‌లో భద్రపరుస్తాము. ఫోన్ తడిచిపోతుందనే భయంతో వర్షం వచ్చినపుడు ఎటూ కదలకుండా ఉండిపోవడమూ జరుగుతుంది. తప్పనిసరి అయిన పని ఉంటె వర్షంలో బయటకు వెళ్లడం కోసం ఎన్నో జాగ్రత్తలు తీసుకుంటాం.   పూర్తి జాగ్రత్తలు తీసుకున్న తర్వాత కూడా చాలాసార్లు, ఫోన్‌లోకి నీరు పోయే అవకాశం వస్తుంది.  ఒకవేళ మీకు కూడా అలాంటి పరిస్థితి ఎదురైతే, మీరు భయపడకుండా ఫోన్‌ను ఎండబెట్టడం గురించి ఆలోచించాలి. అలాగే, ఎవరూ తొందరపడి తడిచిపోయింది ఫోన్ విషయంలో ఎదో ఒకటి చేయకూడదు. ఫోన్ తడిస్తే లేదా నీటిలో పడితే ఉపయోగపడే కొన్ని చిట్కాలను నిపుణులు చెప్పారు.  దాని సహాయంతో, మీరు నీటిలో తడిచినప్పటికీ, ఫోన్ దెబ్బతినకుండా కాపాడుకోవచ్చు.  చిట్కాల గురించి తెలుసుకుందాం …

ఫోన్ నీటిలో తడిసిపోతే, ముందుగా దాన్ని ఆఫ్ చేయండి. ఫోన్ ఆన్‌లో ఉన్నప్పుడు లోపలి భాగంలో నీరు చేరితే, షార్ట్ సర్క్యూట్  సంభవించవచ్చు. ఫోన్ నీటిలో పడిపోయినా, లేదా తడిసినా, దాని బటన్‌లు ఏమైనా పనిచేస్తున్నాయా లేదా అని తనిఖీ చేయడానికి ప్రయత్నించవద్దు. ముందుగా దాన్ని ఆపివేయడం మంచిది.

నీటిలో తడిచిన ఫోన్‌ను ఆపివేసిన తర్వాత, దాని అన్ని ఉపకరణాలను వేరు చేయండి. అంటే, బ్యాటరీ, సిమ్ కార్డ్, మెమరీ కార్డ్‌తో పాటు ఫోన్‌తో జతచేయబడిన కవర్లను కూడా  వేరు చేసి, పొడి టవల్ మీద ఉంచండి. ఈ అన్ని ఉపకరణాలను వేరుచేయడం వలన షార్ట్ సర్క్యూట్ ప్రమాదం తగ్గుతుంది.

మీ ఫోన్‌లో నాన్ రిమూవబుల్ బ్యాటరీ (ఫోన్‌లో స్థిరంగా ఉన్న బ్యాటరీ) ఉన్నట్లయితే, బ్యాటరీని తీసివేసి ఆఫ్ చేసే ఆప్షన్ పోతుంది. ఈ సందర్భంలో, ఫోన్ ఆఫ్ అయ్యే వరకు పవర్ బటన్‌ని నొక్కి పట్టుకోండి. నాన్ రిమూవబుల్ బ్యాటరీ ఫోన్‌లో షార్ట్ సర్క్యూట్‌కు కారణమవుతుంది.

ఫోన్ ఉపకరణాలను విడదీసిన తరువాత, ఫోన్ అన్ని భాగాలను పొడిగా ఉంచడం అవసరం. దీని కోసం పేపర్ న్యాప్‌కిన్‌లను ఉపయోగించడం ఉత్తమమని భావిస్తారు. ఇది కాకుండా, ఫోన్‌ను తుడిచివేయడానికి మృదువైన తువ్వాలను కూడా ఉపయోగించవచ్చు.

టవల్‌తో తుడిచిన తర్వాత, ఫోన్‌లోని అంతర్గత భాగాలను పొడిగా చేయడం అత్యంత ముఖ్యమైన విషయం. దీని కోసం, ఫోన్‌ను పొడి బియ్యంలో వేసి ఒక పాత్రలో ఉంచండి. బియ్యం తేమను వేగంగా గ్రహిస్తుంది. ఇలా చేయడం వలన ఫోన్ అంతర్గత భాగాలు ఎండిపోతాయి.

మీరు ఫోన్‌ను రైస్ పాట్‌లో ఉంచకూడదనుకుంటే, సిలికా జెల్ ప్యాక్‌ని కూడా ఉపయోగించవచ్చు. ఈ జెల్ ప్యాక్‌లు షూ బాక్స్‌లు, గ్యాడ్జెట్స్ బాక్స్‌లలో మనకు వస్తాయి. అవి బియ్యం కంటే వేగంగా తేమను గ్రహించే సామర్థ్యాన్ని కలిగి ఉంటాయి.

మీ ఫోన్‌ను సిలికా ప్యాక్ లేదా బియ్యం పాట్‌లో కనీసం 24 గంటలు ఉంచండి. ఇది పూర్తిగా ఆరిపోయే వరకు దాన్ని ఆన్ చేయడం గురించి ఆలోచించవద్దు. ఫోన్‌తో పాటు, బ్యాటరీ, ఇతర ఉపకరణాలను కూడా బియ్యంలో ఆరబెట్టవచ్చు. ఫోన్ పూర్తిగా ఆరిపోయే వరకు ఆన్ చేయవద్దు.

24 గంటల తర్వాత, ఫోన్,  దాని అన్ని భాగాలు ఆరిపోయినప్పుడు.. తేమను తీసివేసిన తర్వాత, దాన్ని ఆన్ చేయండి. ఫోన్ అప్పుడు ఆన్ చేయకపోతే దాన్ని సేవా కేంద్రానికి తీసుకెళ్లండి.

ఇలా చేయొద్దు..

ఫోన్‌ను డ్రైయర్‌తో ఆరబెట్టడానికి ప్రయత్నించవద్దు. డ్రైయర్ చాలా వేడి గాలిని విడుదల చేస్తుంది, ఇది ఫోన్ సర్క్యూట్‌లను కరిగించగలదు.
ఫోన్ తడిస్తే, వెంటనే దాన్ని ఆఫ్ చేయండి. ఏదైనా ఇతర బటన్‌ను ఉపయోగించడం వలన షార్ట్ సర్క్యూట్ ప్రమాదం గణనీయంగా పెరుగుతుంది.
ఫోన్ పూర్తిగా ఆరిపోయే వరకు హెడ్‌ఫోన్ జాక్, యూఎస్‌బీ  పోర్ట్‌ను ఉపయోగించవద్దు. ఇది ఫోన్ పాడయ్యే ప్రమాదాన్ని పెంచుతుంది.

Also Read: Instagram: టీనేజ్‌ పిల్లల భద్రతే లక్ష్యంగా ఇన్‌స్టాగ్రామ్‌ కొత్త ఫీచర్.. ఇకపై వారి పప్పులు ఉడకవు.

Micromax In 2b: మార్కెట్లోకి మైక్రోసాఫ్ట్‌ కొత్త స్మార్ట్‌ ఫోన్‌.. ఈ ఫోన్‌ ప్రత్యేకత ఏంటో తెలుసా.? బడ్జెట్‌ ధరలో ఆకట్టుకునే..

Click on your DTH Provider to Add TV9 Telugu