Whatsapp Update: వాట్సాప్‌లో మరో నయా ఫీచర్‌.. రిప్లై బార్ ఫీచర్‌తో ఆ సమస్యకు చెక్‌..
వాట్సాప్ కూడా ఎప్పటికప్పుడు నయా అప్‌డేట్స్‌ ఇస్తూ వినియోగదారులను ఆకట్టుకుంటుంది. తాజాగా వాట్సాప్ ఫొటోలు, వీడియోలు, జీఐఎఫ్‌లకు ప్రతిస్పందించడానికి కొత్త రిప్లై బార్ ఫీచర్‌ను విడుదల చేస్తోంది. వినియోగదారులు గూగుల్‌ ప్లే స్టోర్‌ నుంచి వాట్సాప్‌ను అప్‌డేట్‌ ఈ ఫీచర్‌ వినియోగదారులకు అందుబాటులో ఉంటుంది.
Updated on: Oct 04, 2023 | 11:15 AM
వాట్సాప్ మెటా ద్వారా పని చేసే ప్రసిద్ధ ఇన్‌స్టంట్ మెసేజింగ్ యాప్. యువత ఇటీవల కాలం‍లో వాట్సాప్‌ను విరివిగా వాడుతున్నారు. ముఖ్యంగా ఈ యాప్ ద్వారా మెసేజ్‌లతోపాటు వీడియోలు, ఫొటోలు, ఫైల్స్‌ ఆడియో, వీడియో కాల్స్‌ మాట్లాడుకునే సౌలభ్యం ఉండడంతో ఎక్కువ మంది వాట్సాప్‌ను ఇష్టపడుతున్నారు. ఇప్పటికే ఈ అప్‌డేట్‌ బీటా వెర్షన్‌లో అందుబాటులో ఉంది. తాజాగా వాట్సాప్ ఇచ్చిన అప్‌డేట్‌ వల్ల ఉపయోగాలు ఏంటో? ఓ సారి తెలుసుకుందాం. వాట్సాప్‌లో తాజా రిప్లయ్‌ ఆప్షన్‌ ప్రకారం రెండు ముఖ్యమైన ప్రయోజనాలను కలిగి ఉంది. ముఖ్యంగా వేగం, వినియోగదారు సౌలభ్యం పరంగా చాలా సౌకర్యవంతంగా ఉంటుంది. ప్రస్తుతం స్క్రీన్ నుంచి నిష్క్రమించకుండానే త్వరగా ప్రత్యుత్తరం ఇవ్వడానికి ఇది వినియోగదారులను అనుమతిస్తుంది. ముఖ్యంగా సంభాషణ ప్రవాహాన్ని విచ్ఛిన్నం చేయకుండా వినియోగదారులు సంభాషించవచ్చు. రెండోది అనవసరమైన అంతరాయాలను తొలగించడం ద్వారా ఛాట్ వివరాల విభాగంలోని మీడియా స్క్రీన్‌లో కూడా ఫోటోలు, వీడియోలు, జిఫ్‌లను వీక్షించేటప్పుడు వినియోగదారుల అనుభవాన్ని మెరుగుపరుస్తుంది.
తాజా అప్‌డేట్‌ చెక్‌ చేయడం ఇలా
మీరు ఫీచర్‌ని స్వీకరించారో లేదో తనిఖీ చేయడానికి వాట్సాప్‌ను తెరిచి ఆపై ఏదైనా చిత్రం, వీడియో లేదా జిఫ్‌ను తెరవాల్సి ఉంటుంది. మీరు ఫంక్షనాలిటీకి యాక్సెస్ కలిగి ఉంటే ప్రత్యుత్తరం బార్ తప్పనిసరిగా చూపుతుంది. అప్పటికీ అది కనిపించకపోతే మళ్లీ నొక్కడానికి ప్రయత్నించాలి. అయితే ఈ అప్‌డేట్‌ఇప్పటికే బీటా టెస్టర్‌లకు అందుబాటులో ఉన్నందున ఎక్కువ మంది వ్యక్తులు త్వరలో నవీకరణను అందుబాటులో వస్తుంది. కొత్త రిప్లయ్‌ బార్ ప్రస్తుత స్క్రీన్‌ను తీసివేయకుండా చాట్‌లోని నిర్దిష్ట మీడియాకు త్వరగా ప్రతిస్పందించడానికి వినియోగదారులను అనుమతిస్తుంది. ముఖ్యంగా షేర్ చేసిన కంటెంట్‌కు సంబంధించిన సందర్భాన్ని కోల్పోకుండా చేస్తుందని నిపుణులు పేర్కొంటున్నారు. స్క్రీన్ అంతరాయాల తగ్గింపు కారణంగా వినియోగదారు అనుభవాన్ని మెరుగుపరచడానికి దీన్ని రూపొందిచారు.
త్వరలోనే సెర్చ్ ఫంక్షన్‌ అప్‌డేట్‌
వాట్సాప్ అప్‌డేట్‌ల పేజీ కోసం సెర్చ్ ఫంక్షన్‌ను అభివృద్ధి చేస్తున్నట్లు పలు నివేదికలు సూచిస్తున్నాయి. ముఖ్యంగా ఛానెల్ డైరెక్టరీని సందర్శించాల్సిన అవసరం లేకుండా వినియోగదారులు ఈ కార్యాచరణను ఉపయోగించి స్టేటస్‌ అప్‌డేట్స్‌తో పాటు, ఇతర ధ్రువీకరించిన ఛానెల్‌ను శోధించవచ్చు. ఈ ఫంక్షన్‌తో మీరు ఛానెల్ డైరెక్టరీని యాక్సెస్ చేయకుండానే ధ్రువీకరించబడిన ఛానెల్స్‌తో పాటు స్టేటస్‌ మార్పులను చూడవచ్చు.
మరిన్ని టెక్నాలజీ వార్తల కోసం క్లిక్ చేయండి..
