Whatsapp Update: వాట్సాప్‌లో అదిరిపోయే అప్‌డేట్.. ఇకపై గ్రూప్స్‌లో ఆ కన్ఫ్యూజన్ ఉండదంతే

ప్రపంచవ్యాప్తంగా యువత ఎక్కువ ఇన్‌స్టంట్ మెసేజింగ్ యాప్ వాట్సాప్‌ను వాడుతున్నారు. కేవలం మెసేజ్‌లు మాత్రమే కాకుండా ఫొటోలు, వీడియోలు, డాక్యుమెంట్లు పంపుకునే వెసులుబాటు ఉండడంతో ఎక్కువమంది వాట్సాప్‌ను వినియోగిస్తున్నారు. అలాగే ఆడియో, వీడియో కాల్స్ చేసే సదుపాయంతో ఉండడంతో వాట్సాప్‌ను ఎక్కువ మంది ఇష్టపడుతున్నారు. ముఖ్యంగా వాట్సాప్‌లో గ్రూప్ మెసేజింగ్ చేసుకోవడానికి వీలుగా గ్రూప్ క్రియోట్ చేసుకునే వెసులుబాటు ఉంది. అయితే కొంతమంది గ్రూప్‌లో మెసేజ్ చేస్తున్నా వారు ఎవరో తెలియక ఇబ్బందిపడతాం. వారు ఒకవేళ మనకు పర్సనల్ మెసేజ్ చేసినా గుర్తపట్టలేం. అయితే తాజాగా వాట్సాప్ ఓ సరికొత్త అప్‌డేట్‌తో మన ముందుకు వచ్చింది. వాట్సాప్ తాజా అప్‌డేట్‌లో యూజర్ నేమ్ సెట్ చేసుకునే అవకాశం కల్పిస్తుందని పలు నివేదికలు వెల్లడిస్తున్నాయి. వాట్సాప్ అందించే ఆ అప్‌డేట్ ఏంటో ఓ సారి తెలుసుకుందాం.

మెటా యాజమాన్యంలోని వాట్సాప్ యూజర్‌నేమ్‌ను సెటప్ చేయడానికి ఒక ఫీచర్‌పై పనిచేస్తోందని వినియోగదారులు తమ ఖాతాల కోసం ప్రత్యేకమైన వినియోగదారు పేర్లను ఎంచుకోవడానికి వీలు కల్పిస్తుందని తాజా నివేదికలు వెల్లడిస్తున్నాయి. ప్రస్తుతం అభివృద్ధి దశలో ఉన్న ఈ ఫీచర్ త్వరలోనే వినియోగదారులకు అందుబాటులోకి రానుంది. వాట్సాప్ యాప్ సెట్టింగ్‌లలో యూజర్‌నేమ్ ఫీచర్‌ను పరిచయం చేయడంలో వాట్సాప్ మరింత చురుకుగా పనిచేస్తోందని నివేదికలు వెల్లడిస్తున్నారు. వినియోగదారులు ప్రత్యేకంగా ప్రొఫైల్ విభాగంలో వాట్సాప్ సెట్టింగ్స్ మెనూ ద్వారా ఈ ఫీచర్‌ను యాక్సెస్ చేయగలరు.

వినియోగదారు పేరును ఎంచుకోవడం ద్వారా వినియోగదారులు గుర్తింపు కోసం ఫోన్ నంబర్‌లపై ఆధారపడకుండా ఉండవచ్చు అలాగే వినియోగదారులు కూడా ఒక విలక్షణమైన, సులభంగా గుర్తుంచుకోగల పేరుని సృష్టించే ఎంపికను కలిగి ఉంటారు. పలు నివేదికల ప్రకారం వాట్సాప్ వినియోగదారులు త్వరలో వారి ఫోన్ నంబర్‌లను తెలుసుకోవాల్సిన అవసరం లేకుండా వారు ఎంచుకున్న వారితో ఈజీగా చాటింగ్ చేసుకోవచ్చు. యూజర్‌నేమ్‌ల ద్వారా ప్రారంభించిన సంభాషణలు యాప్ బలమైన ఎండ్-టు-ఎండ్ ఎన్‌క్రిప్షన్ ద్వారా రక్షణగా ఉంటుందని భావిస్తున్నారు. ఇది వినియోగదారు గోప్యత, డేటా భద్రత అత్యంత ప్రాధాన్యతగా కొనసాగుతుందని నిర్ధారిస్తుంది. ఈ ఫీచర్ ప్రస్తుతం డెవలప్‌మెంట్‌లో ఉన్నప్పటికీ సమీప భవిష్యత్తులో బీటా టెస్టర్‌లు దీనిని ప్రయత్నించే అవకాశం ఉంటుందని అందరూ అంచనా వేస్తున్నారు. అయితే ఈ తాజా ఫీచర్ గురించి మరింత స్పష్టత రావాల్సి ఉంది. 

ఇవి కూడా చదవండి

మరిన్ని టెక్నాలజీ వార్తల కోసం ఇక్కడ క్లిక్ చేయండి..