Youtube: యూట్యూబ్‌లో ఆ వీడియోలు ఇకపై ఉచితంగా చూడలేమా.? కీలక నిర్ణయం దిశగా అడుగులు…
యూట్యూబ్ ఈ పేరును ప్రత్యేకంగా పరిచయం చేయాల్సిన పనిలేదు. ఏ చిన్న అనుమానం వచ్చినా సరే వెంటనే యూట్యూబ్ ఓపెన్‌ చేసి సెర్చ్‌ చేసే రోజులు వచ్చేశాయ్‌. ఈ వీడియో ప్లాట్‌ఫామ్‌తో ఓ వైపు క్రియేటర్స్‌కి, మరోవైపు యూట్యూబ్‌కి కాసుల పంటపండుతోంది..
Updated on: Oct 07, 2022 | 2:24 PM
యూట్యూబ్ ఈ పేరును ప్రత్యేకంగా పరిచయం చేయాల్సిన పనిలేదు. ఏ చిన్న అనుమానం వచ్చినా సరే వెంటనే యూట్యూబ్ ఓపెన్‌ చేసి సెర్చ్‌ చేసే రోజులు వచ్చేశాయ్‌. ఈ వీడియో ప్లాట్‌ఫామ్‌తో ఓ వైపు క్రియేటర్స్‌కి, మరోవైపు యూట్యూబ్‌కి కాసుల పంటపండుతోంది. ఈ క్రమంలోనే యూట్యూబ్ తన ఆదాయాన్ని మరింత పెంచుకునే క్రమంలో కీలక నిర్ణయాలు తీసుకుంటోంది. ఇందులో భాగంగానే ఇప్పటికే యూట్యూబ్ ప్రీమియం పేరుతో యూజర్లకు సబ్‌స్క్రిప్షన్‌ ఆప్షన్‌ తీసుకొచ్చిన విషం తెలిసిందే. డబ్బులు చెల్లించి సబ్‌స్క్రిప్షన్‌ తీసుకున్న వారికి ప్రత్యేక కంటెంట్‌ను అందిస్తూ వస్తోన్న యూట్యూబ్ తాజాగా ఆదాయమార్గాన్ని పెంచుకునే దిశగా మరో అడుగు ముందుకేస్తున్నట్లు తెలుస్తోంది.
ఇందులో భాగంగానే ఇకపై యూట్యూబ్‌లో 4కే రెజల్యూషన్‌ వీడియోలను చూడాలంటే ప్రీమియం సబ్‌స్క్రిప్షన్‌ తప్పనిసరి చేసే ప్లాన్‌లో ఉందని సమాచారం. ప్రస్తుతం ప్రీమియం సబ్‌స్క్రిప్షన్‌లో భాగంగా యూజర్లు ఎలాంటి యాడ్స్‌ లేకుండా వీడియోలు చూసే అవాకశం కల్పించిన విషయం తెలిసిందే. ఇందుకోసం నెలకు రూ.129, మూడు నెలలకు రూ. 399, సంవత్సరానికి ₹1290 చెల్లించాల్సి ఉంటుంది.
So, after testing up to 12 ads on YouTube for non-Premium users, now some users reported that they also have to get a Premium account just to watch videos in 4K. pic.twitter.com/jJodoAxeDp
— Alvin (@sondesix) October 1, 2022
అయితే ఇకపై 4కే వీడియోలను చూడాలంటే కచ్చితంగా ప్రీమియం చెల్చించే విధానాన్ని అమలు చేయనున్నట్లు తెలుస్తోంది. ఇదిలా ఉంటే దీనిపై ఇప్పటి వరకు ఎలాంటి అధికారిక ప్రకటన మాత్రం రాలేదు. 4కే వీడియోలు చూడాలంటే యూట్యూబ్ ప్రీమియం సబ్‌స్క్రైబ్ చేసుకోవాలని తమకు నోటిఫికేషన్స్ వస్తున్నట్టు కొందరు యూజర్లు రెడిట్ ప్లాట్‌ఫాంలో పేర్కొనడంతో ఈ అంశం తెరపైకి వచ్చింది. ఇందుకు సంబంధించిన స్క్రీన్‌ షాట్స్‌ ప్రస్తుతం నెట్టింట వైరల్ అవుతున్నాయి.
మరిన్ని టెక్నాలజీ వార్తల కోసం క్లిక్ చేయండి..
