India vs England: తొలిమ్యాచ్‌తోనే సంచలన రికార్డులకు కేరాఫ్‌గా నిలిచిన నరేంద్ర మోడీ స్టేడియం.. 10 అద్భుత రికార్డులివే..

India vs England: అహ్మదాబాద్ టెస్ట్‌లో టీమ్ ఇండియా కేవలం రెండు రోజుల్లో అద్భుత విజయం సాధించి చరిత్ర సృష్టించింది. నాలుగు-మ్యాచ్‌ల సిరీస్‌లో మొదటి రెండు మ్యాచ్‌లు సమానంగా ఉండటంతో మూడో మ్యాచ్‌పైనే అందరి దృష్టి ఉంది. కారణం ఈ మ్యాచ్ గెలిచిన జట్టే సిరీస్‌లో ఆధిక్యంలో ఉంటుంది. కానీ అహ్మదాబాద్‌ టెస్ట్ మ్యాచ్‌ తరువాత ఇంగ్లండ్ టీమ్ సిరీస్ గెలుస్తుందనే ఆశ సన్నగిల్లిందనే చెప్పాలి. ఇదిలాంటే.. టీమిండియా ప్లేయర్లంతా అద్భుతమైన ఆటతీరుతో కొత్త చరిత్ర సృష్టించారు. అక్షర్ పటేల్, రోహిత్ శర్మ, రవిచంద్రన్ అశ్విన్ కీలక పాత్ర పోషించారు. ఇక ప్రపంచంలోని అతిపెద్దదైన నరేంద్ర మోడీ స్టేడియంలో ఇవాళ రికార్డుల మోత మోగింది. అవెంటో ఇప్పుడు తెలుసుకుందాం.

1. అశ్విన్ తరువాత రెండవ స్పిన్నర్‌గా నిలిచిన అక్షర్ పలేట్‌ అహ్మదాబాద్ టెస్టులో ఇంగ్లండ్‌తో జరిగిన తొలి ఇన్నింగ్స్‌లో అక్షర్ పటేల్ ఆరు వికెట్లు పడగొట్టాడు. ఇది అతని రెండవ టెస్ట్ మ్యాచ్. అంతకుముందు, చెన్నై రెండో టెస్టులో అరంగేట్రం చేస్తూ, ఇన్నింగ్స్ మొత్తంలో ఏడు వికెట్లు సాధించి చరిత్ర సృష్టించాడు. అహ్మదాబాద్ టెస్ట్‌లో రెండవ ఇన్నింగ్స్‌లో అక్షర్ పటేల్ మొదటి ఓవర్ వేశాడు. ఆ ఓవర్ తొలి బంతికే ఇంగ్లండ్ బ్యాట్స్‌మెన్ జాక్ క్రౌలీని అవుట్ చేశాడు. దీంతో టెస్టు తొలి బంతికి వికెట్ తీసిన రవిచంద్రన్ అశ్విన్ తర్వాత రెండో స్పిన్నర్‌గా అక్షర్ పటేల్ నిలిచాడు. కాగా, చెన్నైలో ఆడిన తొలి టెస్టులో అశ్విన్ ఈ ఘనత చేశాడు.

2. ఇషాంత్ శర్మ ఫీట్: 14 సంవత్సరాల కెరీర్‌లో మొదటి సిక్స్.. అహ్మాదాబాద్ స్టేడియం వేదికగా భారత్-ఇంగ్లండ్ మధ్య జరిగిన ఈ టెస్ట్ మ్యాచ్ ఇషాంత్ శర్మ ఇంటర్నేషనల్ క్రికెట్ కెరీర్ లో 100వ టెస్ట్. ఈ మ్యాచ్ అతనికి చారిత్రాత్మకంగా నిలిచిపోనుందనే చెప్పాలి. ఎందుకంటే.. 100వ మ్యాచ్‌లో ఇషాంత్ శర్మ తొలిసారి సిక్సర్ కొట్టాడు. దాంతో ఈ మ్యాచ్ అతని కెరీర్‌లో మరింత గుర్తుండిపోయేలా చేశాడు. ఇక ఇషాంత్ శర్మ అంతర్జాతీయ కెరీర్‌లో ఇదే మొదటి సిక్స్. ఇషాంత్ శర్మ 2007లో అరంగేట్రం చేసినప్పటి నుండి 100 టెస్టులు, 80 వన్డేలు ఆడగా.. 14 టి20 ఇంటర్నేషనల్స్ లో పాల్గొన్నాడు. ఈ మ్యాచ్‌లన్నింటిల్లో ఇషాంత్ సుమారు 2677 బంతులను ఎదుర్కొన్నాడు.

3. 5 వికెట్లు పడగొట్టిన జో రూట్.. ఇంగ్లండ్ కెప్టెన్ జో రూట్ పార్ట్ టైమ్ బౌలర్ అయినప్పటికీ.. అహ్మదాబాద్ టెస్ట్‌లో కీరోల్ పోషించాడు. టీమిండియా తొలి ఇన్నింగ్స్‌ను పూర్తిగా దెబ్బతీసింది రూట్ అనే చెప్పాలి. భారత్ తొలి ఇన్నింగ్‌లో రూట్ 5 వికెట్లు పడగొట్టి కష్టాల్లోకి నెట్టాడు. అద్భుతమైన స్పిన్‌తో టీమిండియా బౌలర్లను కట్టడి చేశాడు. 3 వికెట్ల నష్టానికి 99 పరుగులతో టీమిండియా బ్యాటింగ్ చేస్తోంది. ఆ సమయంలో ఎంటరైన రూట్.. టీమిండియాను 143 పరుగులకు కట్టడి చేశాడు. 6.3 ఓవర్లు వేసిన రూట్.. కేవలం 8 పరుగులు ఇచ్చి 5 వికెట్లు తీసుకున్నాడు. టెస్ట్ క్రికెట్‌లో ఏ స్పిన్నర్‌కైనా ఇదే అత్యంత కీలక వికెట్లు అని చెప్పాలి. ఇక.. రూట్ మొత్తం క్రికెట్ కెరీర్‌లో 5 వికెట్లు తీసుకోవడం ఇదే తొలిసారి.

4. జానీ బెయిర్‌స్టో అట్టర్ ప్లాప్..  ఇంగ్లాండ్ బ్యాట్స్‌మన్ జానీ బెయిర్‌స్టో భారత్‌పై తన పేలవ ప్రదర్శనను కొనసాగించాడు. రెండు ఇన్నింగ్స్‌లలో బెయిర్‌స్టో ఏమీ సాధించలేకపోయాడు. మరో ప్రత్యేకత ఏంటంటే.. భారత్‌పై బెయిర్‌స్టో తన చివరి ఏడు టెస్ట్ ఇన్నింగ్స్‌లలో కేవలం 24 పరుగులు చేశాడు. ఇంకా ఆశ్చర్యకరమైన విషయం ఏంటంటే, ఈ ఏడు ఇన్నింగ్స్‌లలో బైర్‌స్టో 5 మ్యాచ్‌లలో కనీసం ఖాతా కూడా తెరవలేదు.

5. జో రూట్ డబుల్ రోల్ : డబుల్ సెంచరీ, 5 వికెట్లు.. భారత్-ఇంగ్లండ్ టెస్ట్ సిరీస్‌లో ఇంగ్లాండ్ కెప్టెన్ జో రూట్ రెండు అద్భుతాలు చేశాడు. చెన్నై టెస్టులో డబుల్ సెంచరీ చేసిన జో రూట్.. తాజా మ్యాచ్‌లో అదే ప్రదర్శనను కనబరిచాడు. ఈ టెస్ట్ సిరీస్‌లో డబుల్ సెంచరీ సాధించడంతో పాటు, అతని పేరు మీద ఐదు వికెట్లు పడగొట్టాడు. దీనికి ముందు ఇలా పాకిస్తాన్‌కు చెందిన వసీం అక్రమ్ 1996 లో జింబాబ్వేపై ఈ రికార్డ్‌ను నమోదు చేశాడు. అలాగే డెన్నిస్ అట్కిన్సన్ 1955 లో ఆస్ట్రేలియాపై ఈ అద్భుతం చేశాడు.

6. అశ్విన్ అద్భుత ప్రదర్శన.. 11 వ సారి స్టోక్స్ ఔట్ చేశాడు. చుట్టి ఉన్నాయి ఈ సిరీస్‌లో రవిచంద్రన్ అశ్విన్ ప్రదర్శన అద్భుతం అని చెప్పాలి. చెన్నై టెస్టులో సెంచరీ చేసిన అశ్విన్.. బంతితోనూ ప్రత్యర్థులను హడలెత్తించాడు. తాజాగా అహ్మదాబాద్ మ్యాచ్‌లోనూ ఇదే ప్రదర్శనను కనబరిచాడు. అశ్విన్ ఇంగ్లాండ్‌తో జరిగిన తొలి ఇన్నింగ్స్‌లో మూడు వికెట్లు పడగొట్టిన విషయం తెలిసిందే. ఆ తరువాత జరిగిన రెండవ ఇన్నింగ్స్‌లో కూడా అద్భుతంగా ఆడాడు. బెన్ స్టోక్స్‌ను ఎల్‌బిడబ్ల్యూ చేయడం ద్వారా చరిత్ర సృష్టించాడు. కారణం.. స్టోక్స్‌ను 11వ సారి అశ్విన్ ఔట్ చేశాడు.

7. 400 టెస్ట్ వికెట్లు, అశ్విన్ 600 అంతర్జాతీయ వికెట్లు అశ్విన్ సాటిలేని ప్రదర్శనను కొనసాగిస్తూనే ఉన్నాడు. బెన్ స్టాక్స్ వికెట్‌తో ఈ భారత బౌలర్ 600 అంతర్జాతీయ వికెట్ల సంఖ్యను పూర్తి చేశాడు. మరో రెండు వికెట్లు తీస్తే టెస్ట్ క్రికెట్‌లో అశ్విన్ 400 వికెట్లు కూడా పూర్తి చేయనున్నాడు.

8. 11 వికెట్లు పడగొట్టిన అక్షర్ పటేల్.. అహ్మదాబాద్ టెస్ట్ తొలి ఇన్నింగ్స్‌లో 6 వికెట్లు తీసిన యంగ్ స్పిన్నర్ అక్షర్ పటేల్.. రెండో ఇన్నింగ్స్‌లో ఐదు వికెట్లు పడగొట్టాడు. దీంతో అతను తన రెండవ టెస్టులో మ్యాచ్‌లో 11 వికెట్లు పడగొట్టి బౌలర్‌గా నిలిచాడు. అంతకంటే ఎక్కువ వికెట్లు పడే బౌలర్‌గా నిలిచాడు.

9. వరుసగా మూడో ఇన్నింగ్స్‌లో ఐదు వికెట్లు.. మరో అంశంలో అక్షర్ పటేల్ రికార్డ్ నెలకొల్పాడు. ఈ యువ స్పిన్నర్ వరుసగా మూడో ఇన్నింగ్స్‌లోనూ 5 కు పైగా వికెట్లు తీసి తన పవర్‌ను చాటిచెప్పాడు. చెన్నైలో జరిగిన రెండో టెస్టు ద్వారా అరంగేట్రం చేసిన అక్షర్ పటేల్.. తొలి ఇన్నింగ్స్‌లో రెండు వికెట్లు తీశాడు. ఆ తరువాత రెండో ఇన్నింగ్స్‌లో ఐదు వికెట్లు తీశాడు. ఇక ఇవాళ అహ్మదాబాద్‌లో జరిగిన టెస్ట్ మ్యాచ్ తొలి ఇన్నింగ్స్‌లో ఆరు వికెట్లు తీసి.. రెండో ఇన్నింగ్స్‌లో ఐదు వికెట్లు పడగొట్టాడు.

10. ఇద్దరు స్పిన్నర్లు 20 లో 18 వికెట్లు పడగొట్టారు అహ్మదాబాద్ టెస్ట్ మ్యాచ్‌లో భారత స్పిన్నర్లు ఓ మెరుపు మెరిసారని చెప్పాలి. ముఖ్యంగా అక్షర్ పటేల్, రవిచంద్రన్ అశ్విన్ బ్రిటిష్ జట్టును వణికించారు. వీరిద్దరూ కలిసి ఇంగ్లండ్ 20 వికెట్లలో 18 వికెట్లు పంచుకున్నారు. వీటిలో అక్షర్‌కు మొదటి ఇన్నింగ్స్‌లో 6, రెండో ఇన్నింగ్స్‌లో 5 సహా 11 వికెట్లు ఉండగా.. అశ్విన్ మొదటి ఇన్నింగ్స్‌లో 3 వికెట్లు, రెండవ ఇన్నింగ్స్‌లో 4 వికెట్లు పడగొట్టాడు. మొత్తం 7 వికెట్లు తీసుకున్నాడు. తొలి ఇన్నింగ్స్‌లో ఇషాంత్ శర్మ పేరిట ఒక వికెట్, రెండో ఇన్నింగ్స్‌లో వాషింగ్టన్ సుందర్ పేరిట ఒక వికెట్ ఉంది.

Also read:

ఐదు రోజుల టెస్టు రెండ్రోజులకే సరి.. మోతెరా పిచ్‌లో తిప్పేసిన స్పిన్నర్లు.. భారత్ ఘన విజయం

టీమిండియా ముందు స్మాల్ టార్గెట్… స్పిన్ మాయాజాలం బాగా పని చేసిందోచ్..