IND vs WI: రూ. 78 కోట్ల ఇంటిలో అడుగు.. కట్చేస్తే.. మారిన అదృష్టం.. యశస్వి లైఫ్లో ఇంట్రెస్టింగ్ స్టోరీ మీకోసం..
WI vs IND: ఈ లెఫ్ట్ హ్యాండ్ క్రికెటర్ జీవిత కథ వింటే.. కచ్చితంగా మనసు చలించిపోతుంది. ఈ కథలో ముఖ్యమైన మలుపు అంటే ముంబైలోని బాంద్రాలోని రూ. 78 కోట్ల ఇంట్లోకి మారడం. అవును అక్కడి నుంచి ఈ లెఫ్ట్ హ్యాండర్ స్టోరీ ఆసక్తికర మలుపు తిరిగింది. అదేంటో ఇప్పుడు వివరంగా తెలుసుకుందాం..
Updated on: Jul 12, 2023 | 4:03 PM
Yashasvi Jaiswal: యూపీ నుంచి ముంబైలో గొల్ గప్పలు అమ్మడం దగ్గర్నుంచి.. కోటీశ్వరుడిగా మారడం వరకు.. అలాగే, ఐపీఎల్ నుంచి టీమిండియాలోకి ఎంట్రీ వరకు.. ఈ ప్రయాణం ఒక్క రోజులో జరిగింది కాదు.. ఎన్నో ఏళ్ల నిరీక్షణ, పట్టుదల. బీదవాడిగా బరిలోకి దిగి.. నేడు కోట్లకు పడగలెత్తిన ఈ యువ కెరటం అద్భుతమైన ఫాం చూస్తే.. ఎవ్వరికైనా ముచ్చటేస్తుంది. ఎన్ని ఒడిదొడుకులు ఎదురైనా.. తన లక్ష్యం కోసం పోరాడిన ఈ లెఫ్ట్ హ్యాండర్ ఎట్టకేలను నేడు తన కలను నెరవేర్చుకోవడానికి సిద్ధంగా ఉన్నాడు. కేవలం ఆటతోనే తనను గల్లీ నుంచి ఢీల్లీ వరకు.. ఐపీఎల్తో ప్రపంచ వ్యాప్తంగా గుర్తింపు పొందాడు. ఆయనెవరో కాదు.. యశస్వి జైస్వాల్. ప్రస్తుతం ఈ పేరు మార్మోగిపోతోంది. ఎందుకంటే.. తన అసాధారణ ఆటతో టీమిండియా చోటు దక్కించుకుని, నేడు వెస్టిండీస్తో అంతర్జాతీయ క్రికెట్లోకి ఎంట్రీ ఇచ్చేందుకు సిద్ధంగా ఉన్నాడు. ఈ లెఫ్ట్ హ్యాండ్ క్రికెటర్ జీవిత కథ వింటే.. కచ్చితంగా మనసు చలించిపోతుంది. ఈ కథలో ముఖ్యమైన మలుపు అంటే ముంబైలోని బాంద్రాలోని రూ. 78 కోట్ల ఇంట్లోకి అడుగుపెట్టడం. అవును అక్కడి నుంచి ఈ లెఫ్ట్ హ్యాండర్ స్టోరీ ఆసక్తికర మలుపు తిరిగింది. అదేంటో ఇప్పుడు వివరంగా తెలుసుకుందాం..
ఆ రూ.78 కోట్ల ఇల్లు ఎవరిది? అది యశస్వి జైస్వాల్ ఇల్లు కాదా ? లేదా అతని స్నేహితులు లేదా బంధువులు ఎవరైనా? యశస్వి జీవితాన్ని మార్చిన ఆ ఇంట్లో ప్రత్యేకత ఏంటి. టీమిండియాతో ఆడాలనే కోరికకు మరింత ఊతం అక్కడే మొదలుకావడం ఏంటి? ఇవన్నీ ప్రస్తుతం సంచలనంగా మారాయి. అయితే, అది యశస్వీ ఇల్లు కాదండోయ్. ఆ ఇంట్లో నివసించే వ్యక్తి సూచనలతో యశస్వి వెనక్కి తిరిగి చూడలేదు. అక్కడి నుంచి ఏకండా టీమిండియాలో చోటుతోపాటు కోటీశ్వరుడిగా మారాడు. అలాంటి యశస్వికి స్ఫూర్తినిచ్చిన వ్యక్తి మరెవరో కాదండోయ్.. క్రికెట్ గాడ్ సచిన్ టెండూల్కర్.
రూ. 78 కోట్ల ఇంట్లోకి యశస్వి జైస్వాల్ ఎలా ప్రవేశించింది?
ఇప్పుడు ప్రశ్న ఏమిటంటే, ముంబైలోని బాంద్రాలోని పెర్రీ క్రాస్ రోడ్లోని సచిన్ టెండూల్కర్ రూ. 78 కోట్ల ఇంటికి యశస్వి జైస్వాల్ ఎలా చేరుకున్నాడు? అనేది ఆసక్తికరంగా మారింది. సచిన్ స్వయంగా యశస్వి పోరాట కథ విని, చలించిపోయాడు. అతనిని తన ఇంటికి రమ్మని ఆహ్వానించాడు. అర్జున్ టెండూల్కర్ స్వయంగా అతడిని తన తండ్రి వద్దకు తీసుకెళ్లాడు. శ్రీలంక టూర్కు భారత అండర్ 19 జట్టులో యశస్వి ఎంపిక కావడం, ఆ జట్టులో అర్జున్ టెండూల్కర్ కూడా సభ్యుడిగా ఉండడం ఆ రోజుల్లో జరిగిన విషయం.
యశస్వికి బ్యాట్ బహుమతిగా ఇచ్చిన సచిన్..
సచిన్ టెండూల్కర్తో యశస్వి జైస్వాల్ సమావేశం 45 నిమిషాల పాటు కొనసాగింది. యశస్వి ఆ సంభాషణలో ఎంతగా మునిగిపోయిందంటే, ఫొటోగ్రాఫ్లు తీయడం, సెల్ఫీలు తీసుకోవడం కూడా మర్చిపోయాడు. ఆ సమావేశం తర్వాత, సచిన్ టెండూల్కర్ తన సంతకం చేసిన బ్యాట్ను యశస్వికి బహుమతిగా ఇచ్చాడు. యశస్వి ఆ బ్యాట్తో ఆడడు. కానీ, దానిని అలంకరించి ఉంచాడు. ఆ బ్యాట్ను చూసి ప్రేరణ, స్ఫూర్తి పొందుతున్నట్లు ఈ యంగ్ ప్లేయర్ చెప్పుకొచ్చాడు. సచిన్ను కలిసిన తర్వాత యశస్వి ముందుకు సాగిపోయాడు.
ఇప్పుడు ప్రశ్న ఏమిటంటే, రూ. 78 కోట్ల విలువైన బాంద్రాలోని సచిన్ టెండూల్కర్ ఇంటికి వెళ్లిన యశస్వి జైస్వాల్ జీవితం ఎలా మారిపోయింది? అక్కడికే వస్తున్నాం.. ఇది క్రికెట్లో వేగంగా ఎదుగుతున్న అతని స్థాయి, అది తెచ్చిన గుర్తింపుతో ప్రారంభమైంది. సచిన్ను కలిసిన తర్వాత జనవరి 2019లో యశస్వి ఫస్ట్ క్లాస్ క్రికెట్లో అరంగేట్రం చేశాడు. అదే సంవత్సరం సెప్టెంబరులో అతను తన లిస్ట్ A అరంగేట్రం చేసాడు. ఆ తర్వాత, అతను అండర్-19 ప్రపంచ కప్కు ఎంపికయ్యాడు. అక్కడ అతను తన బ్యాట్ను ఝులిపించాడు. యశస్వి కీర్తి నిరంతరం వ్యాప్తి చెందుతోంది. దాని ప్రభావం IPL 2020లో అతనిపై కోట్ల వర్షం కురిసిందన్నమాట.
View this post on Instagram
టీమిండియా తరపున అరంగేట్రం చేయడానికి సిద్ధం..
ఐపీఎల్ 2020లో యశస్వి జైస్వాల్ మూడున్నర కోట్ల రూపాయలు దక్కించుకున్నాడు. అతనిపై రాజస్థాన్ రాయల్స్ భారీగా పందెం వేసింది. యశస్వి ఇప్పటికీ రాజస్థాన్ రాయల్స్ తరఫున IPL ఆడుతున్నాడు. ప్రతి సీజన్లో అతను ఈ జట్టు టాప్ స్కోరర్లలో ఒకడిగా నిలస్తున్నాడు. ప్రపంచంలోని చాలా మంది పెద్ద క్రికెట్ దిగ్గజాలు యశస్వీ బ్యాటింగ్ను మొచ్చుకుంటున్నాయి. అతని బ్యాట్ బలంతో, యశస్వి ఇప్పుడు టీమ్ ఇండియాకు అరంగేట్రం చేయడానికి సిద్ధంగా ఉన్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..
